عمي امحمد وخالتي عيشة ناضو صباح فطرو و وصا عايشة باش دبح حا لفلوس حيت عندم عادة فاول يوم دلحرت مهم هو مشا ايطوع حا لبغل شارف مع حا تور حتا هو قبح من لبغل بحرا ايمد لخلفة ويتحرك امحمد ربط زوج وبدا يحرت.
اراا علم شوف كي ايقيلك هاد بو مساسط شااا عيد هووووو ألاين هواااد أبليهودي لاخور ارا طلع هووووو.ايوصل لتيريرة وينفط سكة .اجي منتم اج اجي دور أساااال لاين طالع هي الله يخليها سلعة
لحاج احمد كايز محداه: الله يعاون اسي امحمد أكا راويشي بعدا كغا راك ادخطط وصاف
امحمد:اودي مزال خصا شوي وانا غي راني انطوع ها ليهودية دزوج وصافي ;ونتي لاين ماشي
لحاج احمد: ايوا ماشي نحيد داك لحجرة دي قتلتنا عليها بلهضرة ;شتك ادخرت وقولت لاباري دمشي لتما
امحمد:اييه حايدة حايدة معااك دابا نحرت تما كا ماشي نخليها واااء سير ورجع تغدا معايا
لحاج احمد:ايوا هانا ماشي نحيدا يلا جيت هيا ماجيتشاي خا بصحة.ايمشي لحاج .وعايشة ماجية بلغدا
عايشة:وااا محمد اخلي داك زوج تما واجي تغد بعدا
امحمد: هوووووو شااااااا وقف. جلسو يتغذاو
عايشة غرفت داك لفليلس منو غا نص ولفليفلات مقليين
امحمد كلا حتا شبع وبدا ايتكرع وجاتو شهايقة وماشي يجيف عاايشة هاااء هاااء عايشة لما لما دغيا هااء هااء ادغيا آانم .عمرتلو لغوراف دلما بزربة وشرب
عايشة:اويلي على راجل ماشي يجيف غابوحدو
امحمد:الله يارب أوووف لالا كوت مشيت فيها ألاطيف ماعدشكون ها لعين لمنحوسة شافت فينا ها نهار هييتفووووو حتا من زوج صبحت معكسة
عايشة:اييه واقيلا حنا انحرتو ولعواشر هادي امحمد ناااس كاملة كالسة ونتينا ماشي طوع لاش
امحمد: خطينا أعايشة من هاد لبهوت ديالك حتا نتي ;اجي قولي بعدا بوشتى واقيلا جاو عندو طياف.
عايشة :مانعرف شكون قالالك فاين شتم
امحمد: لالا غا بانتلي شي وحدة لابسة حا شاشية مزوقة بحال دي ايلقيو فهاد نواحي دجبالة طنجة تطوان واد لو وحتا لميزارة ديالم بحال هادك دي ادلقي داك لمغنية شامة هزاز ولا مزاز ولا مانعرف.
عايشة :لاباري غا صافية بنتو هادك. مانعرف انا ماشفتشاي حتا نطلع ونطرب لعند حادة ونشوف
امحمد:انا بانتلي وافية على صافية شواي مانعرف
عايشة:ادحنزز فيه .نتا هداك لادحطيلي غا لعيال دناس وقالك وااافية ايوا باز امحمد باااز
.امحمد: نوض طلع غيب عليا دلاقمك او نرفد حا طمينة سبحاتوالله عاوت نهار كي منحوس وطلاع داك لحوايج باش ما يلحسم كلب.
اينوض يكمل لحرت وعايشة طلعت لحوايج لدار
امحمد : ارااا علم رااا الله ينعل ليهود شا عيد هووولاين طالع ارااا.نوض اراااا نوض ارررا نوض " لبغل شارف عيا وطاحلو فلوص دلخط" .هييي تفووو الله ينعلو نهار هدا. ايبقا يشوف يشوف واينوض يطلق داك زوج ويركب عالبغل ويربط فيه لعجمي ويطلع فحالو...
توقيع أحمد الدعينن
0 commentaires:
Enregistrer un commentaire