السواقة والثعلب : الحلقة الثالثة

صباحكم مبروك اولاد عمي وخوتي وصحابي احييكم من قلب الحدث من لربع دبني لنت. اجيو نكملوا مع محند ادريس ومحند سي علي مع امحمد لي فضاو معه يجيبلم الثعلب بستلاف ريال للحاج العشاب، ولي داير الحاج كما عوتلكم هو زامبيا مول لحوايج .المهم امحمد مشا بش غيشد ثعلب داز نهار لربع وخميس وجمعة وهو ايبات اضور على ثعلب صبوح السبت ناض بكري مع فجرية ومشا ايضور وهو يجبر حد ثعلب. هي ادجري وهو ايجري موراها حتا شدا. داها للدار وحشاها في الفرنة وسد عليها. بالفرحة ايشد الطريق حتا سبت دباب الرملة مع كانت طاحت شوية الشتاء ومبقاش فيه بالغيس حتا رgب على محند دريس جبرو عاد ايفرش السلعة. وخلط عليه وزاد لودنو وقالو صافي الامانة كاينة رني شديت الثعلب رها فدار . محند ادريس تبدل وتزير بقا غير ايتفتف مصيبة هذي كيف غنعمل ؟؟قال مع راسو ارى نلصقو في محند سي علي يدبر راسو معه. محند سيعلي ره مسوق فسبت بني فراسن. محند دريس قال لمحمد هك نمرة عيط على محند سيعلي وقولالو . قالو امحمد صوني عليه نت قالو معنديش تعبئة. وهو ايمشي امحمد اجيب تعبئة.. محند ادريس عندو تعبئة غير امحمد غاب وهو جبد تلفون عيط على محند سي علي: الو ره شد ثعلب امسخوط الوالدين شني نعملو معه؟ محند سي علي : قولو حتا لعشية.
محند سي علي طفا تلفون وبقا محند دريس واحل مع امحمد . رجع امحمد عند محند دريس وقيال نهار كلو اصونيو على محند سيعلي لكن غير دك البنت اتصالات لي كتجوب: يتعذر الاتصال بمخاطبكم ... اوا فضا امحمد مع محند ادريس ملي غيمشي للحد غيمشي عند محند سيعلي بش اجيبلو ثعلب. يلاه رجع محند دريس من سوق وجلس ياكل طريف الخبز فدار وامحمد اصوني عليه. قالو صافي بلا متمشي عند محند سيعلي ماتت ديك اليهودية دثعلب ههههه 
محند دريس تنهت وقال مع بالو لباس هناتنا هههههه .
امحمد طارتلو ملي ماتت ثعلب منعتلو ستالاف ريال قال مع بالو والله حتا نشد اخرى لغدا مشا ايضور وهو يشد واحدا اخرى داها ربطا فسطيحة وخلاها ودك نهار كان عندم سبوع دولد ختو في دوار قال حتا نتغذا ونرجع من السبوع وعاد نعيط لمحند ادريس إجي ليها. المهم هو مشا يتغذا في السبوع ودك ثعلب في سطيحة مربوطة ايشوفا وحد الكلب دجارهم ويدرز عليها ويقولها يفلق رجع امحمد جبر الكلب قتلا ههههه. عوتني نهار ثلثاء شد واحدة اخرى وعيط على محند ادريس قالو رني شديتها. قالو غدا نتلاقاو فلربع. تقاراو محند سي علي ومحند ادريس غيسولوه وش لنتا او ذكر الا كانت لنتا يقولو خصني ذكر ويلا كان ذكر يقولولو خصنا لنتا . لغدا ايجي على الصباح لربع عند محند ادريس قالو محند دريس جيبت الامانة قالو لا خليتها فدار اوا علاش اصاحبي مجيبتاش الحاج فاضحنا بالعياط قالو صافي نرجع نجيبا قالو وش ذكر او لنتا؟ قالو لنتا. قالو عاين نسولو الحاج بعدا. عيطو على الحاج العشاب وجهدو لتلفون ودك المسخوط دزامبيا كيمثل مشي غي الحاج كيمثل دك العلماء الكبار في الادب واللغة العربية قالولو ره دك ثعلب كاينة سولهم وش ذكر او لنتا قالولو لنتا قالهم لا خصني ذكر .وامحمد طلعلو دم ومحند دريس ومحند سي علي قالولو سير صحبي دبر على ذكر. ومشا امحمد لدك الثعلب وبقا عليها بالركال حتا قتلا بقا سيمانة كلها وهو ايضور والو ملقا شي ثعلب. لربع لخرى جا للسوق قالو اوا فين الثعلب اصاحبي قالهم والله مجبرتها. اوا ومحند دريس قالو اصاحبي فضحتني انشد الثعالب اوا فين هد الشجاعة ديالك؟؟ صاحبنا امحمد مرضاش ومشا بدك الفقصة قال والله حتا نشدها وربي اكبير.. يوماين وهو اضور والو.. مفيدو غير يمشي لدوار اخور فين كاينين نسابو لي مجوج من عندهم لكن خصو اقولها للتهامي خاين مراتو بش اشدا معه وهنا غيوقع مشكل كبير لامحمد وغتكبر العيطة !!
انا عييت بالكتابة اخوتي حتا من بعد ونكملكم القصة 
وهدشي كلو صحيح والله وهذ قصة حقيقية غير لعام لي داز بلا زيادة بلا نقصان. فقط بدلت سميا دصياد الثعلب ونسيبو
الله الاقينا فساعة مبروكة.

توقيع خالد جمال.

تصنيف : طرائف تسولية