عمي بوشتى ما تحركش من بلاصتو خاف يهود توصيه دادا حادة على شي حاجة . فكر باش يلهيها وهو يبانلو مول اتاي هاز الغلاي ديالو وماشي وهو يقولا
بوشتى : راه داك مول اتاي عندمن انفطر مناين انسوق لواد امليل . ايلقي شي اتاي غي هدا وخلاص
حادة : أيبان راجل مخير . وشحال فيه د الخفة تبارك الله
بوشتى : وفاين نتينا ادعرفو كامخير كا لا مضغ مضغ وسكت .
حادة ادمضغ المسكة ودور ليهن ولاون ودخرج حا البواقة قداش ودلقيلا طراااااق حتى سمعوها الناس كاملين ودارو عندا يشوفو شني هاد العجب وحادة عاجبة الحال ودور عند بوشتى
حادة : قداش طحا تبارك الله هاد واد امليل . دابا مدي كبر كا هو كا فاس ؟
بوشتى : اويلي وعلى حولة باش بلاني سيدي ربي . عندك دمشي دقولا حدا حدهوم راها دشبع عليك طحك
حادة : ايوا غي صقصيتك و نتينا ما يهضر معاك حد . ديما ادلقفني . زعما حدهوم ماشيالي لفرانسا
بوشتى تفكر طابا . ضرب يدو لجيبو ما صاباشاي وينقز من موطعو ويتم هواد
حادة : لاين ماشي عاوث
بوشتى : هاني ماجي تيتسويت غي بقى فموطعك
عمي بوشتى شرا طابا وتم راجع وهو يتلاقى مع الطبيب دالسنان اللي شمتو داك النهار أينزل من الطنوبيل ديالو وهو يشد عمي بوشتى من القب دالجلاب
الدونتيست : أجي لهنا احديدان . كيفاش زعما ضحكتي عليا ومشيتي ؟ حسابتليك ما عقلتش عليك ؟
بوشتى : حاشا واش دخلق . أنا غي مناين لقيتلي البنج حسيت بالحريق ما بقاشاي وانا نلقي بالناقص . هدا ما كان . ودابا راني عوال نصغب الفا وينشاع الله نتينا دي مشي يصغبولي .غي نجي من فاس نgوز عندك . ولايني قلي بشحال دخدملي
الدونتيست : غادي يتقام عليك تقريبا بشي ستين الف ريال
بوشتى : هادا ماكان . ايوا غي نرجع من فاس نسبق منك نتي اللول
الدونتيست : ان شاء الله . طريق السلامة
بوشتى طلع للكار وجبد طابا وسطر حا السطر ونفح مع راسو وعطس حا العطسة اسيادي الحبايب حتى ناضت غبايرا فالكار كامل وبقى الزاج غي ايتشرنن
بوشتى : آ الله أ الله دابا عاد رديت المجاج . قلك ستين الف ريال . واخا نبقى ناكل غي التيشة واللبن . ستين الف ريال نشري بها البقرة
حادة : شكون هداك دي كان شابط فيك . كا ولد اللنتية ؟
بوشتى : وفاين نتينا ادعرف ولد اللنتية
حادة : سمعتك ادقولو مشي نصغب عندك الفا
بوشتى : ولد اللنتية بالكرافاطا والطونوبيل ؟ اويلي وعلى خلا . الناس مزوجا ويانا أنعدي ليام
شوية والشيفور طلع وبدا ايكلاكسوني . عندو الكلاكسون ضايع و لاقي غي هداك دمول بولو بيه مديباني . طلعو الناس وكلها شد موطعو والكار قلع
بوشتى : بالليهودي لاخور مشى على الطريق القديمة ما عملشاي روطوروت
حادة : وشني هيا هاد روطوروت عاوث
بوشتى : روطوروت زعما الطريق ايلقيولا اختا . ايكونو جوج طرقان توام . وحدة ادعبي ووحدة ادجيب
حادة : بحا هاديك دي طالعة لبني فراسن وهادي دي هوادا لواد امليل
بوشتى : أسكث أ الهم مشي دطحك علينا عباد الله
حادة سقرت وبدات ادشوف فالكوسانة قداما صابت شلا مسكة لاصقة فالطهر دالكوسانة وبدات ادقشرا ودارت عند بوشتى
حادة : شوف شحال دالمسكة غي ضايعة هنايا . وكتير هاد الزريرقة (كلوريتس) واقيلا لديدة على هاد البيطة دي شريثلي
بوشتى : بحينا كا وريتالي بلا ما نضيعو الفلوس . دابا عاد ادقولالي
حادة : حتى يانا عاد شفتا . كا بقات فيك داك الربعة دريال ؟
بوشتى : ايوا هاد الزوالغ دي جيبنا معانا قرابين نساليوهم
حا الشويش وعمي بوشتى انتبه صاب حا الغياتية كالسة مع جنبو وبغى يجبد معاها الهضرة
بوشتى : واقيلا الشتا طاحت خيربي هنايا شفت الزرع بدا يزرق
الغياتية : ايوا الله ومالك الحمد الخير دسيدي ربي
بوشتى : من الهضرة ديالك جيتني واقيلا غياتية
الغياتية : اييه اسيدي انا غياتية
حادة جاتا الغيرة بغات تبدل الموضوع وهي دسقصي بوشتى
حادة : كان أبوشتى ؟ دابا شكو دي عتا الصافية بنتي ولا الصافية د موحند دالحوسين ؟
بوشتى : ادصقصيني يانا . كا يانا قطعتلم الصرة
بوشتى دار عند الغياتية
بوشتى : ومناين انتينا ألالا
الغياتية : انا اسيدي من بوشفاعة
بوشتى : يشفع فينا وفيك الحبيب رسول الله . ومزوجة بعدا ولا هجالة ؟
حادة ما قدراتش تصبر ودارت عند بوشتى
حادة : ما دجيشاي نتينا لهنا خليني يانا نgوز لاتم
بوشتى : غي خليك فموطعك تما خير
حادة : هاد الزاج ما راصيش غي ايقجقل جابلي الدوخة قريبة نgل
بوشتى خاف على جلابتو وتم نايض . رما الخلفة وهو يعفس على الصاك دحادة ويقول لداك البيض يا شخشخ
حادة : غي بالشواي غي بالشواي هووووه هووووه اشششا . واقيلا رزيتني فالبيضات دي معبيا لختي كاملين
بوشتى : ايوا نتينا لاقيا الصاك بين رجلاك كا لقيتو فالمرفاع ما نزطمشاي عليه
بدلو البلايص والكار بقى ماشي حتى وصل لسيدي عبد الله و هو يخسر
الشيفور : عاوتاني دارها
الكريسون : مصيبة هادي وخلاص
هودو بجوج وبداو يدورو على لانبان . شوية ويرgب عليهم عمي بوشتى من السرجم وبغى يلقي فيها فهايمي و قلم
بوشتى : أشوف اولدي لاباري يكون خاسر غي ملاصورانص بلا ما ضيعو الوقت راحنا مزروبين الله يرضي عليك ههههههه
نكتفي بهذا القدر وإلى اللقاء في الجزء الرابع
دامت لكم البسمة.
بوشتى : راه داك مول اتاي عندمن انفطر مناين انسوق لواد امليل . ايلقي شي اتاي غي هدا وخلاص
حادة : أيبان راجل مخير . وشحال فيه د الخفة تبارك الله
بوشتى : وفاين نتينا ادعرفو كامخير كا لا مضغ مضغ وسكت .
حادة ادمضغ المسكة ودور ليهن ولاون ودخرج حا البواقة قداش ودلقيلا طراااااق حتى سمعوها الناس كاملين ودارو عندا يشوفو شني هاد العجب وحادة عاجبة الحال ودور عند بوشتى
حادة : قداش طحا تبارك الله هاد واد امليل . دابا مدي كبر كا هو كا فاس ؟
بوشتى : اويلي وعلى حولة باش بلاني سيدي ربي . عندك دمشي دقولا حدا حدهوم راها دشبع عليك طحك
حادة : ايوا غي صقصيتك و نتينا ما يهضر معاك حد . ديما ادلقفني . زعما حدهوم ماشيالي لفرانسا
بوشتى تفكر طابا . ضرب يدو لجيبو ما صاباشاي وينقز من موطعو ويتم هواد
حادة : لاين ماشي عاوث
بوشتى : هاني ماجي تيتسويت غي بقى فموطعك
عمي بوشتى شرا طابا وتم راجع وهو يتلاقى مع الطبيب دالسنان اللي شمتو داك النهار أينزل من الطنوبيل ديالو وهو يشد عمي بوشتى من القب دالجلاب
الدونتيست : أجي لهنا احديدان . كيفاش زعما ضحكتي عليا ومشيتي ؟ حسابتليك ما عقلتش عليك ؟
بوشتى : حاشا واش دخلق . أنا غي مناين لقيتلي البنج حسيت بالحريق ما بقاشاي وانا نلقي بالناقص . هدا ما كان . ودابا راني عوال نصغب الفا وينشاع الله نتينا دي مشي يصغبولي .غي نجي من فاس نgوز عندك . ولايني قلي بشحال دخدملي
الدونتيست : غادي يتقام عليك تقريبا بشي ستين الف ريال
بوشتى : هادا ماكان . ايوا غي نرجع من فاس نسبق منك نتي اللول
الدونتيست : ان شاء الله . طريق السلامة
بوشتى طلع للكار وجبد طابا وسطر حا السطر ونفح مع راسو وعطس حا العطسة اسيادي الحبايب حتى ناضت غبايرا فالكار كامل وبقى الزاج غي ايتشرنن
بوشتى : آ الله أ الله دابا عاد رديت المجاج . قلك ستين الف ريال . واخا نبقى ناكل غي التيشة واللبن . ستين الف ريال نشري بها البقرة
حادة : شكون هداك دي كان شابط فيك . كا ولد اللنتية ؟
بوشتى : وفاين نتينا ادعرف ولد اللنتية
حادة : سمعتك ادقولو مشي نصغب عندك الفا
بوشتى : ولد اللنتية بالكرافاطا والطونوبيل ؟ اويلي وعلى خلا . الناس مزوجا ويانا أنعدي ليام
شوية والشيفور طلع وبدا ايكلاكسوني . عندو الكلاكسون ضايع و لاقي غي هداك دمول بولو بيه مديباني . طلعو الناس وكلها شد موطعو والكار قلع
بوشتى : بالليهودي لاخور مشى على الطريق القديمة ما عملشاي روطوروت
حادة : وشني هيا هاد روطوروت عاوث
بوشتى : روطوروت زعما الطريق ايلقيولا اختا . ايكونو جوج طرقان توام . وحدة ادعبي ووحدة ادجيب
حادة : بحا هاديك دي طالعة لبني فراسن وهادي دي هوادا لواد امليل
بوشتى : أسكث أ الهم مشي دطحك علينا عباد الله
حادة سقرت وبدات ادشوف فالكوسانة قداما صابت شلا مسكة لاصقة فالطهر دالكوسانة وبدات ادقشرا ودارت عند بوشتى
حادة : شوف شحال دالمسكة غي ضايعة هنايا . وكتير هاد الزريرقة (كلوريتس) واقيلا لديدة على هاد البيطة دي شريثلي
بوشتى : بحينا كا وريتالي بلا ما نضيعو الفلوس . دابا عاد ادقولالي
حادة : حتى يانا عاد شفتا . كا بقات فيك داك الربعة دريال ؟
بوشتى : ايوا هاد الزوالغ دي جيبنا معانا قرابين نساليوهم
حا الشويش وعمي بوشتى انتبه صاب حا الغياتية كالسة مع جنبو وبغى يجبد معاها الهضرة
بوشتى : واقيلا الشتا طاحت خيربي هنايا شفت الزرع بدا يزرق
الغياتية : ايوا الله ومالك الحمد الخير دسيدي ربي
بوشتى : من الهضرة ديالك جيتني واقيلا غياتية
الغياتية : اييه اسيدي انا غياتية
حادة جاتا الغيرة بغات تبدل الموضوع وهي دسقصي بوشتى
حادة : كان أبوشتى ؟ دابا شكو دي عتا الصافية بنتي ولا الصافية د موحند دالحوسين ؟
بوشتى : ادصقصيني يانا . كا يانا قطعتلم الصرة
بوشتى دار عند الغياتية
بوشتى : ومناين انتينا ألالا
الغياتية : انا اسيدي من بوشفاعة
بوشتى : يشفع فينا وفيك الحبيب رسول الله . ومزوجة بعدا ولا هجالة ؟
حادة ما قدراتش تصبر ودارت عند بوشتى
حادة : ما دجيشاي نتينا لهنا خليني يانا نgوز لاتم
بوشتى : غي خليك فموطعك تما خير
حادة : هاد الزاج ما راصيش غي ايقجقل جابلي الدوخة قريبة نgل
بوشتى خاف على جلابتو وتم نايض . رما الخلفة وهو يعفس على الصاك دحادة ويقول لداك البيض يا شخشخ
حادة : غي بالشواي غي بالشواي هووووه هووووه اشششا . واقيلا رزيتني فالبيضات دي معبيا لختي كاملين
بوشتى : ايوا نتينا لاقيا الصاك بين رجلاك كا لقيتو فالمرفاع ما نزطمشاي عليه
بدلو البلايص والكار بقى ماشي حتى وصل لسيدي عبد الله و هو يخسر
الشيفور : عاوتاني دارها
الكريسون : مصيبة هادي وخلاص
هودو بجوج وبداو يدورو على لانبان . شوية ويرgب عليهم عمي بوشتى من السرجم وبغى يلقي فيها فهايمي و قلم
بوشتى : أشوف اولدي لاباري يكون خاسر غي ملاصورانص بلا ما ضيعو الوقت راحنا مزروبين الله يرضي عليك ههههههه
نكتفي بهذا القدر وإلى اللقاء في الجزء الرابع
دامت لكم البسمة.
توقيع: عزيز البورقادي.
0 commentaires:
Enregistrer un commentaire