سلطان القبيلة 07.

مساء النور والانوار يا الشرفاء الاحرار
سبحان الله الحي القيوم لي عندو القرار
قسم الارزاق كل واحد عبا حقو بمقدار
طريق الحق وطريق الباطل عزل واختار
مول العقل اللبيب ما يجيب ما يدي عار
طالب للعلم والمعرفة ينتج ويبدع فالافكار
الخلق الحسن والتواضع من صفات الابرار
اما الجاهل فطريقو هايم ما عندو استقرار
عايش فالتخرويض ولا مكان له بين الكبار
رحمة الله على من قال العلم نور والجهل عار

سلطان القبيلة خرف ولا غير كيهترف ياك هو لي كان يفاصل بين الناس علاش تبدل، ولا غير ساهي وتالف.هو لي كان يتضرب بيه المتال بين القبايل،العقل الرزين والقلب الحنين.ولكن هاد المرة دارالو قلبو ولعبلو على اعصابو، ومابقى عارف لا ما يقدم ولا ما يأخر المهم يتسنى رجالو عسى يرجعولو بشي خبر
دازت سيمانة والرجال فالقبيلة يبحتو وتقول واش لقاو راس الخيط ولا شي واحد عطاهم النعت،خبرو سيد السلطان بكل ما جرى وسار،المسكين صدر امرو لله وماعليه غي بالصبر .واخا صورة الخليلة ما كتفارق عقلو لا ليل لا نهار ...مشات يام وجات يام خرج السلطان قاصد الضريح يزورو ويتبرك بديك المقام. لبس الجلابة والسلهام وركب على عودو لدهم ما بغا حد يرافقو من لخدم
قطع شلا طريق. شعاب وجبال والمباتة فالوالي عليها عوال.دوز تما يوماين نساتو فالعذاب والمحاين وفالنهار التالث عوال يقلب بالرجعة رزم وحزم ولجمج وعلى اهل المكان سلم....

توقيع عبد الحق كريط

تصنيف : الثقافة التسولية,المنتديات الثقافية