سلطان القبيلة 02.

سلامي للحباب واصل والاصدقاء ولاد الاصل
على المجموعة ما نغيب وخا يربطوني بالسلاسل
ننظم الكلام ونروي الحكاية، نجتاهد وما نتكاسل
التسول هنا مجموعين وكل واحد منين كيتراسل
نكملو قصة السلطان لي فالقبيلة يحكم ويفاصل

سيد السلطان قرر يكمل الشرع ويزيد المرا الرابعة
تكون عليه فال الخير وتولد الذكر بيه يفتاخر، طلق
البراح فالدشر ينشر الخبر
*يا اهل القبيلة ما دسمعو غي اخبار الخير سيد السلطان
راه كيعرض عليكم داير اللامة مرحبا بكم*
داع الخبر وفالقبيلة انتشر والناس فهمو المغزى من
العراضة والهدف هو يجمع بنات القبيلة منم يعزل ويختار..ايييه شكون هاد مولات السعد لي غتولي المرا
الرابعة دسيد السلطان
كل وحدة فبنات القبيلة تتمنى وتترجا يكون
من سعدا حتى لي عمرها عرفت القبلة توضات وصلاة
ولربي دعات.ومن اللباس مكاين غي الgنادر دالموزون او كساوي مطروزة ها الحرير ها الموبرة.وحتى اللي معنداش جرات وتسلفت وتكلفت باش دكون فالمستوى والسلطان
ليها يلتافت...

على المودة نلتقي

توقيع عبد الحق كريط

تصنيف : الثقافة التسولية,المنتديات الثقافية