لحاج احمد سوق لرباع ورجع لدار وهو يتلاقا امحمد ايحرث على حا زوج بحرا ادمد لخلفة وهو وااحل معاها
لحاج احمد :السلام علييكم الله يعاون امحمد
امحمد :أيااا ربي الحاج ارا علم رااا.كا سوقت
لحاج احمد:وليه فاين كنت كا مأتشوفنيشاي راجع مسوق
امحمد:ايه شني هو السوق شااا عيد
لحاج احمد :اخاي شواي واها ماطيشة ب تمانين ريال لفلفلا ب مياوربعين ريال بطاطا سبعين.
امحمد :ولغلم شنا هي كا طلعتشي كمزالة ولبقار
لحاج احمد:اودي هدا عليا مدخلتشاي لرحبة كسيبة انا حدي برا ورجعت فحالي وسوق مقلوب غي على القدس هاد نهار ماكا غي القدس القدس قالك داك رايس دأماريكان خطب لبارح و قالم القدس داسرايل وحنا ما انسالوشي فيها.
امحمد :ششش هوووو(حسر لبهايم) شنيهي شني ادقل نتي عاوت شني وكيفاش ما انسالوشي فيها من لاينلاين القدس داسرايل كا هاد اسرائيل ماشي يجو عدنا للقدس كا حوالت كا شني انا بنتي ساكنة تما ما قتلي حتا حاجة عاد هضرت معاي فترفون صباح
لحاج احمد :فاين ساكنة بنتك بسلااامة معنديشاي لخبر على هادي
احمد :ساكنة تما فالقدس التالث كا مأدعرفوشاي رااااه هو تالي فداك الرgبة منو لطريق وجدة كأتبهت حتا نتي ومخدمناشاي فيه انا وياك مناين كان باقي غا دوالي دلعينب
لحاج احمد :وطك على مطموس ومعامن انهدر انا كانتي ادهضرلي على القدس دتازة اهادا القدس الشريف امحمد راه ف فلسطين كاعمرك سمعت بالقدس واااء هادا ترامب قالم ماشي ديالكم داسرايل هاك ياودي قالك القدس د لعينب لاواه لباكور
امحمد :آييه آيه قولي القدس الشريف ايوا هدر نيشان ونتي دلوي عليا فشنايفك نتي قتلي غا القدس واها قلي القدس الشريف .وشكون هاد طرامب دقالم موشاي ديالكم
لحاج احمد :ترامب امحمد تراامب رئيس دامريكان داك مو غولوفة صفرة وفاه قاد لفا دلقرعة دعشرة يطرو. القدس مشا امحمد الله ياخد الحق فدكان سباب
امحمد :ايوا ولعرب شني قالو وشني ماشي يلقيو
لحاج احمد:لعرب راهم ناعسين شني ماشي يلقيو لا موغريب لا ميصرا ولا سعودية وزيد وزيد ...حتا شي حد ما علا راسو
امحمد: ايوا كلشي ناعس ونتينا ماجي مخلوع دقول نتينا هو دماشي د حرر لقدس غي بوحدك اوالله وما تاحدو كاملين يا فيها لابقاو ايمااا على بليهودي لاخور دهاد طرامب ولايني كولشي من لعرب لعربي كحل راس يبع لحمو على لفلوس أراا علم رااا...
والمودة فيها نلتقي.
توقيع أحمد الدعينن
2 commentaires:
غي القدس ديال تازة هو هداك ما كيعرف
امحمد ماقاريشاي مسكين وهيثاك بقا فيه الحال على القدس ال
Enregistrer un commentaire