عمي
بوشتى من بعد ما شرى التلفزة ( لصقها فيه شي وحيد فلارباع غي بصطاش لميا ) تبدلت
الحياة ديالو وما بقاشاي ايخرج بزاف يخطط حدا الدار وما بقاشاي ايتناgر هو
ودادا حادة كل نهار وحتى القهوة ديالو طحا ايشربا فالصطيحة وديك الدكانة حرما غي
فالجرة دعياد . ايوا السيد طحا متبع الأخبار وحالة الطقس والكورة والبرامج كاملا
وخصوصا هاداك البرنامج دي ايgوز نهار السبت فالعشية ( تسول
ويكاند ) ولايني لي ايعجبو كثر هي السهرة دنهار السبت وداك المسلسل العجيب ديال
منار هادو بجوج خط أحمر .
واحد النهار عمي بوشتى جاه الناصر ولد ختو من فاس باش يكيل من عندو شي حاجة دزيت على حقاش الكروني كان مازال ما جا من لانجيري .
ايوا اسيدي هوما تعوفو وسالاو وهو يكوماصي المسلسل دسامحيني والفقيه قال الله أكبر ( أذان المغرب )
الناصر : واقيلا المغرب ادودن أخالي نمشيو نصليو
بوشتى : أودي راني مريط أولد ختي الشكوى لله ركابي أيحرقوني وطهري كامل مgزر تحلو فيا شي بيبان راني كلي موقع الشكوى لله وصافي
الناصر : ايوا الله يشافي أخالي نمشي أنا قبل لا دفوتني الصلا.
شوية ناضت العجاجة والريح شقلبات ديك الفراشة والتلفزة ما بقات قابطة والو وعمي بوشتى طلعلو الgاز وناض لداك الفراشة وبقى ايدور والصافية ادرد عليه .
الصافية : أوالو أبا زيد دور شواي
بوشتى : كا ليهن كا لاون
الصافية : جيهت الغرفة أبا
بوشتى : هيثا
الصافية : أدجي الصورة ودرجع أبا زيد حا الشطيطش جيهت أغارب دلبيت التحتي
بوشتى : شوف دابا
الصافية : أغي الطشاش والو كل
بوشتى : ودابا
الصافية : أغي هدا أبا حتى يجي حمو هو دي ايعرف يصغبو
بوشتى : إي دحميو بيه الفرنة ينشاع الله فايناهي داك الجلابة ديالي نمشي نلحق الناصر مشي دفوتني المغرب الله ينعل الشيطان ههههههههههه
دامت لكم البسمة.
واحد النهار عمي بوشتى جاه الناصر ولد ختو من فاس باش يكيل من عندو شي حاجة دزيت على حقاش الكروني كان مازال ما جا من لانجيري .
ايوا اسيدي هوما تعوفو وسالاو وهو يكوماصي المسلسل دسامحيني والفقيه قال الله أكبر ( أذان المغرب )
الناصر : واقيلا المغرب ادودن أخالي نمشيو نصليو
بوشتى : أودي راني مريط أولد ختي الشكوى لله ركابي أيحرقوني وطهري كامل مgزر تحلو فيا شي بيبان راني كلي موقع الشكوى لله وصافي
الناصر : ايوا الله يشافي أخالي نمشي أنا قبل لا دفوتني الصلا.
شوية ناضت العجاجة والريح شقلبات ديك الفراشة والتلفزة ما بقات قابطة والو وعمي بوشتى طلعلو الgاز وناض لداك الفراشة وبقى ايدور والصافية ادرد عليه .
الصافية : أوالو أبا زيد دور شواي
بوشتى : كا ليهن كا لاون
الصافية : جيهت الغرفة أبا
بوشتى : هيثا
الصافية : أدجي الصورة ودرجع أبا زيد حا الشطيطش جيهت أغارب دلبيت التحتي
بوشتى : شوف دابا
الصافية : أغي الطشاش والو كل
بوشتى : ودابا
الصافية : أغي هدا أبا حتى يجي حمو هو دي ايعرف يصغبو
بوشتى : إي دحميو بيه الفرنة ينشاع الله فايناهي داك الجلابة ديالي نمشي نلحق الناصر مشي دفوتني المغرب الله ينعل الشيطان ههههههههههه
دامت لكم البسمة.
6 commentaires:
صافي بوشتى مشي يتهنا من داك راديو دكان ايقيل يصنت .دابا غادي يشوف الاخبار بصوت وصورة وهاذ منا دابا دخرج عليه ودخليه بلا شغول . تحياتي سي عزيز
مبقاوشاي البيبان فطهرو . اوا فراشة مسخوطة هدي. انا مافهمتشي كككللل هد ليهودية دهد الفراشة شكون قالا هدي راها المغرب
لا حيلة مع الله دبا ناصر مناين بشوفو جا يصلي واقف عادي يتنوى فيه يقول خالي
مناين كدب فهادي دبا يبيعلي الزيث مخلط ويقي بناقص
هههههه وشوف على نفاق
حتى مشاث منار عاد بانلو الشيطان، ، هاباردو
حتى مشاث منار عاد بانلو الشيطان، ، هاباردو
Enregistrer un commentaire