ركب عبسلام على البغلة وركب موراه حمو وشدو الطريق للدار، فهذ الوقت الصافية ختو خدامة أدجري على واحد الفلوسة باش دقبطا، وداك الفلوسة حالفا ما دتقبط، عياث معاها الصافية وهي دعي فيها: سير الله يعطيك بوgليب، أويلي فاين خطاثك التعلب فاين؟ وهو يسمعا بوشتى.
بوشتى: مالك أصافية أدجري على ذاك العتوكة؟
الصافية: أنسبك عليها باش نذبحا لغدا.
بوشتى: ولاش؟؟ راه عبسلام دابا يجيب معاه اللحام، زعما هذي تمن شهور وهو خدام.
الصافية: أودي مسكين راه موحش الدجاج بلدي، وإلى جاب اللحم نخليوه للعشا.
نرجعو لحمو وكيف دعرفو الدراري دلعروبية فضوليين وما أيسكثوش، عيا يصبر وهو يقل لخاه.
حمو: عاودلي أعبسلام كيف وقع لك.
عبسلام: ماشي نعاودلك ولايني عندك دقولا لباك أو للدراري، راني عارفك، لسانك قد الشريط دالشبكة.
حمو: أودي غي عاود حق الجامع لحبيبة ما نقولا لشي واحد.
عبسلام ضاحكا: صافي دابا عاد عرفتك ماشي دعاودا للناس كاملين.
أدحلف بالجامع ألبانضي؟
حمو: وباش بغيثني نحلف؟
عبسلام: حلف بسيدي حسن الحاج.
حمو: حق سيدي حسن الحاج ما يسمعا مني شي واحد.
عبسلام: أجي بعدا بغيث نسقسيك على يامنة دعمي عياد، شخبارا؟.
حمو ضاحكا: كا باقي أدبغي يامنة؟
راها طحاث قد الكرفة. تبلبطث بالصحة، محدا أضرب تمارة وهي أدزيان وأدزيد دصحاح.
عبسلام: كاين شي كرفة قد الصافية ختك؟ ألعجل!! وزايدون راها غزالة واخا صحيحة، الصحة ديالا مشدودة ماشي مهرطة ومسربطة بحال الطفلاث دلمدينة.
حمو: واييه والله وحكماثك بشي بونية يا غيلى صيفطاثك دنعس فالطبيب. داك النهار زغب الله علي دعامر ومشى يطحك معاها فالعين، يا خاي لحبيب شيرث عليه بالسطل دجالوق عامر بالما للنية دقفاه جابثو عاط فالتراب.
عبسلام غاضبا: عبرث عليه، كا حتى ذاك لحول عاوث تعلم يهدر مع الطفلاث!! شني قالا بلسبايسي لاخر، والله يا يماه يا غي نوصل يا حتى نهيبطو بحد الكرفيط. أراااا أراااا زيد الله يعطيك القرط.
حمو: غي حاول على البغلة دالناس أصاحبي، راه ما قلا والو. غي سقساها عليك، وقالا بلي راك ماجي هد النهار.
عبسلام: كا حتى هذ فنيشة عاوث نسميها بغلة؟ وشكون قلو بلي أنا ماجي هد النهار؟
حمو: أنا قلتالو.
عبسلام: الله يقليك فالكدرة دبورباح؟ أبو لسان دلبقرة.
حمو: أصاحبي راه الدوار كامل عندو لخبار بلي نتينا ماجي هذ النهار، الله يجعل البركة فمراث عمك عياد، الحاجة حدهوم.
آه نسيث نقلك بلي الحمارة ديالنا صبحث والدا حد الجحش هذ الصباح.
عبسلام: إيوا مبروك عليك وعلى باك.
حمو: راني صبحت أنبارك لبا ولايني ردالي بين رجلاي، وقالي نتينا هو الجحش.
عبسلام: كا نتينا ما عارفشاي باك؟؟ والله ما عرفت شني ماشي نقلو مني ندخل عليه بيداي خاويين، والمصيبة راه مريط وزعما عوال علي نعبيه للطبيب.
حمو: أييه حقا فكرتني، ما عاوتليش شني وقع لك.
عبسلام: أودي هذ الشي دي وقع لي نعاودو لحفارين قبري.
كنت خدام بخير وعلى خير وجمعت شي مليون ونص و......
سامحولي ألخوت راه التيلفون ديشارجا لي، حتى نشارجيه ونكمل لكم القصة.
الصافية: أنسبك عليها باش نذبحا لغدا.
بوشتى: ولاش؟؟ راه عبسلام دابا يجيب معاه اللحام، زعما هذي تمن شهور وهو خدام.
الصافية: أودي مسكين راه موحش الدجاج بلدي، وإلى جاب اللحم نخليوه للعشا.
نرجعو لحمو وكيف دعرفو الدراري دلعروبية فضوليين وما أيسكثوش، عيا يصبر وهو يقل لخاه.
حمو: عاودلي أعبسلام كيف وقع لك.
عبسلام: ماشي نعاودلك ولايني عندك دقولا لباك أو للدراري، راني عارفك، لسانك قد الشريط دالشبكة.
حمو: أودي غي عاود حق الجامع لحبيبة ما نقولا لشي واحد.
عبسلام ضاحكا: صافي دابا عاد عرفتك ماشي دعاودا للناس كاملين.
أدحلف بالجامع ألبانضي؟
حمو: وباش بغيثني نحلف؟
عبسلام: حلف بسيدي حسن الحاج.
حمو: حق سيدي حسن الحاج ما يسمعا مني شي واحد.
عبسلام: أجي بعدا بغيث نسقسيك على يامنة دعمي عياد، شخبارا؟.
حمو ضاحكا: كا باقي أدبغي يامنة؟
راها طحاث قد الكرفة. تبلبطث بالصحة، محدا أضرب تمارة وهي أدزيان وأدزيد دصحاح.
عبسلام: كاين شي كرفة قد الصافية ختك؟ ألعجل!! وزايدون راها غزالة واخا صحيحة، الصحة ديالا مشدودة ماشي مهرطة ومسربطة بحال الطفلاث دلمدينة.
حمو: واييه والله وحكماثك بشي بونية يا غيلى صيفطاثك دنعس فالطبيب. داك النهار زغب الله علي دعامر ومشى يطحك معاها فالعين، يا خاي لحبيب شيرث عليه بالسطل دجالوق عامر بالما للنية دقفاه جابثو عاط فالتراب.
عبسلام غاضبا: عبرث عليه، كا حتى ذاك لحول عاوث تعلم يهدر مع الطفلاث!! شني قالا بلسبايسي لاخر، والله يا يماه يا غي نوصل يا حتى نهيبطو بحد الكرفيط. أراااا أراااا زيد الله يعطيك القرط.
حمو: غي حاول على البغلة دالناس أصاحبي، راه ما قلا والو. غي سقساها عليك، وقالا بلي راك ماجي هد النهار.
عبسلام: كا حتى هذ فنيشة عاوث نسميها بغلة؟ وشكون قلو بلي أنا ماجي هد النهار؟
حمو: أنا قلتالو.
عبسلام: الله يقليك فالكدرة دبورباح؟ أبو لسان دلبقرة.
حمو: أصاحبي راه الدوار كامل عندو لخبار بلي نتينا ماجي هذ النهار، الله يجعل البركة فمراث عمك عياد، الحاجة حدهوم.
آه نسيث نقلك بلي الحمارة ديالنا صبحث والدا حد الجحش هذ الصباح.
عبسلام: إيوا مبروك عليك وعلى باك.
حمو: راني صبحت أنبارك لبا ولايني ردالي بين رجلاي، وقالي نتينا هو الجحش.
عبسلام: كا نتينا ما عارفشاي باك؟؟ والله ما عرفت شني ماشي نقلو مني ندخل عليه بيداي خاويين، والمصيبة راه مريط وزعما عوال علي نعبيه للطبيب.
حمو: أييه حقا فكرتني، ما عاوتليش شني وقع لك.
عبسلام: أودي هذ الشي دي وقع لي نعاودو لحفارين قبري.
كنت خدام بخير وعلى خير وجمعت شي مليون ونص و......
سامحولي ألخوت راه التيلفون ديشارجا لي، حتى نشارجيه ونكمل لكم القصة.
لياه يحسابكم غي المخرجين دلمسلسلات التركية هوما دي أيعرفو يخليو الإثارة. راه حتى خوكم التسولي أيعرف داك الشي هههههههه.
وعلى المودة نلتقي.
0 commentaires:
Enregistrer un commentaire