السواقةوالثعلب: الحلقةالاولى

صباح الخير والربح وصباحكم مبروك اولاد القبيلة
كما واعدتكم من قبل هذ النهار غنعودلكم على الثعلب ومحند سيعلي . وهذشي صحيح داروه المساخيط دسواقة دتسول. اجيو تسمعو شنو لقاو هذ البلاوات دسواقة .. يلاه تطلاقوني لربع دبني لنت تما وقع ما وقع !! هذ البالا د محند دريس سواق كيجي عندو امحمد من دوار ديالو كيجلس معه من سوق لسوق ويتهود معه واعاودلو على دوار وشني وقع، على حقاش محند ادريس رحل للحد. المهم امحمد صاحبنا مبلي بصيادة دثعالب فين مكانت شي ثعلب في دوار ميزكلاش ايشدا وربي كبير. وفين ميجي عند محند ادريس ايبقا يعاودو على مغامرات ديالو مع ثعالب هه. المهم محند ادريس وحد صباح عيط على محند سي علي كيفرش فسوق قبالتو وقالو هد امحمد ولد دوارنا ره مبلي بصيادة ثعالب شني نعملولو؟ قالو صافي غنقولولو وحد الحاج عشاب فمكناس باغي شي ثعلب وش تقدر تشدانا وملي يجيبها للسوق نضحكو شوية ونطلعو عليه الطوبية قالو صافي . اوا خصنا نضبرو الحاج العشاب بعدا.. قالو الحاج هو زامبيا مول الحوايج علمو زامبياوقالولو هذ امحمد غنطلعو عليه طوبية.صافي اتفق معهم المسخوط دزامبيا . شوية وهو ماجي صحبنا امحمد عند محند ادريس وداير واحد المعكافة خاشيها فجلابة. صباح الخير محند ادريس صباح الخير لبس لبس كلس معه فالقيطون و بدا اعيودلو على الدوار وجبد الهضرة على ثعلب ومحند ادريس قالو اجي بعدا فكرتني الله افكرك فشهادة وحد الحاج عشاب باغي ثعلب تدبرلو فيها وعيطيك فيها ستلاف ريال ؟ قالو امحمد اييه نضبرهاليه قالو عاين وااا محند اسي علي اجي اجي محند سي علي جا سلم على محند ادريس وعلى امحمد صاحبنا قالو محند ادريس وش مزال دك الحاج صاحبك خصو اثعلب؟؟ قالو اييه موصيني وعييت نقلبلو ملقيتش. قالو هاهو الراجل اجيبهالك تفاهم معه . محند سيعلي: دقد تشدا وتجيبها؟؟
امحمد: اه نجيبها. محند سيعلي قالو عاين بعد جبد التلفون ودوز نمرة دلحاج العشاب زعما هههه وهو غي زانمبيا مول الحوايج بعيد عليهم غي بش ثمنية دلخلفات.. زامبيا فتح الخط: السلام عليكم ورحمة الله وبركاته وطيباته . محند سيعلي: وعليكم السلام ورحمة الله كداير الحاج لبس عليك لبس.. الحمد لله كيداير دك مكناس الحاج( زامبيا) الحمد لله على كل حال ونعوذ من حال اهل النار" دبا محند سي علي مجهد للتلفون" الحاج رني ضبرتليك السيد لي يقدر يجيبلك ثعلب.. الحاج: الله اجازيك بخير وانورك اخي الكريم تفاهم معه وقوليه الثمن. محند سي علي: رني قلتلو ثمن وامحمد ايقول لمحند سيعلي رغبو ازيدك شي الفين ..محند سي علي: زيدو شي الفين.. الحاج لا منزيدو حتا ريال..
محند سي علي:صافي الحاج ره بغا .
الحاج : اللهم يسر ولا تعسر لكن قولو يخلي القضية مستورة
محند سي علي:صافي الحاج كون هاني .
المهم محند سيعلي فضا مع امحمد ومشا بحالو امحمد ولخرين بقاو ايموتو بالطحك. اوا طحكو اولاد الحرام فعايلكم لقيتوه نية!!! لكن كما ايقولو الطماع ايقضي عليه الكذاب.
المهم اولاد عمي القصة طويلة غنخلي حتا لغدا ان شاء الله ونكملهالكم وغتشوفو اش غيوقع لامحمد مسيكين ههههه.

توقيع خالد جمال.

تصنيف : طرائف تسولية