غي خرج علال
ومراثو معند عمي بوشتى وهو يصوني تيريفو.
حادة: ألو شكون
نتينا.
عبد السلام:
أنا عبسلام أيما.
حادة: عبسلام؟
شخبارك أوليدي؟ فيواخ ماشي دجي؟
عبد السلام: حد
اليوماين. راه الباطرون باقي ما خلصناشاي.
حادة: عوريطك
أوليدي لما أجي دغيا عبي هذ الشيبة العاصية دباباك للطبيب راه قلبلي الصمد دعقلي.
غي سمعا بوشتى
وهو يبقى عليها بالخطا والدعاوي، أييه ألخشبة دجاهنام دابا أنا رجعت غي شيبة
عاصية. والله يا خانزة اليباط مناين نروح يا حتى نوري لباباك الشيبة العاصية
كيلاقيا.
حادة: أودي
تصنث على خواصرك وبركة مالهدرة الخاوية ونتينا بقاث فيك غي الحنجورة بحال الغيطة.
هذ الشي كامل
وعبسلام أيسمع ويتكور بالطحك، شويش وهو يتفكر بلي ماشي تتقاضى لو التعبئة ويبقى
أيعيط. آيما آيما ألو ألو كا أدسمعني كا لا؟
حادة: هاني
أنسمعك أولدي غي هذ شمهروش دباباك راه خرج فيا الفقايص، الله يعطيه الموت ونبقى
موراه غي شهر.
بوشتى: راك نتي
دي ماشي دموث قبل مني، والله يا عاقيسة يا حتى نتجوج بلالاك وبنت سيدك دعطيك
بالطرشة ودزيدك. وباقيا صغيرة ماشي بحالك أشايبث النواضر.
حادة: شكون هذي
دي ماشي دقبل عليك أححي؟ كاماشي دعبيك على صغرك؟ شايب وعايب. كا على زينك؟ عيناك
مغورين دلعب فيهم رويلة، ومقايقك كابسين كي شي بقرة دغرباوة. كا على فلوسك؟ إلى
طاح الفار مالسقف يتزوا.
بوشتى: دابا غي
هدر مع راسك أمو صرابط، راه دي كلاثو المعزة فلوطا أدوديه فالجبل.
عبد السلام:
آيما آيما ألو ألو ألو..... طيييط إن اعتمادكم غير كاف لإجراء المكالمة التي
تطلبونها......
حادة: ألو
عبسلام آعبسلام، إيوا شتي بقيث لاهيني حتى قطع الطفل تيريفو ماعرفتو حتى شني بغا.
الكوبل باقيين
أيتناكرو، نخليوهم ونعاينو عبسلام يعمر التعبئة وعاد نكملو هذ الأزلية.
على المودة
نلتقي.
توقيع أحمد لزعر التسولي.
0 commentaires:
Enregistrer un commentaire