فرق الفروسية التي شاركت في الأيام الثقافية لقبيلة التسول ؛ ماي 2018 في نسختها الأولى "دورة الفقيه التسولي أبو الحسن علي بن عبد السلام "

تماشيا مع برنامج الأيام الثقافية الذي سطرته جمعيةالآفاق للثقافة والرياضة والبيئة،كان الحضور على موعد مع ندوة تعريفية بالفروسية من تقديم ذ.اجليبن لتليها عروض الفروسية للفرق المشاركة.

تحدث الأستاذ اجليبن عن مكانة الخيل في الموروث الثقافي التسولي باعتبار الفرس مصدر الخير واليمن والبركة لذلك كانت العناية بالحصان نظرا لشخصيته الجذابة والمثيرة.
ثم جاء تقديم الفرق المشاركة على الشكل التالي:
1.المقدم الحسن كريط عن جمعية النصر لخيالة اولاد ازباير.
2.المقدم عبدالسلام بلحسن عن جمعية الأمل باولاد ازباير أيضا.
3.المقدم الغالي المغاري عن جماعة بني افراسن.
4.المقدم اجعينط حميد عن جمعية المنار للربع الفوقي.
5.المقدم الزيدوري عبدالله عن جمعية نصر الله..
6.المقدم بلمقدم أيوب عن جمعية الخير لاولاد اشريف
7.المقدم مجعيط بوشتى.
نحيي عاليا الفرق السبعة المشاركة ونود القول انه قد نراكم في العديد من المهرجانات الجهوية والوطنية أو سمعنا عن قوة الفرس والفرسان التسوليين الاحرار ولكنكم بأولاد ازباير كنتم 10على 10،كنتم متميزين،وقد أمتعتم الحاضرين من مختلف الفئات بانسجامكم وقوتكم في الميدان مما جعل عشاقكم يملؤون جنبات الملعب وكل الفضاءات الخضراء المحيطة،فشكلتم لوحة فنية ستبقى لتاريخ اولاد ازباير وجمعية الآفاق التي تحملت الكثير من أجل السهر على تنظيم هذه التظاهرة الثقافيةالكبرى.
#لجنة_الاعلام.

توقيع : جمعية الآفاق للثقافة والرياضة والبيئة

اقرء المزيد

الإنطلاقة الرسمية للأيام الثقافية بقبيلة التسول .احد اولاد ازباير-تازة

افتتاح الأيام الثقافية لقبيلة التسول بإقليم تازة

          #لجنة_الاعلام

بدأت فعاليات  الأيام الثقافية لقبيلة التسول صبيحة يوم الجمعة 11ماي 2018  بجماعة أولاد ازباير اقليم تازة " دورة الفقيه التسولي : ابو الحسن علي بن عبد السلام " تحت شعار " الموروث الثقافي التسولي فخر الانتماء وضرورة الإحياء " .

استهلت الأيام بكلمة ترحيبية بالحضور من إلقاء رئيس جمعية الآفاق للثقافة والرياضة والبيئة عبد اللطيف البزرازي الذي اعتبر أن الأيام عرسا ثقافيا لرد الاعتبار لهذه القبيلة المجيدة ، الضاربة جذورها في أعماق التاريخ ، مشيرا للدور الذي لعبه شباب المنطقة لإحياء الموروث الثقافي .

هذا واعتبر صلاح الدين بلوط ممثل اللجنة الموسعة أن أيام الملتقى هي الأولى من نوعها التي ضمت مجموعة من الفعاليات ، من سلطات محلية ، مجالس منتخبة ، مؤسسات وجمعيات المجتمع والمدني ، لتكون لحمة ورابطة تجمع بين كل مكونات القبيلة .

واستحسن رئيس جماعة أولاد ازباير التهامي كوشو فكرة الأيام معتبرا إياها ثمرة جهد شباب الجمعية المنظمة لتجاوز علامات الركود الجمعوي بالمنطقة ، وللتعريف بالموروث الثقافي التسولي.

واختير الفقيه التسولي أبو الحسن علي عبد السلام ليكون شخصية هذه الدورة ،حيث اعتبره محمد بقشيش عضو اللجنة الموسعة  ، فقيها كان له بالغ الأثر ليكون علما من أعلام زمانه ورائدا من رواد الحركة العلمية  مطلع القرن التاسع عشر .

وقد حضر الحفل الافتتاحي للأيام الثقافية كل من فعاليات المجتمع المدني ، سلطات أمنية ورؤساء بعض الجماعات المجاورة الذين أثنوا على هاته المبادرة الثقافية الأولى من نوعها بالمنطقة .

و تهدف هذه التظاهرة الثقافية التي ستستمر الى غاية 13 ماي ، إلى النهوض بالموروث الثقافي التسولي والتعريف به للأجيال الصاعدة .

توقيع : جمعية الآفاق للثقافة والرياضة والبيئة .

اقرء المزيد

الأعمال الميدانية من أجل افتتاح الأيام الثقافية لقبيلة التسول

صحافة اليوم

السلام عليكم خوتي وخواتاتي اهل التسول
انتم اهل المعقول وما خليتولي منقول
خبار اليوم جبتالكم
ومن حد اولاد زباير ختارتالكم
تبغيو تعرفو كفاش ماشية الاستعدادات لمهرجانكم
اوا منترددش فاخباركم

اولا تحية للرجال اصحاب العقول
مجمع الاحرار بقبيلة التسول
وتحية لكل مسؤول
ساعد وساند قيام المهرجان بقبيلة التسول

سمحولي الى طولت عليكم
باسم الله ماشي نخبركم
الاشغال جارية على قدم وساق
وقد تمت تهيئة ملعب الخيل والسباق
وكلشي خدام حسب الاتفاق
عبد اللطيف البوزرازي، كمال مجاهد، محمد النجاح، ومحمد البوزرازي في وفاق
احمد لزعر، محمد السباعي، عمر حماني، محمد البورقادي حتى واحد ما عيا ولا ضاق
حسن كرييط وخالد جمال عن جمعية تجار الاسواق
والى ما دكرتشي شي واحد
استسمح الخطا وارد
وحسب المصادر الصحفية
منساوش السلطات المحلية

سعادة قائد اولاد زباير .
جماعة اولاد زباير وكل اعضاءها وعلى رأسهم السيد كوشو
عمالة تازة والمجلس الاقليمي والمجلس الجماعي
دائرة وادي امليل
الدرك الملكي
والوقاية المدنية
وباقي الجماعات التسولية:
جماعة بني فراسن ، جماعة اولاد الشريف ، جماعة بني لنت ، جماعة الربع الفوقي.

فكل الشكر لهؤلاء كلهم وللسيد حسن كرييط الفارس المغوارعن جمعية النصر لمساعدته وارشاداته للساهرين على تهيئة ملعب التبوريدة .
كما نشكر جماعة غياثة الغربية وادي امليل وجماعة باب بودير لمدهم يد العون ومساندتهم لنا في هذه التظاهرة وهذا العرس الكبير .

 وشكرا لكل من ساهم من قريب او بعيد في دفع هذه العجلة للامام .
تحية لكم ايها التسوليون جميعا .

توقيع: روقية البورقادي

اقرء المزيد

تازة عبر التاريخ

اقرء المزيد

بعض اشكال التبريحة عند التسول

الـــــتــــــــبــــــــريـــــــــحـــة

من العادات التي كانت متداولة لدى قبيلة التسول والتي الفناها بالاعراس والمناسبات الا وهي عادة التبراح او التبريحة و بهذه المناسبة سوف اتطوع بقيمة 20درهم لادخال البهجة والسرور وتنشيط الحفل معكم
اييييه خويا هاذي 20درهم ملكية من عند زين السمية لي باه اسبع وامو لبيا هو عبدالحق بالعربية ديها يا الشيح والريح من طنجة حتى للتسول والطيح.كيقولك بالرح ليا بالحاج احمد والبورقادي ولالة رقية الناس العزاز العزاز عليا.المهم بالرح بجميع اعضاء المجموعة الناس الملاح لي يستاهلو للتبراح. بالنسا والرجال بالكبار والصغار وكل من جا قاصد الدار.مرحبا بالنسا يدخلو لمرح والرجال يطلعو لسطح وشدو بلايصكم وكلشي ينشط ويفرح
بالرح بناس البادية وقلم في خاطر المرجة والمرجة ترعى فيها النعجة والنعجة تولد الخروف والخروف يعطينا الصوف والصوف نعملو بها الشواشي و المرا لي ما دزغرت تبقى بلاشي.

توقيع الاخ عبدالحق كرياط

تبريحة اخرى

آه ياخويا Krouni Hmed حبك ياعضرة ولالي حلوف وكرهتك مابقتيش في بالي. في النهار لي كانت محبتك في الجوف اليوم لي مانشوف فيك النوم مايحلالي. واليوم خرجتي من عقلي يابنت المتلوف شيبتلي راسي والقلب رشالي . رديت أمري لله وفيك ياخد الحق ملانا هو العالي. هاد التبرحة من عند الشاعر لي معروف السيد عبد العالي الرحالي. ولي خدعو مزال يتمرمد في التالي.

لزعر التسولي أحمد إييييه يا عيار الزين عير ولا تحشم. لاكن فرق مابين الأبيض ولصفر والأدهم. هنا الأبيض بيض بحال الجير والجير غير معرم ولا بغيت حتى طون تجيبو غير بدرهم. والأصفر طوال ومن وجهو تعظم ومتلتو كيف لفعت السم والسم مايتغفر وخا يكون على فوق بير زمزم. ولكحل وجهو كيبان مظلم مايبان عليه وشام إلى وشم والحنة ماتبان في لقدم لاكن يخلعك إلى ظحك أو تبسم. وفي خاطر الزين لسمر لمنظم سعدات لي كسبو بيه تنعم مو بحال لي كاسب بنت عجوز وبيها يتفخم.

إيييه ياخويا هادي 100 درهم ملكية جايا من عند زين السمية لي سميتو ضاهرا موشي مخفية وهو Ali Charif Rahali بالعربية. ديها يا الشيح والريح من هنا من الجزاير حتى لبلاد التول وطيح. كيقلك تبسمت وبكات حبيبتي زوجوها بسيف عليها ‘‘ وراني نخمم علاش علاش ربي مكتبهاش. طفرت ومشات ومن زينها اللبسة جات عليها. وراني مضمر جنونها مقبلوهاش. فرشولها في الأرض وقالو بنتنا ربي يحضيها قوم قريش بنتهوم ومرحموهاش. بالمادة قالو عريسها وقالو شاريها وهو دا فريgو يبردلو الفراش. الجثة معاه والروح خلاتهالي قانع بيها. متلتو حاسي وفيه صطلة متوصلهاش بغيتك تموت ياجدك كيفاش تروح تعقد عليها وانت عارف حبها الأول مايتنساش وعلاش تصفطلي ميساج أخويا Krouni Hmed علاش علاش.

أنت لي قولت عارفاني نبغيك وزيدتي في عذابي بالسيف عليا نصبر لهبالك. مرة تجي ومرة تتمنى تهربي. وحتى ابا عارف لي بيني وبينك. سكرت ودهشرت وكرهو صحابي كل ماوقعلي في سبابك مشى عقيلي وراني كيف الصابي وقلبي عدويا من أول لحظة بكالك شكيتلك بضعفي وفتحتلك بابي وحتى احبابي زعفانين منك بزاف بزاف.

تبريحة اخرى

اخويا هادي 20 درهم ملكية من عند زين السمية لي باه سبع ويماه لبية و لا ماخافتشي نكذب هو السي حمو دعمي بوشتا بالعربية كيقولك اخويا فخاطر الكف والحناني والبراد والسواني وحتى الجناني لكان فيهم الدوالي 

اخويا gوادا لوpي مريضة وشفو مالها # البنات حسدوها على جمالها # الفريدو كيغوت مال حبيبتي مالها # لويزة دات الولد ماشي ديالها # عباوها للطبيب وخلاوها # نعسوها فالبياص وبشعورها غطاوها # الاطبة من ميريكان مداواوها . وهاديك لي gالسة فالباب ياك بحالها # 
فخاطر الكارو والبريكا و الجوان والستيكا ولي مزغرتتش على هذ المجوعة الله يعطيها الشريكة *والرغابة من عندك السي 

DaiNan

AhMed

في خاطر السكة والسبيكة والكارو والبريكة ولي مزغرتت الله يعطيها الشريكة.

 

اقرء المزيد

الصافية على الفيس بوك

السلام عليكم مجمع الكرام والصلاة والسلام على خير الانام.

الصافيا شرات الطريفو دالصبع وبدات اتعلم دخدمو . الصافيا عقلا خفيف ومقادة ، تعلمت ولقات حتى هي الفاس دبوك وبدات ادقرا شني انكتبو فالمجموعة : تراث قبيلة التسول وادفرا بالطحك. خلطت عليها دادة حادة : امالك يا هاد المدعوية من نهار دلقيت هاد العجب وانتينة سامحة فالشغل وادفرنس غا بواحدك.
الصافيا: ايما انقرا هادشي دكتبت سهام البورقادي على حمو وبابا.
دادة حادة : وشني كتبت؟ 
الصافيا : معاودالم على النهار دمشى يحسن بالمشينة . وجا بابا مفقوص. شبعو طحك .
دادة حادة : وشني عاوث ؟
الصافيا : داك الشريفة رقية البورقادي كاتبا على بابا والفقيه .
دادة حادة : هادي عاقلا عليها . واخا باباك ديما انgر وليني فالمعقول ما يغلبو حتى واحيد.
الصافيا ادفرا بالطحك : ايما سمع هادي ، هادا الدعينن قالم مكاينش التفاعل ؟ مخلاولوش فالتعاليق.
دادة حادة : ابنت المدعوي لاخور لا دهدرشاي معايا بشي حاجة انا معارفاهاش ونزل داك المشقوف واجي عاوني نخسلو حاللهوة دالزرع باش نصفطو حمو يطحنو .
الصافيا : ايما سمع غا هادي كتباها رقية البورقادي على النهار دمشيت للعين وسمعت داك جوج دالنسا ايهدرو على الاسبوع الثقافي. وداك الهدرا دقلنا انا وياك.
دادة حادة : يا ودي نوض عاوني حسنلك.
الصافيا : ايما سمع سمع هادي قالك داك الجميعة عاملين شي حاجة نهار الحد .
دادة حاة : عاملين شي سبوع عاوث او دابا شي عرس؟
الصافيا : الا ايما هاد مولاي محمد البوزرازي قالك نهار الحد عاملين شي حاجة على السلامة الطرقية .
دادة حادة : يا بنت المدعوي لاخور اجي طلقني راني غا انحشم لحقاش الناس هادرين فيك وماشي يقولو عليا شي حاجة مدعجبنيش ومايانا نجي نعطيك شي طبخة مزيانة ..بحا داك النهار . هادي مكتبوهاشاي. الصافيا : ادفرا بالطحك : ايما حتى هادك كاتبينها. راهم بحا دعايشين معانا فالدار .
دادة حادة هزت واحد الشطابة وغرولت عليها .
الصافيا : صافي ايما ما دكون غا على خاطرك ، نخدمو الشغل ومنين نقاضيو اجي نقارلك شني كاتب السي عزيز البورقادي والسي لزعر التسولي أحمد والسي محمد البورقادي والله غالا نفلق بالطحك.
دادة حادة : نوض لاهناشي قبل ما يجي باباك . راك عارفاه...دمتم سالمين. ودامت لنا الابتسامة

 توقيع الاستاذة روقية البورقادي تاج المجموعة 

اقرء المزيد

صحتكم تهمنا

شرب الماء وأنت جالس

       يُذْهِبُ من جسمك جميع التسربات الضارة.

شرب الماء  على ثلاث مرات

       فكلما شربت وتوقفت للتنفس، يأخذ الجسم أكسجين ويعطي أنسولين يحمي من مرض السكري.

توقيع عبد الي سيف

اقرء المزيد

قبيلة التسول جغرافيا

جغرافية قبيلة التسول

           تتكون قبيلة التسول من خمس جماعات قروية كلها تابعة اداريا لدائرة وادي امليل عمالة اقليم تازة جهة فاس مكناس وهي : الجماعة القروية بني فراسن - الجماعة القروية احد اولاد ازباير - الجماعة القروية بني لنت - الجماعة القروية الربع الفوقي - الجماعة القروية اولاد الشريف . وتحتل مجتمعة مساحة قدرها 535 كلم مربع و تتشكل في معظمها من تضاريس عبارة عن جبال وتلال متوسطة الارتفاع وسفوح بجانب الاودية وتعد اعلى نقطة ارتفاع بقبيلة التسول هي جبل قصبة بني فراسن بعلو 1218 م وادنى نقطة وهي مجرى واد الاحمر شرق جماعة بني فراسن على الحدود مع جماعة راس الواد بعلو 294 م . اما الغطاء النباتي فهو في غالبيته يتكون من الاشجار المثمرة واهمها الزيتون والتين والصبار بالاضافة الى غابات اهمها غابة تامدرت و غابة جبل تازرت وغابة اولاد بنطيطة .

         اما المناخ فهو معتدل عموما حار صيفا وبارد شتاء حيث تعرف المنطقة تساقطات مطرية متوسطة خلال السنة . وسوف نتطرق بحول الله للتعريف جغرافيا بكل جماعة على حدة ونبدأ بجماعة بني فراسن .

1- الجماعة القروية بني فراسن :

تبعد جماعة بني فراسن عن مدينة تازة ب 54 كلم وتحتل مساحة قدرها 200,23 كلم مربع يحدها شمالا جماعة البرارحة وجنوبا جماعة اوطا بوعبان وشرقا جماعة الربع الفوقي وجماعة احد اولاد ازباير وغربا جماعة راس الواد وجماعة عين معطوف . وتخترقها الطريق الاقليمية رقم 5409 في اتجاه واد امليل والطريق الاقليمية رقم 5414 في اتجاه احد امسيلة وتتكون الجماعة من 4216 اسرة حسب احصاء سنة 2014 ويرأسها السيد الغازي جطيو عن حزب الوحدة والديموقراطية . ويمثل السلطة المحلية القائد السيد : رضوان العلمي .

              تتوفر الجماعة على سوق اسبوعي هو سوق السبت بني فراسن وكذلك على ثانوية اعدادية هي ثانوية بني فراسن وبعض المرافق الاخرى . 

تتشكل جماعة بني فراسن من عدة دواوير يعتمد سكانها على الفلاحة والرعي و الصناعة التقليدية (الدوم) واهم الدواوير :

            دوار بوشياط - حجر اوقية- القصبة- غيلان- ليتاوة- ظهر سعيد-اولاد بوطالب - متيوة- اولاد بن داود- تيايرت- لخليع- عين الجنان- تكربست- الكراكر- الرملة- اولاد الطيب الحياني- كدية اسان- تفازة- الشرفة دبورقاد - الشرفة دودانة - بوكميزين- لخطيبة- اولاد يعقوب لوطا - تورزن- اولاد مبارك- فلالكة- خزارة- صبرارة - اهل الزاوية- اسروتو- سيدي عبد الله الغازي- اولاد بوجمعة - مطازة - اولاد عمر - بني فراسن المركز- التقالع - عين الحمام - اولاد عزيز- بني مرين - مركونة - بوقايد الفوقية والسفلية- سيدي يحيى بن ادريس- نكشت - الرملة- تافراوت- عين بوعلال- بني عبدال- القايد البشير- المرس- زبايتة- اولاد يعقوب - التوتة- اولاد بن عمران - الباب داغبار- بني مجدول - الباب دالسيخة ....

اهم المرتفعات : جبل قصبة بني فراسن 1218 م - جبل عين صغير 1196 م - كدية العوج 1164 م - جبل اولاد بوطالب 1089 م- جبل طهر الجمل 1024 م -كدية تشرشارة 1006 م- جبل تفازة 944 م -جبل تازرت 928 م - جبل خميس 917 م -كدية سن حجار 906 م- كدية مولاي اعمر 896 م - كدية طهر المرس 894 م - كدية اولاد يعقوب 814 م - كدية بوكميزين 779 م .

اهم الانهار : واد الاحمر - واد اللبن -واد مريلو- واد البقايع - واد برديع - واد الريحان - واد اعشايش.

الغابات : غابة جبل تازرت 937 هكتار و عين رهونة 762 هكتار .

هذا ما توفر لدي من معلومات . ونرجو من كل من له اية معلومة تخص هذه الجماعة ان يوافينا بها حتى تعم الفائدة والى اللقاء .

جميعا من اجل التعريف بالقبيلة

توقيع الاستاذ الفاضل عزيز البورقادي

اقرء المزيد

تعزية

بطاقة تعزية

ببالغ الحزن والاسى بلغنا خبر وفاة الشابة الصحفية هاجر العدلوني يوم 23 يناير 2018. 

رغم ان الخبر وصل متأخرا فتعازينا الحارة لعاءلة الفقيدة عموما ولوالدتها بشرى بلعتيق العضوة معنا في المجموعة ولعاءلة العدلوني عامة.

وبهذه الناسبة الحزينة اتقدم بالتعازي الحارة اصالة عن نفسي ونيابة عن كل اعضاء المجموعة ومسيريها ومشرفيها بالدعوات لهم بالصبر والسلوان على فقدان الفقيدة هاجر التي توفيت بعد يومين من عقد قرانها. فالمرجو من الجميع الدعاء لها بالرحمة والمغفرة والصبر لاهلها.

انا لله وانا اليه راجعون .

 اعضاء مجموعة قبيلة التسول تاريخ وحضارة

اقرء المزيد

تعزية

ببالغ الحزن والاسى تلقينا خبر وفاة عم صديقنا واخونا انوار زياد الفقيد محمد هرماك بالدار البيضاء وهو اخ اب انوار من امه وخال الاخت العضوة معنا تحت اسم rayane nassiri تغمده الله برحمته الواسعة واسكنه فسيح جناته .

وبهاده المناسبة الحزينة يتقدم مشرفوا الصفحة واعضاءها بتعازيهم الحارة الى اخونا انوار زياد والاخت العضوة السيدة 

   rayane nassiri

والى كافة عاءلة الفقيد تغمده الله برحمته

انا لله وانا اليه راجعون

 اعضاء مجموعة قبيلة التسول تاريخ وحضارة

اقرء المزيد

تعزية

بطاقة تعزية

عن فقدان صهر الاستاذ عزيز البورقادي

   

              لقد آلمنا نبأ وفاة صهركم، وفجعنا كما فجعكم، فعند الله نحتسبه، وإنا لله وإنا إليه راجعون.

       ايها الأخ الوفي،  لقد بلغنا وفاة صهركم رحمه الله، ونقول لكم: أحسن الله عزاءكم وجبر مصيبتكم وغفر للفقيد وتغمده بواسع رحمته ورضوانه وأصلح ذريته جميعاً. ولا يخفى على الجميع أن الموت طريق مسلوك ومنهل مورود، وقد مات الرسل وهم أشرف الخلق عليهم الصلاة والسلام، فلو سلم أحد من الموت لسلموا، قال الله سبحانه: {كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلا مَتَاعُ الْغُرُورِ}[1]، والمشروع للمسلمين عند نزول المصائب هو الصبر والاحتساب والقول كما قال الصابرون: {إِنَّا لِلَّهِ وَإِنَّا إِلَيْهِ رَاجِعُونَ}[2]، وقد وعدهم الله على ذلك خيراً عظيماً، فقال: {أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}[3]، وصح عن النبي صلى الله عليه وسلم أنه قال: ((ما من عبد تصيبه مصيبة فيقول: إنا لله وإنا إليه راجعون اللهم أجرني في مصيبتي واخلفني خيراً منها إلا أجره الله في مصيبته وخلف له خيراً منها))[4]. فنسأل الله أن يجبر مصيبتكم جميعا، ودعاءنا للفقيد بالفوز بالجنة في الفردوس الاعلى والنجاة من النار. أحسن الله عزاءكم وعظم الله أجركم، إن لله ماأخذ وله ماأعطى. نرجو الله أن يغفر له، وأن يرحمه، وأن يسكنه فسيح جناته، ويلهم زوجتكم وإخوتها الصبر والسلوان.

                            

                                  وانا لله وانا أليه راجعون.

 اعضاء مجموعة قبيلة التسول تاريخ وحضارة

اقرء المزيد

فرقة بني لنت للهيتي

فلكلور قبيلة  التسول

فرقة بني لنت 

اقرء المزيد

عمي بوشتى في فاس الحلقة (8)

عمي بوشتى في فاس (8)

عمي بوشتى عيا ما يبحصص كما يبانلو شي حانوت حال ساعة والو ما حداه غي مرجان فداك الخلا المهم توكل على الله وتم داخل وتبعاتو دادا حادة زادو لداخل شواي . دادا حادة رافدة الصاك على كتفا وادمضغ فالمسكة وقابطة لعمي بوشتى فدراعو وهو عاجبو الحال وكثير مناين شاف اك خيربي طفلات دي ايتخلصو مصافين وحدة مور وحدة و هو يدور عند حادة وقالا : 

بوشتى : شني دسبليون هنايا غي الزعرة لختا دقول نتينا توام .
حادة : سبحا الله أ الراجل . الرجوع لله وشوف قدامك حا الشواي ونتينا غي ادفنك ليهن ولاون كا ماعمرك شت لعباد ؟
شوية وواحد البنت عيطات لدادا حادة قالتلا خلي الصاك ديالك هنا الالا عاد دخلي . قالتلا :
حادة : لياه الالا نعطيك الصاك ديالي شني دكون نتينا باش نعطيك صاكي
المستخدمة : راه ممنوع الشريفة . حطي الصاك ديالك هنا و ملي تكوني خارجة دوزي هزيه .
بوشتى : عطيها ايوا الصاك وهنينا ونتينا زاركا عليه دقول عندك تما الذهب ياك غي جوج شرويطات شني مشي دلقي هيا بيهم .
عطاتا الصاك ودخلو . بداو ايشوفو فالاليكتروميناجر ودادا حادة حالا فاها فداك الثلاجات والماكينات دالصابون و الترفازات شاعلين وايبريو . ودارت عند بوشتى :
حادة : شوف قداش الترفازة تبارك الله قاد الباب دالغرفة ديانا التحتية وما هاد التلاجات قداش ايا بابا دخبع فيهم التاور ويشيط الخير . وما هاد الناموسيات غزلان ابوشتى والله ما كرهت شي مطربة حتى يانا جنابي طابو بالنعاس على داك الحصير .
بوشتى : هاداك ماخاصنا زعما ساكنالي فدار دبيبغ . واخا نبيع المطاير دي عندي كاملين ما نقورشي التمان دهاد السخط .
زادو شويش جيهة الماعن بقات حادة ادشوف فحاد المولينكس وقالت لعمي بوشتى :
حادة : حتى حنا خاصنا شي مونينيكس أبوشتى بحال هادي باش نلقيو العصير
بوشتى : دلقي لحلالق ينشاع الله . لمن مشي دلقي هاد العصير كا لحدهوم كا لعياد . زيد قدامي اهاد موجحالل زيد .
شوية مشاو جيهت المواد الغذائية بوشتى درز ديريكت لحاد القالب دالسكر رفدو وتم ايجبد لفلوس باش يخلص السيدة اللي واقفة تما .
المستخدمة : ماشي هنا اعمي . هاك الشاريو دير فيها داك الشي اللي شريتي حتى تبغي تخرج عاد دوز خلص عند هادوك البنات .
بوشتى : خياار .كا داك الطفلات دي مزوقين ولابسين كيف كيف هوما دي ايتخلصو . اسيدي ما خليتولي ما نقول بهاد النظام دي لاقيين .
المستخدمة : شكرا اعمي . ضروري من النظام والبروطوكول
بوشتى : النضام كاين ولايني هاد خلط وكول ما شفتشاي
المستخدمة : البروطوكول اعمي ماشي خلط وكول .
بوشتى : هايثاك قلي . ولايني شتكم ما ادبيعوشاي هنايا المناجل والفيسان ولانgري والدوا دالبرغوت و البق . عاملين البوق غي للموسيقى واها ما ادبرحوشاي ؟
المستخدمة : والله ايلا ضحكتيني اعمي هههههههه
بوشتى : ايوا الله يعاونك ابنتي ويخرج سربيسك على خير .
لقى عمي بوشتى داك القالب دالسكر فالشاريو و بغى يدفع درزت حادة زولاتولو وبقات ماشيا دافعا حتى وصلو حدا مواد التجميل وفافات على حاد القرعة دالريحة ديال ربعمية دريال ولقاتا فالشاريو .
بوشتى : لاش لقيت هاديك تما شني مشي دلقي بيها عاوث ؟
حادة : مشي نخلصا بفلوسي غي هنيني حا الشويش من النgير . السلامة يا ربي ما ايسكتشي كككول .
مشاو جيهت الفواكه وقالتلو :
حادة : ما دزيد مع داك القالب دالسكر حتى كيلو دالتفاح
بوشتى : ما بانلي بو ديسير هنايا منزلينو ايبيعوه كامل باقي خطر (الكيوي ولافوكا)
شوية ومشاو باش يخلصو بقاو قابطين التور حتى وصلاتم النوبة . رفذ عمي بوشتى داك القالب دالسكر وداك القرعة دالريحة البنت جمعتلو الحساب قالتلو ستميا وسبعين قالا :
بوشتى : لياه بشحال حسبتلي السكار ؟
المستخدمة : طناش لدرهم ونص والريحة بعشرين درهم . ودرهم ديال الصاك .
بوشتى : لا دعطيني بوصاك مشي نلقيه فقبي .
حادة : اويلي أ الراجل مشي دشواه بينا رفد الصاك وسكث
المستخدمة : راكوم غادي تشاركو معانا فالطومبولا ديال هاد الشهر . هاك هاد الوريقات وحدة لوحها فالصندوق و وحدة خليها عندك وتسنى شوية راه غادي نديرو القرعة دابا .
خلص عمي بوشتى ومشى رمى الورقة فالصندوق وكلسو يرتاحو . شوية بدات القرعة . جا المدير التجاري حل الصندوق وهز ورقة . ما أدطلعلو غي الورقة دعمي بوشتى فيدو . عيط لعمي بوشتى و قلو مبروك ربحتي معانا تلفزة سمارت تيفي وقسيمة شراء ديال الف درهم .
بوشتى :الله يبارك فيك اولدي . ايوا الترفازة عرفناها ولايني هاد قسيمة ما عرفتاشاي . ما دكونشي وحدة من هاد الطفلات سميتا قسيمة ؟
حادة : كيفاش عاوث هاد قسيمة ؟ داك النهار ماجي ادهضرلي على بسيمة . دابا قسيمة . ايوا غدا مشي دقلي نسيمة ولا سليمة . انا ادبانلي ابوشتى بداو يخرجو رجلاك مالشواري .
المدير : هههههه لا اعمي . قسيمة شراء زعما عندك الحق تشري ألف درهم ديال الحوايج من عندنا .
بوشتى : اوليدي ولايني يانا غي ماجي ضيف وانسكن بعيد واش ما يمكنشاي تعطيوهالي فلوس ؟
المدير : التلفزة لا . ولكن قسيمة شراء واخا ما كاين مشكل
بوشتى : الله يعطيكوم الخير . والله وكا عزابلي هايثا يا حتى نبقى نجي نسوق ديما منهنا . انا هادي خمسين عام وانا نرفد الصوالح منعند ولد السي محند دعلي عمرو ما عطاني حتى قابسة دبشكيطو .
عيط المدير للخداما جابولو كرطونة فيها سمارت تيفي طوشيبا 45 وعطاه الف درهم وسلم عليه وقالو مبروك .
دادا حادة مشات جابت الصاك ديالا لقات فيه القرعة دالريحة و لقاتو على كتفا ورفدات الصاك دي فيه القالب دالسكار و عمي بوشتى لقى العشرين الف ريال فجيبو و رفد الترفازة وخرجو بجوج .
وقفو برا من مرجان جنب الطريق الوطنية . شوية و عبد الغني العباسي ماجي كان فتمارة وماشي للقليعة عند والديه وهو حتى يوقف حداهم ونزل يسلم عليهم .
عبد الغني : كا هدا عمي بوشتى . اهلا اهلا اهلا
بوشتى : كا هدا عبد الغني . اهلل اهلل كيف وقعلك اولد عمي . ياك نتينا ادبان غي بالليل كيف طرالك دابا ادور هنايا بالنهار ؟
عبد الغني : ايواالضروف وصافي . كل نهار وكي لاقي البرنامج ديالو .
بوشتى : و دابا كا ماشي للقليعة كا شني ؟
عبد الغني : مشي نgوز بعدا نشوف السي لزعر التسولي أحمد قالولي راه هنايا نلقي معاه شي قهيوة عاد نكمل الطريق
بوشتى : كا السي احمد د الحاج عبقادر د لزعر الاستاذ ديانا ؟
عبد الغني : ايه اعمي بوشتى . دمشي معايا يالاه
بوشتى : اودي ماشي عند شي نسابي هنايا وما يانا كامشيث معاك . ولايني واقيلا مشي نعطيك هاد الترفازة عبيهالي معاك للدار انا مزاوك وحاولي عليها سير غي بالشويش لا دسبgشي .
عبد الغني : كا شريث التلفزة LCD اعمي بوشتى
بوشتى :اودي غي ربحناها فهاد مرجان . ولايني هادي ما ايقولولاشاي LCD قالك ايقولولا الزمر تيفي
عبد الغني : اسيدي راك مزهار . ايوا بصحتك اعمي بوشتى هاد الزمر . يالاه لقيها فالطونبيل
عطاه عمي بوشتى التلفزة وخلاه بخير و مشا
حادة : ماعات فايناهو التيريبوتيك نعيطو لختي دجي دلاقينا
بوشتى : باقيشي تيريبوتيك فهاد الزمان ا الحولة . ما جبرناشي حتى الحانوت هنايا عاد نجبرو التيريبوتيك
شوية و عمي بوشتى يتفكر التيريفون دي عطاه السي تميم و لايني مازال خاصو عاد يشري لاكارط باش يمكنلو يعيط . دار موراه بانتلو الوكالة ديال اتصالات المغرب مشى ليلا وشرى لاكارط جديدة لقاها فالتيريفون وجبد حاد الكارني من الدجيب مقيد فيه النوامر دالعائلة وبانلو حاد الشاب ماجي لابس الكومبلي والكرافاطا وقلو هاك اولدي الله يرحم الوالدين لاغيلي على السعدية راها النمرة ديالا مقيدة فهاد الكناش .
الشاب : ما كايناش السعدية فهاد الكارني كاينة غي يامنة
بوشتى : يامنة دي مقيدة تما هاديك ختي
الشاب : وكاينا السليفة
بوشتى : إيوا السليفة هي السعدية .طك يا مالي وطك ادعجبونا غي فالكوستيمات والكرافاطات والسعدية سليفتي قداش مقيدا تما ما عرفتاشي هههههههه
نخليو عمي بوشتى كيعيط على سليفتو والى اللقاء في الجزء التاسع إن شاء الله .

دامت لكم البسمة

توقيع الاستاذ عزيز البورقادي

اقرء المزيد

فرقة بني لنت للهيتي

احد انواع فلكلور قبيلة التسول  اقليم تازة

فرقة بني لنت للهياتة

اقرء المزيد

اعلام تسولية

 أعلام تسولية 07.

سيدي موسى بن محمد التسولي.
عالم جليل وفقيه ورع ترجم له الشريف أبو عبد الله محمد بن جعفر بن إدريس الكتاني في كتابه "سلوة الأنفاس ومحادثة الأكياس بمن أقب من العلماء والصلحاء بفاس" فقال:
ومنهم الشيخ الولي الصالح، الزاهد الورع الناصح، أبو عمران سيدي موسى التسولي، ترجمه ابن القاضي في جذوة الاقتباس ودرة الحجال فقال "موسى بن محمد بن محمد بن الحسن بن أبي بكر التسولي، الشيخ الصالح، المدرس الورع الأستاذ، شيخ ابن الأزرق مؤلف كتاب "الحلال والحرام" توفي بمدينة فاس سنة ست عشرة وسبعمائة، ودفن بمقربة من مسجد الصابرين داخل باب الجيزيين قرب أبي زيد الهزميري.
وفي نفح الطيب للإمام المقري ما نصه "وقال رحمه الله (يقصد جده) حدثت أن أبا زيد الهزميري بعث إلى أبي عمران التسولي وكان كثير الصلاة: إنه لم يبق بينك وبين الله حجاب إلا الركيعات. فرجع إليه ما معناه: إن الاتصال كان منها، فلا كان يوم الانفصال عنها. يعني: من رزق من باب فليلزمه" وفي خط بعضهم ما نصه "وفي سنة ست عشرة وسبعمائة ليلة الخميس السادس لشهر رمضان المعظم توفي الشيخ الصالح الزاهد الورع المبارك أبو عمران موسى بن أبي بكر التسولي رحمه الله" وفي "التنبيه" لابن عيشون ما نصه "ومنهم" سيدي أبو عمران التسولي خارج باب روضة سيديأبي زيد الهزميري، يجعله الزائر الواقف على باب روضة سيدي أبي زيد على كتفه الأيمن" وقبره الآن غير معروف.
ـــــــــــــــــــــــــــــــــــــــــــــــــــــــــــ
سلوة الأنفاس: جزء 2 ص 71.
وانظر دذوة الاقتباس الترجمة 366 الصفحة 346.
وانظر نفح الطيب للمقري الجزء 5 ص 262.

توقيع الدكتور احمد لزعر التسولي

اقرء المزيد

مول الغيطة والحامض

اعترافات مول الحامض

السلام عليكم إخواني وأخواتي المحترمين واهلاً وسهلاً بكم ،جيتكم اليوم بقصة واقعية وقعاتلي مع واحد المعلم غياط فواحد العرس.
ملي كنت صغير اسيادي، كان فعمري شي 16 لعام وكانو عزاز عليا العراس بزاف ومبلي بالشطيح والتبوريدة واخا ماكنتش كنعرف،المهم ما علينا واحد النهار داز لعندي واحد الدري للدار وقالي بلي كاين شي عرس فواحد الدوار يالاه نمشيولو وقلتلو واخا نمشيو ،مشا هو ياكل فالدار وانا نفختا مزيان وهزيت معايا واحد الحبة ديال الحامض كنت مبلي بيه كنشمو ،وتلاقينا مورا المغرب وقصدنا دار العرس ولقينا الناس مجموعين كايعاينو الفراجة تبدا ،وغير بدا الغياط كيجيطط دخلت كنجري لعندو وقلتلو المعلم جيبلي واحد البرطية دالشطحة الله يحفظك ،قالي اوليدي بلاتي بعدا نديرو غير الموال قلتلو واخة،دار داك الموال اخوتي وسلاه وهو يدخل واحد الراجل لعندو ويمكن قالو مدجيبش شي برطية لشي واحد ،داك الراجل خرج وانا دخلت لعند المعلم ومديتلو 20درهم قالي ديالاش هادي قولتلو دالبرطية وهو يقولي لا راه مابغاش مول العرس اولدي قلتلو صافي وخرجت بحالي وما برداتليش،صاحبي اللي معايا شافني ماشي هو هداك وسولني ،قالي مالك شفتك مغير وحكيتلو كيفاش وقالي يالاه نمشيو فحالنا محد الحال باقي ،قلتلو gلس فبلاصتك انا منتحرك من هنا حتى نبرد الهوايش ولا يمشيوا هاد المعلمين فحالم ،شي شوية وهما يطلعوا بواحد البرطية ديال الشطحة وباقي عاقل حتى على الديسك ديال ميرا ميرا وتخلطت الدعوة فالقاعة وما شعرت براسي حتى جبرت راسي معاهم فالوسط واراك لحيوح ورجعت دخلت صاحبي معايا حتى هو كان عندو مايقول ،الناس بقاو معجبين والعيالات طلقو الزغاريت وحنا مانزيدو نهيجو والمعلمين طولو البرطية وحتى شي واحد ماهدر معانا وملي سالات البرطية جا لعندنا داك مول العرس واحد الشيبة العاصية باينة فيه مغيار وقالينا الا بغيتو تبقاو بعطامكم صحاحين هيا الا مشيتو فحالكم وحمر فينا مزيان قلتلو صافي االعموم ما تبقا غير على خاطرك ،هو عطاني بالطهر وانا نوضت من بلاصتي وجريت معايا صاحبي ،قالي واش نمشيو فحالنا قلتلو فين غادي نمشيو واش حنا ضاربين ساعة ديال الطريق على خلاها تبعني وسكت ومشينا قبالت المعلمين وgلسنا غير بداو الغياطا وانا نجبد داك الحبة دالحامض وقصمتا على جوج ،صاحبي شافني وقالي كجوعت مشي داكل الليمون حامض ما فراسو مايتعاود ،قلتلو شوف وسكت غادي نفرق هاد الجوقة دابا وبديت الغجن داك الليمونة وناكل فيها صافي الغياطا شافوني ومشاو ضحية هودولم الريوق فالغيطة وطفرت عليهم وبداو ما كاين غير جيطططط طوط طوط ومول العرس بقا كايعاينم يبداو زعما عيا مايصبر وطلعلو الدم وجا لعندم وقالهم كا دابا نتوما معلمين كا جيتو تعلمو عندي فالعرس ديالي تاكيين عليا جططططططط هنايا والمعلمين عياو مايزورزو والو ومول العرس عيا مايصبر وطلعلو السكر ،هز العكاز وجا لعندم وقالم يا تخدمو العرس مزيان بسم الله نقلبوها هراوة بسم الله تمشيو فحالكم على خير وبخير حسن وحسن بقاو هادا كيشوف فهادا وواحد الطبال مسكين غير قليول قالم يالاه نمشيو فحالنا الخوت ماكتابناش الرزق هنايا وانا وصاحبي كنا انتكورو بالطحك كاو هزو الدوزان ديالهم ومشاو فحالم وفالتالي بقاو فيا مساكن حتى العشا ماتعشاوهش.وسلات القصة .ولكم مني أطيب المتمنيات ،تصبحون على خير والسلام عليكم.

مع تحيات 

صاحب المقال الرياني عبد المالك

اقرء المزيد

الرخى لله 20 درهم قاضية الغرض

عمي بوشتى: يا ودي هاد لكدوب ايخليك دهدرباحدك هاك قبط هد لبركة
دادا حادة : ومال هد لقفة خفيفة هيتا ممطريشاي دجيبا خاوية
عمي بوشتى: ياودي راني مشيت للسوق وعبيث معايا يلاه عشرين درهم وقلت مع راسي راها مشي دشريلي السوق كامل ساعة ها نتينا ادشوف يلاه شريت كيلو ونص دلبطاطا 120 ريال وكيلو دلبصلة ب100دريال وكيلو دمطيشة ب100د ريال ونص كيلو د لفلفل ب60 ريال ومشيت عند بوحيول بداك الدرهم لي بقالي قلت نجيب بيه شي فتة د اللحم وهو يجري عليا ويانا نغرول بها كما يصيبا ش حيبور يشري بيها حلوى
دادا حادة؛ نتينا اي مدعوي ومطموس و ادقول حمو هو العرة فاين عمرك شفت 400 دريال ايتسوقو بها الناس فهاد الزمان د شواي
عمي بوشتى: يا ودي يانا سمعتا فراديون قالك حد لوزيرة قالتلم لي ايخدم بعشرين درهم فتهار راه مهوش فقير وقلت مع راسي راه ولا الرخا فكلش وحتى حنايا ولينا لاباس علينا ساعة اي لكدوب الله ياخذ فيها الحق
دادا:حادة: المدعوي كغي دي سماعتا فداك لمشقوف اتيقا ياك نتينا طولانطي جات مرا وطحكت عليك
عمي بوشتى: يا ودي يانا كنت باغي نشري شحال من حاجة وgوزت عند داك خالد جمال نشري منعندو حا لهركاسة لداك بوفراكح د حمو وساومتا قالي هديك بجوج بسيمات اعمي بوشتى شفت فيه وقلتلو ك ادضحك عليا اسي خالد كشني بقا ايضحك وعاد شرحلي وقالي مناين هد لوزيرة قالت هد شي وهي سميثا بسيمة سماو عشرين درهم عليها زعما هد لهركاسة بجوج بسيمات
دادا حادة: اوا والله كنعرفا فاين جات حتى نردلا طهرا رطب من كرشا
طحك عمي بوشتى وقالا اوا هادي ساهلا غدا نعطيك حد لخمسة د بسيمات ونركبك فلكار للرباط ويتلاقاك شريف البورقادي و ولد عبقادر د لزعر ويوريواك لبورلمان عسس عليها وعاينا دخرج وطربلا ش ترييذة بحا دي ادريش دجاجة بلا ما
دادة حادة: ايوا تهادا نضر اوا ارا داك خمسة د بسيمات
عمي بوشتى : ايهايهاي على موجحالل ايعزبلا بالنية والله وما دمشي دلقي مناكلو راه فيا بوهيوف تنبرد فيك هاد لفقايص ونوريك شكون هو بوشتى
صافية فسرجم دلغرفة سمعت كلش وهي دقلو ابابا راه داك لوزيرة بغات دقول لي خدام بعشرين الف فرنك فنهار راه مشي فقير وتصرطاتلا لهدرة وتلفات
عمي بوشتى: اوا هادي واخا لكانت هد لميتيين درهم فنهار راها دقضي لغراض وليني شكون لي ايقور هد 200درهم فنهار كلي بحالي

تحرير محمد البورقادي

اقرء المزيد