عمي بوشتى والمحافظة

بوشتى :حادة أحادة أفاينك
حادة : هاني انشطب المراح كاما شفتنيشاي مالك صبحت فايق عل القيطي وحال فاك ادلاغي شني خاصك ؟
بوشتى :  جيبلي القميججة البيطة ديالي والسروال الجديد دي شريت العام دي كاز من  فاسوداك الهركاس ديالي دجلد
حادة : لياه كا ماشي دخطب
بوشتى : لواه ماشي نحطب ، ياك هاد النهار لاقي مع المهنديز باش يجي يعبري داك جوج مطاير دي عندي فالمرجع دالgعدة الحمرة
حادة : ايوا وماغادسواقشاي ؟ ياك هاد النهار السوق 
بوشتى : ما غانسوقشاي هاد النهار ، انا لقيت مع المهنديز هاد النهار ماحد علال بن عمي ومحمادين دالمختار وعلي دموحند دالصديق راهم فالسوق . باش نخدم شغلي على خاطري فالغفلة
حادة : ايوا gوز قبطلي حا الدك ودبحو باش نغديو الراجل براني
بوشتى : فاينهو داك بوركابي دحمو يgوز للسوق يجيبنا حاد جوج كيلو دلعينب
حادة : راه أيلقي الخروب فالخنشة دالشتف باش يعبيها للسوق يوزنا
بوشتى : قولو مناين يتخلص يgوز يجيبنا داك الشي دي وصيتك عليه ويجيب معاه جوج قراعي دلموناضا وحدة كحلة ووحدة بيطة انا مشي نهود للمنجورة نلاقي الراجل راني تزهزيت عليه 
للحكاية بقية . ومساؤكم سعيد
مامعنى : عالقيطي ؟ و تزهزيت ؟

توقيع عزيز البورقادي

تصنيف : الثقافة التسولية,طرائف عمي بوشتة