غي بدا أيعلم الفجر وناض عمي بوشتى أيعيط على حمو.
بوشتى: حمو آحمو، وانوض أبلمعgاز
لاخر.
حادة: نعس نعس أداك الشيبة العاصية راه باقي الحال، لاش خدام أدنوض
الدري؟ كا ماشي يمشي يحرث؟
بوشتى: نعس الله دنعس ما دنوض، ونتي وذناك عالقرص، راني أنوضو باش
يلاقي خاه بالحمارة للمنجورة.
حادة: عبسلام حتى العشرة عاد يوصل.
بوشتى: راني عارفو ولايني هذ بوركابي دولدك خاصك دنوضو مع الفجر
بحرا يفيق مع التسعود، الله يخليها ضناية جبتلي.
حادة: ضنايثي وضنايثك، ليه أنا تمرغت فالرماد وولدتم، سبحاالله
مناين أيكونو خدامين مزيان أيكونو ولادك!! ومناين أيجلسو أيرجعو ولادي!!!.
بوشتى: سكث أداك التاثة دلعاشور ونتينا شحال أدهدر.
حمو آحمو أنوض أبلمهيبط لاخر، أيما لحبيبة لوكا كنت صحيح، لوكا راني فيقتلك البردع بحد المعكاف.
حمو آحمو أنوض أبلمهيبط لاخر، أيما لحبيبة لوكا كنت صحيح، لوكا راني فيقتلك البردع بحد المعكاف.
الصافية: غي نعس أبا راه باقي الحال، وحمو عاد دخل دابا مالحانوث
بايث أيرونض مع الدراري.
حادة: الله دباث ما دصبح أصفرث الكوارع، نتي كت معاه؟
بوشتى: سير أبنيتي الله يغطيك بالرضا ويفرشك بالرضا، نتي هي بنتي و
أدحس بيا، ماشي بحال هد الرهوط دخاك ويماك باغيين يزلغو لي بوحبل قبل الوقت.
حادة: علاش ماشي نزلغو لك بوحبل؟ كا على هذ الورث دماشي دخلينا؟
أنا مزااااوكا لما خليني ساكثة.
بوشتى: زعما نتي باباك عندو الفيرماث والكيران!! ياك حتى لقطوط
أيجيبم أيبقاو بالجوع وفالتالي أيهربو مالدار.
حادة: ودابا لاش أدجبد الوالدين لاش؟ والله يا معرفت علاش ديما
والديا واكلين معاك بالشقف، دقول طاحو لك فالكصعة دالطعم باللبن.
بوشتى: حيت هوما دي ولدوك وبلاوني بك.
الصافية أدسمع هذ الشي وأدموث بالطحك.
وهي تتدخل باش دطفي هذ العافية: أبا كا باقيا فيك الرفجة؟
وهي تتدخل باش دطفي هذ العافية: أبا كا باقيا فيك الرفجة؟
بوشتى: حد الشويش أبنتي الله يرضي عليك.
الصافية: راه قريب الحال يصبح ونوجدلك حد الخبزة دالشعير فطيرة باش
دسخن مصارنك.
بوشتى: مصاب كاعطاني ربي هذ الضنايا كاملة طفلاث، لوكا راني عايش
عليهم قايد.
على المودة نلتقي.
توقيع أحمد لزعر التسولي.
0 commentaires:
Enregistrer un commentaire