التسولي والكلب

بسم الله فملكو دايم ويدوم ، القبيح ديما رخيص والزين غالي فالسوم ، الحمار يمشي بالنخيص والخيل الخير فنواصيها موسوم العاقل على زين فعالو حريص والحمق ما عليه لوم ، المطهون ما يفهم الغمزة موالف بالقريص الفايق العايق كلشي عندو مفهوم .

خوتي التول السلام عليكم ، على راجل خالثي بغيث نزيد نعاودلكم، قصة صحيحة مافيها كذب وحتى هي وقعثلو مع كلب.

هاد راجل خالثي كان عندم حد الكلب مسربط أيقيل فباب الدار مكط طالق كسالثو ، مأيلهث لا على براني ولا على جارثو، النخالة دالجاح كاملة كلاها وخالثي أددفعلو دشاط موراها، وخا خصارة فيه هي فسبيل الله أدعمل الخير فيه، حد جارثم مأدستحيا ما أدحشم ، ديما مgابلاهم غي أيقطعوا الحس أدجيبوا معاهم، حتى أيصيبوها داخلة، وهما دايرين عالطبلة، وأدقولم سبحان الله أنا بزهري وعودي جراي، وأيدور فيها راجل خالثي أيقولا مكاين لا حمارك واقف ولا عودك جراي غي هاد بوهيدورة دهاد الكلب مأيلهتشاي، وأيعيا يدفعلا فالهدرة والوجا باش أيحشمو الناس معندشاي، حد النهار هي دخلث وهو يرفذ حلمعgاف بالشناقب، وسد باب الدار على داك الكلب وبقا عليه أيدرب، وأيقولو : ياك ماكاري ما واحلين فعنقك دراري، كأدخمم ماصيبت باش دجيب الخضرا، أو نقلبولك البوابر دالزعفران كنت مصدرم لبرا، كزادلك ما صبت باش دسبع ، كحاير فالعيد خصك الحولي أيبعبع، وداك الكلب أيزgي لربي دخلقو، وهو أيقولو ياك عندك غي هاد الحلوق طلقو وأنا دجا حتى أيدخل عليا ويقولك برزقو، ياك عندك فاك قول غي هاب هاب ألعيفة دالكلاب، وما طلق داك الكلب حتى سهطو، وجارثو شافثا حماطث، رفذث حطرف دخرينgو بلا مضيغ مشاث دسرطو ،وقفلا حتى خرجو عيناها وجا بقا عليها بالبونية لقفاها، حتى رماث داك الشذق على فاها، وقالا : هاهاد عودك الجراي عتر فيك كان قضاها، ودنوض أدجري خرجث مأدشوفشي موراها.

توقيع محمد الوديني.

تصنيف : الثقافة التسولية,طرائف تسولية