عايشة (لمرا دعمي امحمد): امحمد كامدسوقشاي غدا لتازة
امحمد :أولاش (وهو ايعجبو يسوق غي ايعمل هيتاك خصوصا لتازة) شني ماشي نلقي فها سوق ياك عاد لبارح لارباع وكلشي جبت من سوق ألطيف شني أيخص عاوت
عايشة:إيوا نتي تقضيت كلشي ولايني ماجيبتشاي لبخور وعود لقماري واااء زعما.....
امحمد:هاداك فاش بقاتلك شني ماشي دقمر بيهم شني زعما..
عايشة:وطك بطكاطك امحمد كااانسبيبث يا غدا زعما عيد لميلود كاماشي تبوهل كاشني
امحمد :ااااااه ااه ايو شوف ايوة لبارح فلارباع مابقاوشي فبالي كككل ايوا غدا يلا مشيت لتازة نجيبم.
عايشة: ولادنساشي معاك امحمد الله يعطك ستر
امحمد: شني عااوت تفكرت
عايشة: لالا ماشي شي حاجة غا جيبلي معااك حشطيطش دكحول وشويش دسواااك
امحمد:ايييه قول هادا علاش ادقولي سير لتازة وادعملي سبة بالبخور
عايشة:وطك اويلي ومناقص
امحمد :ايطحاااك. اسيدي واخا دابا نجيبم
صباح امحمد بكر وناض خرج لبرا وجبر شتااااا ولواد من طرف لطرف ودخل ايطير.
امحمد: عايشة عايشة واااعيشة نوض نوض نوض الله الله الله ياربي نحمدك ونشكروك
عايشة :اويلي ماال هادا كا حوااالت او شني
امحمد :انوض اشتاااااا خيط ادروى اعايشة ادروى.
عايشة وخا عجبا لحال ماعجبا حيتاش امحمد ماشي يمشيشاي لتازة وهي بقا فبالا سواك وكحول
امحمد :نوض نوض بعدا نصب داك لقراعي يتعمرو نوض
عايشة:ناضت نصبت داك لقراعي وهي غي مخوشمة.كاان امحمد كامشي دمشيشاي لتازة
امحمد :لاين ماشي نمشي كا ادور تهنا مني كاشني لواد ايضرب على درابل ونتي ادقولي سير ياك عاد وولعمنول داك لبرنوسي الله يرحمو عباه لواد تلتيام بحرا جبروه
عايشة: ايو هاد شتا مصابت فوقااش طيح حتا لهانهار
امحمد: شنييييهييي؟؟كدسكت كندلقمك بهاد لقميقم دنحس يااالطبييف اتفوووو ماقولنا حتا شفنا رحمة دالله.غي هاد شتا حسن من داك سوااك وداك كحول دياالك هي الله دكحل بكفوس ينشاء الله كوز من حدايا وسير عملنا حاسكفا دلقاهوة دغيا انا ماشي نمشي نسرح لفوسي لتبن باش مايدخل فية لما .
ايعمل لفاس على كتفو ويمشي.
وتستمر الحياة
على المودة
توقيع أحمد الدعينن
توقيع أحمد الدعينن
0 commentaires:
Enregistrer un commentaire