المهم بصفتي سواق غنعودليكم على الخدمة ليكيديرو السواقة وانا كنعتبر السوق مدرسة كبيرة لتطوارت ويلا بغيت تبرد شي واحد سيفطو للسوق. المهم يحسن عون لي اكون نية او عاد جديد فسوق. المهم قصة ليوم ديال صاحبنا الغازي الله يسمح علينا منو فاش كان لعقل والو كنا كنعطيو التشيطين قتلة المهم هد الغازي كان غي نية وكان ايبيع الحوايج معنا وكنا صحاب بزاف انا وهو وسعيد. الغازي طاح عليه وحد لبلان غيطلع للناظور اجيب حوايج الكوطربون المهم شجعناه وقلنالو متجيبش بزاف جرب بعدا المهم طلع للناظور وحد نهار الاثنين جاب شي 6 جواكط من تما شراهم بطناش لميا (60 درهم ) تسوقنا لواد امليل بدينا كنفرشو سلعة وهو ملي جاب دك جواكط سولنا كيف جاوكم هد جواكط قلنالو مزيانين اليوم تبيعهم منهضروش عليها وتقارينا انا وسعيد عليه. المهم علق شي 2من دك جواكط يافتاح يارزاق ياربي اسهل علي ياربي. المهم حنا دبرنا وحد 4 دناس من دوار سعيد هلالمة هو مكيعرفمش وسيفطنا الاول يشري منو جاكيطة السلام عليكم بشحال هد جاكيطة؟ قالو ثلثالاف ريال لواه دير المروة!! شحال تخلص اشريف غنعطيك الفين ريال المهم عندي عندك تفاهمو باربعة وعشرين مية وملي افضا معه في ثمن قالو خبعالي حتا نرجع. شدا صاحبنا الغازي خبعها المهم ثاني الثالث الرابع نفس الخدمة وكنا كنطولو عليه عاد نسيفطو اخور صاحبنا باع 4 جواكط لكن حتا واحد مخلصو غير دارهم فميكة وخبعهم حتا قطع لكاس وجمع سلعة كلها ودك جواكط مخليهم وهو كيعاين مسكين يجيو صحاب الجواكط لجواكطهم و مشينا عندو المهم مقدرناش نشدو الضحك
توقيع خالد جمال
0 commentaires:
Enregistrer un commentaire