حكاية عن المرحوم السي القبي

السلام عليكم

دابا غانحكيلكم واحد القصة وقعت لسي محمد القبي

فواحد الوقت كانت الشركة ديال الكارو ماتجيشاي للحد الاد ازباير كانوا الناس لعندم الصاكا أيطلعو لتازة باش يجيبو الدخان، من 

هاد الناس القبي. طلع التازة وتلاقا الكاميو دالتبغ وتقضى الكارو وعمر واحد الطوموبيل كان جايبا كورسا.ومناين كان راجع للحد تلاقاوهم الجادارمية .ومناين حبسوهم جبرو عندم الكارو ،كان ايسحابلم الكارو كنطربوند وبغاو يشدو فسي محمد، ومناين بغا يشرحلم القبي بلي الكارو راه دالمغرب. قال لواحد الجادارمي (قبطان): سمعني اشاف راه ماشي كنطربوند، لكن داك الجادارمي جاوبو وقالو أنا راني ماشي شاف انا راني قبطان،  واش ماشفتشاي النجمة لي عندي فوق كتافي، لكن القبي الله يحفظو و يخليه. معروف بالدهاء وسرعة الرد وهو يجاوبو: أودي اسي القبطان ربي لحبيب السما ديالو كاملا معمرة بالنجوم وايغفر لعبادو ويعفو عليهم وانت عندك نجمة وحدي ومابغيتشاي طلقنا نمشيو فحالنا.  داك الجادارمية بقاو ايموثو بالطحك وهما يقولولو سير فحالك الله يعاونك

تحياتي

عبد اللطيف البرزازي

تصنيف : الثقافة التسولية,طرائف تسولية