عمي بوشتى : يا الله هناشي أمزروفة الجحالل جيبنا شي شدق ما نحنجرو راحنا فرينا ببوهيوف
حادة : ولياه كا قالولك يانا عندي عشرة دليداين
عمي بوشتى : وفايناهيا الصافية
حادة : ياك خليثا مريطة ببودهوار (يعني الشقيقة) من بحينا مدي مشيت عند علال . ولياه كا ماتعوفتشاي عندو
بوشتى : الله يعليو فيك بالمداري أبو سنادر كا علال هو دي ايشوفو خبزو الناس
حادة : الصافية آ الصافية
الصافية : نعام ايما
حادة : كا باقي راسك ايحرقك
الصافية :حا الشويش واها راني شربت الكنينة دي جاب معاه عبسلام من وجدة داك النهار . شني بغيت ايما
حادة : جيب معاك داك البراد دلامينيو و الطبسي لبيط من فوق المرفاع فاش نغرف حاد شواي دلبيصار
جابت الصافية البراد و الطبسي و شحرات حادة اتاي وعمي بوشتى شعل لامبا وكلسو يتعشاو وهو يدخل حمو ودرز ديريكت للطبلة وربع
بوشتى : ما ادبان غي مناين ادنزل الطبلة خزيت على ضنايا
هوما هيتاك ايتعشاو و حا العتروس نقز من السرجم وجا حداهم فالحالة ، ناض حمو بالزربة وهو يقيص لامبا ، طاحت وتهرست وبقاو فالطلام ، مشى باش يقبط العتروس طرب رجلو مع الطبلة تقلبت وتزلعت البيصار والزيت فوق الحصير
حمو زطم فداك البيصار زلق ويجي منفوط فوق لرط ناض وقف بالخلعة جات رجلو فالكرش دعمي بوشتى
قالم عمي بوشتى صافي صافي دابا غي خليو العتروس يتعشى معانا واجيو عاونوني نربطو حمو .
وعلى المودة نلتقي
توقيع: عزيز البورقادي.
2 commentaires:
داك العرة دحمو في هروي منزل وصافي مشباشي ابوشتى كلل فصغرو عاش الشيكي وفكبرو مدقيهاشي به ويطحك على عباد الله كاملين . حالصباح دالشثا والبرد دفالدار كلشي باقي ناعس وتعطلنا شواي فالنعاس وناض حلحروف خرج الملاح ايكنطس حشا راسو فحاد الصطل خاوي حزابو في العلف ومنين رفد راسو بقا السطل واغلو فراسو وتلفث عليه الدار ولمراح كبير بقا ايمشي حتى يضرب فالحيط ويرجع ماشي حتى يضرب فلحيط لاخور وانا انسمع التعواق والنطيح
فالحيوط نوضت ثبت الخروف تالف وعاد قبطتو بشي كشايف فكيثو ودخل فحالو للمسحم معاودش خرج
ههههه هادي خاصها منشوراسي محمد تبارك الله عليك
Enregistrer un commentaire