حادة صابت راسا كالسة حدا داك الغياتية وهي دجبد معاها الهضرة
سولاتا على سميتا وفاين ادسكن وفاين كانت قالتلا كنت عند بنتي فتازة قالتلا وشني ادلقي بنتك فتازة قالتلا كتاتبية دالعامل قالتلا عندا دارا قالتلا الدار عندا شارياها ولايني باقية بلا زواج قالتلا و مزيوناشي بعدا قالتلا ايوا عليها السر دربي صبيبحة حا الشواي وحادة يبانليها البلان وقالتلا :
ايوا حتى يانا عندي عبسلام ابني ايخدم فوجدة ايصور البلعا دالفلوس يلا كتاب غي نجي من فاس نgوزو عندكوم انا وبوشتى راجلي نخطبو هاد حنان بنتك لعبسلام ابني غي عطيني النمرة دتيريفو
الغياتية عيطت لشي وحيد قيدلا النمرة دالتيليفون وخلاتا بخير وهودت فحالا ومشات دور على شي خطاف يوصلا للسبت د هل بودريس
غي هي نزلت و حادة نزلت موراها يضرب فيها البرد وتبعا عمي بوشتى نزل و جبد الباكية دكازا وشعل حا الكارو و تماطا الكاليتوسة حداه قطع منا حا العود و بدا يشير بيه ويوري لحادة
بوشتى : راها داك البحيرة دي مشى ليلا حمو يسرق البتيخ وقبطوه ثما غياتة كانو مشي يجيبولو الجدارمية حتى جيت انا خلصت عليه الخطية بن المدعوي لاخور
حادة : وليدي غي تملغو عليه وما هو ما يلقيهاشاي .
السي محمد البورقادي كان عند خوالو فسيدي عبد الله وماشي حيت المنجورة وهو يبانلو الكار خاسر زاد لعندو حيت هو ماكسيان الريحة د الحديد الخاسر ايشما فاين ما كانت ودصيبو راخي هيسوستو وماشي حيثا . غي قرب شواي بانلو عمي بوشتى ودادا حادة واقفين ايشوفو حيثو
البورقادي : كا هدا عمي بوشتى
بوشتى : كا هدا الشريف ديانا اهلل اهلل اهلل شخبارك الحبيب وفاي كث
البورقادي : الحمد لله أعمي بوشتى كنت عند العائلة هنايا ودابا ماشي للحد ونتوما لاين ماشيين ؟
نقزت دادا حادة سبقات بوشتى : ماشيين لفاس عند اختي عندا الخطابة دبنتا
بوشتى دار عند حادة وقالا هادا هو الشريف الماكسيان دي فالرباط .هدا دي كث هضرتلو على حمو يعبيه عندو للرباط يعلمو الصنعة
حادة : خير أ الشريف . ايوا عندي داك الدري معكاز شواي واها وما هو راسو خفيف . كا بدا معاك غي السيمانة دي gازت كاراه دابا دغيا صغبلم هاد الكار
الشيفور غي سمع حس الماكسيان ويجي لعندم
الشيفور : اشوفنا أ الشريف الله يرحم الوالدين هاد المصيبة دهاد الكار مالو
البورقادي : راني عيان شوية عضامي كاملين مدكدكين غادي غي نشوف معاك وصافي
الشيفور : الله يرحم ليك الوالدين
البورقادي : طلع حل الصندوق د الموطور
الشيفور حل الصندوق والبورقادي خشا راسو و قالو ديماري نشوف . الشيفور لاقا حاد جوج سلوكا خارجين من بلاصة الكونطاك والموطور بدا ايقرقب بحا التقرقيب د الصانجا وهو يسكث
البورقادي : قلبتي الزيت دالموطور والما دالرادياتور والزيت دالديريكسيون والريح دالفران والزيت دالفيتاس
الشيفور : راقبنا كلشي أ الشريف
البورقادي : شحال هادي ما درتي الفيدونج
الشيفور : ما عمري درتو هادي 15 عام
البورقادي : يا ودي يا الشيافر د آخر الزمان يا ودي . هادا راه واخا دجيبلو زيت الكروني ما يضيماريش . تكولالو الموطور صافي مشى .
الشيفور : و شنو المعمول
البورقادي : عيطو للديباناج يجروه للكاراج عند واحد صاحبي فواد امليل . قالم هاد الهضرة وودع عمي بوشتى ومشى فحالو
عمي بوشتى تقلق وقال للشيفور والله وكا عزابلي هيتا كون قطعت فالساتيام ولا هاد الحسيفة
الناس بدات تغوت على الشيفور وهو يعيط للباطرون ديالو هضر مع شي صاحبو عندو الكيران بزاف وصافطلم كار جديد باقي ضوبلفي
عمي بوشتى مع القفوزية ديالو طلع هو الأول وشد البلايص اللولين حدا الشيفور
الكار قلع وعمي بوشتى وحادة كالسين مفطحين القدام والشيفور طلق هداك الديسك ديال " أحادة ديريها وديريها أحادة ديري شطحة الموضة"
حادة عجبا الحال ودطلق يا سيادي الحبايب حا الزغراتة بداتا من بني مطير ما سالاتا حتى لبوحلو والناس كاملين ايشوفو فيها ويضحكو و قالت : افاينك آ حدهوم أجي رgب على لالاك حادة فاين راها gالسة مكهكرة والغنايا ايجيبو عليها
عمي بوشتى ما عجبوش الحال والشيفور زاد كمل عليه منين بدل الديسك ودارلو الديسك د اولاد البوعزاوي : " أ ميلودة بنت ختي أميلودة واش هاد الشوهة درتي أميلودة" وهو يدور فحادة
بوشتى : ايوا شفتي دابا . هادا علاش ادور المصيبة ديما مشوهانا الله يخليها سلعة
حادة : نتي ديما مناين ادشوفني ناشطة ادجيك الغيرة ودبغي دنكدها عليا
شوية والكار وصل للخميس دسيدي عبد الجليل وهي دسول عمي بوشتى
حادة : فاينا موطع راحنا دابا ؟ مازالين ما قربنا لهاد فاس ؟
بوشتى : هادي الخميس
حادة : هنايا فاين ايكونو البوليس
بوشتى : كا أدوخ عليا كا مالك عاوث
حادة : ايوا ياك ايقولو الغنايا " كي دايرة البيجامة كي دايرة بلا القميص. العسة والبوليس هوادة على الخميس"
الكريسون سمعها وبدا يضحك وقالا : وا الجادارمية الميمة ماشي البوليس . البوليس تيكونو فالمدينة والجدارمية فالعروبية .
تسالا الديسك ديال ميلودة وجا الديسك ديال " سوكي بلاتي الغزالة ركبي الحزام . سوكي بلاتي الباراج فالفيراج ديري دوزيام"
نخليو الكار فالفيراج موقفيناه الجادارمية ههههههه وإلى اللقاء ان شاء الله في الجزء الخامس
دامت لكم البسمة.
توقيع: عزيز البورقادي.
سولاتا على سميتا وفاين ادسكن وفاين كانت قالتلا كنت عند بنتي فتازة قالتلا وشني ادلقي بنتك فتازة قالتلا كتاتبية دالعامل قالتلا عندا دارا قالتلا الدار عندا شارياها ولايني باقية بلا زواج قالتلا و مزيوناشي بعدا قالتلا ايوا عليها السر دربي صبيبحة حا الشواي وحادة يبانليها البلان وقالتلا :
ايوا حتى يانا عندي عبسلام ابني ايخدم فوجدة ايصور البلعا دالفلوس يلا كتاب غي نجي من فاس نgوزو عندكوم انا وبوشتى راجلي نخطبو هاد حنان بنتك لعبسلام ابني غي عطيني النمرة دتيريفو
الغياتية عيطت لشي وحيد قيدلا النمرة دالتيليفون وخلاتا بخير وهودت فحالا ومشات دور على شي خطاف يوصلا للسبت د هل بودريس
غي هي نزلت و حادة نزلت موراها يضرب فيها البرد وتبعا عمي بوشتى نزل و جبد الباكية دكازا وشعل حا الكارو و تماطا الكاليتوسة حداه قطع منا حا العود و بدا يشير بيه ويوري لحادة
بوشتى : راها داك البحيرة دي مشى ليلا حمو يسرق البتيخ وقبطوه ثما غياتة كانو مشي يجيبولو الجدارمية حتى جيت انا خلصت عليه الخطية بن المدعوي لاخور
حادة : وليدي غي تملغو عليه وما هو ما يلقيهاشاي .
السي محمد البورقادي كان عند خوالو فسيدي عبد الله وماشي حيت المنجورة وهو يبانلو الكار خاسر زاد لعندو حيت هو ماكسيان الريحة د الحديد الخاسر ايشما فاين ما كانت ودصيبو راخي هيسوستو وماشي حيثا . غي قرب شواي بانلو عمي بوشتى ودادا حادة واقفين ايشوفو حيثو
البورقادي : كا هدا عمي بوشتى
بوشتى : كا هدا الشريف ديانا اهلل اهلل اهلل شخبارك الحبيب وفاي كث
البورقادي : الحمد لله أعمي بوشتى كنت عند العائلة هنايا ودابا ماشي للحد ونتوما لاين ماشيين ؟
نقزت دادا حادة سبقات بوشتى : ماشيين لفاس عند اختي عندا الخطابة دبنتا
بوشتى دار عند حادة وقالا هادا هو الشريف الماكسيان دي فالرباط .هدا دي كث هضرتلو على حمو يعبيه عندو للرباط يعلمو الصنعة
حادة : خير أ الشريف . ايوا عندي داك الدري معكاز شواي واها وما هو راسو خفيف . كا بدا معاك غي السيمانة دي gازت كاراه دابا دغيا صغبلم هاد الكار
الشيفور غي سمع حس الماكسيان ويجي لعندم
الشيفور : اشوفنا أ الشريف الله يرحم الوالدين هاد المصيبة دهاد الكار مالو
البورقادي : راني عيان شوية عضامي كاملين مدكدكين غادي غي نشوف معاك وصافي
الشيفور : الله يرحم ليك الوالدين
البورقادي : طلع حل الصندوق د الموطور
الشيفور حل الصندوق والبورقادي خشا راسو و قالو ديماري نشوف . الشيفور لاقا حاد جوج سلوكا خارجين من بلاصة الكونطاك والموطور بدا ايقرقب بحا التقرقيب د الصانجا وهو يسكث
البورقادي : قلبتي الزيت دالموطور والما دالرادياتور والزيت دالديريكسيون والريح دالفران والزيت دالفيتاس
الشيفور : راقبنا كلشي أ الشريف
البورقادي : شحال هادي ما درتي الفيدونج
الشيفور : ما عمري درتو هادي 15 عام
البورقادي : يا ودي يا الشيافر د آخر الزمان يا ودي . هادا راه واخا دجيبلو زيت الكروني ما يضيماريش . تكولالو الموطور صافي مشى .
الشيفور : و شنو المعمول
البورقادي : عيطو للديباناج يجروه للكاراج عند واحد صاحبي فواد امليل . قالم هاد الهضرة وودع عمي بوشتى ومشى فحالو
عمي بوشتى تقلق وقال للشيفور والله وكا عزابلي هيتا كون قطعت فالساتيام ولا هاد الحسيفة
الناس بدات تغوت على الشيفور وهو يعيط للباطرون ديالو هضر مع شي صاحبو عندو الكيران بزاف وصافطلم كار جديد باقي ضوبلفي
عمي بوشتى مع القفوزية ديالو طلع هو الأول وشد البلايص اللولين حدا الشيفور
الكار قلع وعمي بوشتى وحادة كالسين مفطحين القدام والشيفور طلق هداك الديسك ديال " أحادة ديريها وديريها أحادة ديري شطحة الموضة"
حادة عجبا الحال ودطلق يا سيادي الحبايب حا الزغراتة بداتا من بني مطير ما سالاتا حتى لبوحلو والناس كاملين ايشوفو فيها ويضحكو و قالت : افاينك آ حدهوم أجي رgب على لالاك حادة فاين راها gالسة مكهكرة والغنايا ايجيبو عليها
عمي بوشتى ما عجبوش الحال والشيفور زاد كمل عليه منين بدل الديسك ودارلو الديسك د اولاد البوعزاوي : " أ ميلودة بنت ختي أميلودة واش هاد الشوهة درتي أميلودة" وهو يدور فحادة
بوشتى : ايوا شفتي دابا . هادا علاش ادور المصيبة ديما مشوهانا الله يخليها سلعة
حادة : نتي ديما مناين ادشوفني ناشطة ادجيك الغيرة ودبغي دنكدها عليا
شوية والكار وصل للخميس دسيدي عبد الجليل وهي دسول عمي بوشتى
حادة : فاينا موطع راحنا دابا ؟ مازالين ما قربنا لهاد فاس ؟
بوشتى : هادي الخميس
حادة : هنايا فاين ايكونو البوليس
بوشتى : كا أدوخ عليا كا مالك عاوث
حادة : ايوا ياك ايقولو الغنايا " كي دايرة البيجامة كي دايرة بلا القميص. العسة والبوليس هوادة على الخميس"
الكريسون سمعها وبدا يضحك وقالا : وا الجادارمية الميمة ماشي البوليس . البوليس تيكونو فالمدينة والجدارمية فالعروبية .
تسالا الديسك ديال ميلودة وجا الديسك ديال " سوكي بلاتي الغزالة ركبي الحزام . سوكي بلاتي الباراج فالفيراج ديري دوزيام"
نخليو الكار فالفيراج موقفيناه الجادارمية ههههههه وإلى اللقاء ان شاء الله في الجزء الخامس
دامت لكم البسمة.
توقيع: عزيز البورقادي.
2 commentaires:
الله يحفظك السي عزيز البورقادي
احسنت النشربالغوص في الداكرة الشعبية
معك حسين البورقادي من مدينة صفرو
Enregistrer un commentaire