وحد السلام عليكم اولاد عمي واخوتي وخوتاتي. اجي نكملو على البلاوات دسواقة دتسول مع امحمد مسيكين صياد الثعالب ههههه .قلنا الحاج العشاب (زامبيا) قالهم خصني ثعلب ذكر. وعيا ميضور ماصابشاي مشى لدوار اخور عند التهامي خاين مراتو.. اجي التهامي ،وحد الهضرة غنقولالك: ولكن بيني وبينك شي ناس طلبولي وحد الثعلب ذكر وغيعطيوني ستالاف ريال فيه وش تقد تشد شي واحد؟ التهامي من بعد مسولو بزاف السؤالات وافق يضور على ثعلب المهم التلفون بيناتنا. شي يومين والتهامي عيط على نسيبو.. امحمد اجي رني شديتو. مشا امحمد هز الثعلب فالخنشة وداه لدار عيط على امحند سي علي قالو ثعلب كاين. قالو محند سي علي شوية ونرد عليك. طال شوية وعيط على امحمد، قولي بعدا كيف عامل اللون ديالو؟ قالو احمر وفيه وحد نgعة كحلة. محند سي علي: لالا لا لا اصاحبي خصو يكون احمر كلو مافين يمارة. امحمد: هذا ما صيبت. محند سيعلي:اوا دبر راسك إلا بغيت دفلت هد ستلاف نت تعرف. امحمد :يلاه دبا نشوف شد دك ثعلب قتلو وعيط على نسيبو تهامي قالو مكيناش من دك شي قالك خصم ثعلب احمر مفيه يمارة. التهامي : يلاه دبا نشوف شي ثلتيام والتهامي عيط على امحمد اجي هني شديتو. مشى امحمد جاب الثعلب فالخنشة ملي وصلو لدارو صابو جايف ههههه .عيط على التهامي وشني نقولك مات هد اليهودي فالخنشة!!! التهامي بقا كالس ايخمم قال ميمكنش هذشي باينة هد نسيبي امحمد ايبيعهم ويقولي هذ الخبر.المهم صافي عملا بين عيناه! عيط على امحمد مهم بقا معه ولاخور ايحلف ويعطي لكرشو المهم تزايدو في الهضرة قشبلوه بيناتهم تسابو فرقوه فكرع كلب ههههه!! التهامي حلف فنسيبو قالو والله اصيبتك ماجي لداري نت ودك اليهودية دختي غلا قتلتكم ابناي النصابة لخرين. الله الله كبرت العيطة هههه المهم امحمد حلف باخر الحلوف حتا يشد هذ ثعلب وربي كبير طالت شي ايام وحد نهار ثلثاء وهو. ايشد ثعلب ذكر احمر مافيه يمارة قيال وبايت عندو فدار ،لغدامشي اعبيه لربع. ناض فصباح وخلا حتا طلع نهار بش ميلاقي شي واحد ماشي لسوق واشوفو. وعمل الثعلب فالخنشة الشتف ودارو فشواري على حمار وزاد به للسوق لربع ايلاقيه واحد حدا سوق كعاد مسوق امحمد؟ قالو اييه شدتعطيلا وشني عندك فهد الخنشة فشواري؟ صباح لله مع بالو!! قالو غي وحد بيبيا. اوا مشا الحال اصاحبي !!امحمد: اودي ره موصني عليها وحد سيد وكان. سلك منو مشا لتحت وحد القنطرة فلربع نزل الشواري تما بالخنشة بكلشي ودخل عند محند دريس ومحند سي علي . هما ملهيين دبا بالبيع والشرا قالم الامانة رها برا. قالو محند سيعلي عندك اشوفا gرد دلغابة قالو لا كون هاني. دبا السواقة بغاو اقولولو جيبا ويطلقوها وبقاو ايقول. شد شد ههه قالو لا! حتا نساليو بيع وشرا بعدا المهم قيال امحمد ماشي ماجي عندم وهو ايقولولو بلاتي بلاتي وقيال ارgب على ثعلب ههههه . عيط محند دريس لمحند سي علي شوف المسخوط ره خصنا كيف نسلكو انا وياك ره امحمد ماشي يتقلق ويتقاتل معنا. محند سيعلي: بنننننيا!! شني نعملو؟؟ قالو نقولولو ره الحاج شرا ونتهاناو ره هد شي لي ضحكناه غيضحكوه علينا هد لولاد لحرام فعايلم دسواقة! صافي فضاو وهو ماجي امحمد. عيطلو محند دريس قالو اخاي سمحنا وصافي عيطنا على الحاج قالك رني شريت! المهم امحمد بقا غي ايشوف وزاد خلفا بحالو. ما وقف حتا لعند ثعلب جبدها من شواري وزطم فيها فدك الواد. معرفنا شكون من المساخيط مشا عندو وقالو اخراg رهم غي كانو كيضحكو عليك. وهاو سخن امحمد وهز المعكافة وجا مشي يتقتل مع محند سي علي ومحند ادريس. جاب الله عبد الله مول الخوردة وعبد المالك وهما ايرغبو فامحمد ويزاوgو فيه. بسيف بش سلكت هههه.
هد الفضيحة كاملا عندا الدواء!
الفضيحة الكبير هي ناس ددوارو ودوار نسيبو كلشي ساق الخبار. امحمد مسكين مبقا عند وجا بش يلاقي شي واحد خصوصا انسابو وصحبو. والمساخط دناس ددوار فين ما شافو امحمد ايبقاو اعيطولو وهي ثعيلبو ههههه وهي بوثعلب هههههه
سمحولي الا صدعتكم وصداعتلكم راسكم وكما قلت هذي قصة حقيقية ابطالها البالاوات السواقة دتسول وهدشي غي عمنول هههههه
الله الاقينا فساعة مبروكة
توقيع خالد جمال.
1 commentaires:
الله يعطيك الصحة سي خالد تاحرامياث دالسواقة واعرة
Enregistrer un commentaire