الغولة وحديدان
كان حتى كان كاين الله فكل مكان. كان الحبق والسوسان فحجر النبي العدنان
كانت العرجة تنقز الحيطان والعورة تخيط الكتان والطرشة تجيب الخبر فين ما كان
كان وحد الرجل عندو سبعة ولاد والصغير فيهم سميتو حديدان. بغ يهز رحيلو ويجول فكل البلدان. خاف على ولادو من الغولة مولات النيبور خضرة العينان. قالولو لا تخاف يا بابا ياك حنا ولادك وبسبعة إخوان. كل واحد بنيلو دار فداك الجبل العالي وسط الجنان.
سول الأول أش بغيتي نديرلك باش تحمي رأسك من الغولة مولات السنان.
قالو صوب لي دار من التراب. بابها من التراب. وخبرة كبيرة تقدني على طول الغياب. وما يكفيني من الما بالحساب .وسير وخليني منين ترجع تلقاني عايش إلا كتاب.
سول التاني قلو بنيلي دار من العود .بأبها من العود. وخبرة كبيرة وقلوش دلما يقدني منين ترجع إلا كتاب تلقاني موجود....
سول التالت قلو بغيت دار من الحجر. بابها من الحجر. وخبرة كبيرة وقلوش دلما معمر. منين ترجع إلا كتاب تلقاني فيك ننتظر....
سول الرابع قلو بنيلي دار من القصب. بابها من القصب. خبرة كبيرة وقلوش دلما وحزمة دلحطب. ولايام رجعوك إلى كتاب غدي نحسب. ...
سول الخامس قلو بنيلي دار من الدوم. بابها من الدوم. وخبرة كبيرة وقلوش دلما يقدني لنهار المعلوم. ولا كتاب غدي تلقاني وعلى حالي لا تكون مهموم. ...
سول السادس قلو صوبلي دار من الجلد .بابها من الجلد. وخبرة كبيرة وقلوش دلما ليام غيابك يقد. ولا كتاب فداري تلقاني مجبد....
سول السابع لي هو حديدان قلو بنيلي دار من الحديد. بابها من الحديد وسوارتها حديد. خبرة كبيرة وقلوش دلما يقدني حتى تعود من جديد. ولا كتاب تلقاني فداري سعيد.....
كل وحد بنالو دار ودار ليها باب. هز رحيلو ودار خبرة فقراب. .توكل على الله ودع ولادو لحباب. قالهم حسبو عام بالحساب. غدي تلقاوني قدامكم إلا كتاب. وغدي تبقاو فبالي على طول الغياب.
سمعو أش طرى وصار. من بعد خروجو من الدوار .ما بين ليلة ونهار .جات الغولة راكبة على حمار. بانوليها شلا بنيان وشلا ديار. تبسمت وقالت هد يوم من الأيام الخيار....
هجمت على الاول كلاتو وريبت دار التراب. هجمت على التاني كلاتو وهرست دار العود والأخشاب. هجمت على التالت كلاتو وحطمت دار الاقصاب. وصلت لرابع كلاتو ونفخت على الدوم راب. كلات الخامس والسادس ما بقى غير حديدان وسط دار الحديد أمرو عليها غاب.......
فكرت الغولة مزيان وكل نهار تتربص قدام دار حديدان. قالت لابد يتقضى المعون ويبان .تسنات وتسنات حتى تقضات الخبرة لحديدان. قهرو الجوع والعطش فكر فخطة تحميه من الغولة مولات السنان ....
كان كل صباح يخرج من دار الحديد. يمشي لعوينة يشرب ويخروضها ويزيد. يطلع فوق الكرمة يعزل حبة الكرموس الزين ولديد......
كان يعزل الكرموس الزين. والخامجة يضرب بيها الغولة للعين. وحديدان فوق الكرمة يضحك ويشطح باليدين .ضحكت عليك الغولة ورونت العين. نتي تأكل الخامج ونا نأكل الزين. وهي تفقص وتحك فالرجلين. يعود يضربها للعين. هي تحك وتغوت وهو يركبليها على حمارها ويهرب لدارو فالحين. والحمار بالجرى ساقط الودنين ......
شحال من مرة والغولة على هاد الحال. حارت مع حديدان وركبها الهبال. فكرت وفكرت حتى لقاة خطة واش تشدو ولا محال ......
هجمت على السراح. وهما في غفلة كل واحد مركد المعز وبغى يرتاح .قاتلهم بغيت كل واحد يجمع رزمة دلعك مهنا لصباح. ولي مجمعها غدي ناكلو ومنو نرتاح. خافو منها السراح. وكل واحد جمع رزمة قد حبة التفاح ........
شدت داك العك وحكتو على برداع الحمار مزيان. ومشات للكرمة عند حديدان. لقاتو خروض الما وجالس فوق الكرمة بالكرموس شبعان .ضربها بالخامج لدوك العينان. ونقز وركب فوق الحمار لي كان عيان. عيا ميضرب فيه وبالغوت شحفان. قربت ليه الغولة بغ يهرب وهو يلصق فوق البرداع نيشان ..اجي لهنا حصلتي يا حديدان. ليلة نشرب دمك ونكل لحمك وعضيماتك نقي بيهم السنان. ....
قاليها يا مي الغولة انا ضعيف. ديني سمني فيا غي العظام ولحمي رهيف. منين هزاتو باليها خفيف .دارت بكلامو وداتو يسمان حتى يدوز الخريف. خشاتو فالطنة دلكرموس وحلفت بحليف. منين يسمان كل واحد من هلي فليلتو ضيف ......
دخلتو لطنة دلكرموس. قاليها أمي الغولة بغيت زبيب هاد الشي مسوس. قاتلو برك من الشروط يا داك المنحوس. سمان دغي على خدايمك منين كنت تضربني بالكرموس. مزال قلبي مفقوس......
فداك الطنة كان وحد الغار. بقى حضيه حتى خرج منو فار. سدو بالكرموس ومنين تجي الغولة كل نهار .تقولو خرج وحد من صبابعك صغار. كل يوم يخرج ليها الديل ديال الفار.....
مشات أيام والطنة من الكرموس خوات. نسا حديدان وكلا من فم الغار دوك الحبات. هرب الفار وسط غارو بات. في الصباح قاتلو خرج واحد من دوك الصبيعات .منين شافت صبعو دهشات .قاتلو ديرتيها بيا يا حديدان جوج دلمرات. وليني الليلة لحمك فكروش بناتي وهلي يبات .........
خرجاتو وشداتو من قفام. وبالصحة خرجو عيناه.....
قاليها انا لحمي بالزربة يطيب. خلي بناتك يدبحوني ونتي سيري لعند أهلك طريق بعيدة والحال صعيب. منين توصلو تلقاوني طايب انا باقي سنان حليب .ونا لحمي إلا برد بالزربة يديب......
مشات الغولة قاطعة لجبال. وصات بنتها دبحو وطيبو والبنات لخرين يقبلو التخمال .......
قال لبنتها شفت رأسك موسخ وحالتو حالة. اجي نمشطلك داك الشعالة .باش منين يجيو اهلك تباني ليهم غزالة. وكاين وحد من اهلك ليلة يتزوج بيك وبيا ديرو زردة وتكون الفرحة كاملة مكمالة....
تقت فيه الهبيلة .عطاتو رأسها وبدى يفليلا . قالها ناري شحال فيك من قميلة .غفلها ودوز الموس دبحها ودارها طيب ونجح حديدان فالحيلة .....
سلخها ولبس داك الجلد وفوق الروف تجبد. وصلت الغولة ولي معاها حطت البرمة وكل واحد فاللحم بسنانو يقدد....
فيقت بناتها الصغار سولت على ختهم قالوليها حنا كنا فداك الدار. لي مبنية بالحديد كل النهار. طلت فوق الروف بانتليها بنتها مشعككت الشعار. قاتلهم مسكينة عياها حديدان هاد النهار. نوضي ابنتي هاك سويرتات وسيري سبقينا لداك الدار .....
خدا السويرتات ديال دار الحديد .عمرها بالعواد وبد يزند فالعافية ويزيد .حتى سخنت الدار وحمار الحديد .
مشا قدام دار الغولة وقاليها كليتي لحم بنتك. انا باقي عايش وشحال من مرة شمتك. اوا تبعني لداري نتي وهلك. بابي غدي يبقى محلول عمري لا خافت منك .....
خرجو الغوال تابعين حديدان. هو تخبع مور الدار وشد لكوان. وصلو الغوال ودخلو لدار نيشان .نقز على الباب سدو كلشي تشوى حتى واحد ما بان .وتم كملت الخرافة وعاش حديدان. في أمان ..........
خبرتي مشات من واد لواد ونا بقيت مع ولاد لجواد هههههههه
كان حتى كان كاين الله فكل مكان. كان الحبق والسوسان فحجر النبي العدنان
كانت العرجة تنقز الحيطان والعورة تخيط الكتان والطرشة تجيب الخبر فين ما كان
كان وحد الرجل عندو سبعة ولاد والصغير فيهم سميتو حديدان. بغ يهز رحيلو ويجول فكل البلدان. خاف على ولادو من الغولة مولات النيبور خضرة العينان. قالولو لا تخاف يا بابا ياك حنا ولادك وبسبعة إخوان. كل واحد بنيلو دار فداك الجبل العالي وسط الجنان.
سول الأول أش بغيتي نديرلك باش تحمي رأسك من الغولة مولات السنان.
قالو صوب لي دار من التراب. بابها من التراب. وخبرة كبيرة تقدني على طول الغياب. وما يكفيني من الما بالحساب .وسير وخليني منين ترجع تلقاني عايش إلا كتاب.
سول التاني قلو بنيلي دار من العود .بأبها من العود. وخبرة كبيرة وقلوش دلما يقدني منين ترجع إلا كتاب تلقاني موجود....
سول التالت قلو بغيت دار من الحجر. بابها من الحجر. وخبرة كبيرة وقلوش دلما معمر. منين ترجع إلا كتاب تلقاني فيك ننتظر....
سول الرابع قلو بنيلي دار من القصب. بابها من القصب. خبرة كبيرة وقلوش دلما وحزمة دلحطب. ولايام رجعوك إلى كتاب غدي نحسب. ...
سول الخامس قلو بنيلي دار من الدوم. بابها من الدوم. وخبرة كبيرة وقلوش دلما يقدني لنهار المعلوم. ولا كتاب غدي تلقاني وعلى حالي لا تكون مهموم. ...
سول السادس قلو صوبلي دار من الجلد .بابها من الجلد. وخبرة كبيرة وقلوش دلما ليام غيابك يقد. ولا كتاب فداري تلقاني مجبد....
سول السابع لي هو حديدان قلو بنيلي دار من الحديد. بابها من الحديد وسوارتها حديد. خبرة كبيرة وقلوش دلما يقدني حتى تعود من جديد. ولا كتاب تلقاني فداري سعيد.....
كل وحد بنالو دار ودار ليها باب. هز رحيلو ودار خبرة فقراب. .توكل على الله ودع ولادو لحباب. قالهم حسبو عام بالحساب. غدي تلقاوني قدامكم إلا كتاب. وغدي تبقاو فبالي على طول الغياب.
سمعو أش طرى وصار. من بعد خروجو من الدوار .ما بين ليلة ونهار .جات الغولة راكبة على حمار. بانوليها شلا بنيان وشلا ديار. تبسمت وقالت هد يوم من الأيام الخيار....
هجمت على الاول كلاتو وريبت دار التراب. هجمت على التاني كلاتو وهرست دار العود والأخشاب. هجمت على التالت كلاتو وحطمت دار الاقصاب. وصلت لرابع كلاتو ونفخت على الدوم راب. كلات الخامس والسادس ما بقى غير حديدان وسط دار الحديد أمرو عليها غاب.......
فكرت الغولة مزيان وكل نهار تتربص قدام دار حديدان. قالت لابد يتقضى المعون ويبان .تسنات وتسنات حتى تقضات الخبرة لحديدان. قهرو الجوع والعطش فكر فخطة تحميه من الغولة مولات السنان ....
كان كل صباح يخرج من دار الحديد. يمشي لعوينة يشرب ويخروضها ويزيد. يطلع فوق الكرمة يعزل حبة الكرموس الزين ولديد......
كان يعزل الكرموس الزين. والخامجة يضرب بيها الغولة للعين. وحديدان فوق الكرمة يضحك ويشطح باليدين .ضحكت عليك الغولة ورونت العين. نتي تأكل الخامج ونا نأكل الزين. وهي تفقص وتحك فالرجلين. يعود يضربها للعين. هي تحك وتغوت وهو يركبليها على حمارها ويهرب لدارو فالحين. والحمار بالجرى ساقط الودنين ......
شحال من مرة والغولة على هاد الحال. حارت مع حديدان وركبها الهبال. فكرت وفكرت حتى لقاة خطة واش تشدو ولا محال ......
هجمت على السراح. وهما في غفلة كل واحد مركد المعز وبغى يرتاح .قاتلهم بغيت كل واحد يجمع رزمة دلعك مهنا لصباح. ولي مجمعها غدي ناكلو ومنو نرتاح. خافو منها السراح. وكل واحد جمع رزمة قد حبة التفاح ........
شدت داك العك وحكتو على برداع الحمار مزيان. ومشات للكرمة عند حديدان. لقاتو خروض الما وجالس فوق الكرمة بالكرموس شبعان .ضربها بالخامج لدوك العينان. ونقز وركب فوق الحمار لي كان عيان. عيا ميضرب فيه وبالغوت شحفان. قربت ليه الغولة بغ يهرب وهو يلصق فوق البرداع نيشان ..اجي لهنا حصلتي يا حديدان. ليلة نشرب دمك ونكل لحمك وعضيماتك نقي بيهم السنان. ....
قاليها يا مي الغولة انا ضعيف. ديني سمني فيا غي العظام ولحمي رهيف. منين هزاتو باليها خفيف .دارت بكلامو وداتو يسمان حتى يدوز الخريف. خشاتو فالطنة دلكرموس وحلفت بحليف. منين يسمان كل واحد من هلي فليلتو ضيف ......
دخلتو لطنة دلكرموس. قاليها أمي الغولة بغيت زبيب هاد الشي مسوس. قاتلو برك من الشروط يا داك المنحوس. سمان دغي على خدايمك منين كنت تضربني بالكرموس. مزال قلبي مفقوس......
فداك الطنة كان وحد الغار. بقى حضيه حتى خرج منو فار. سدو بالكرموس ومنين تجي الغولة كل نهار .تقولو خرج وحد من صبابعك صغار. كل يوم يخرج ليها الديل ديال الفار.....
مشات أيام والطنة من الكرموس خوات. نسا حديدان وكلا من فم الغار دوك الحبات. هرب الفار وسط غارو بات. في الصباح قاتلو خرج واحد من دوك الصبيعات .منين شافت صبعو دهشات .قاتلو ديرتيها بيا يا حديدان جوج دلمرات. وليني الليلة لحمك فكروش بناتي وهلي يبات .........
خرجاتو وشداتو من قفام. وبالصحة خرجو عيناه.....
قاليها انا لحمي بالزربة يطيب. خلي بناتك يدبحوني ونتي سيري لعند أهلك طريق بعيدة والحال صعيب. منين توصلو تلقاوني طايب انا باقي سنان حليب .ونا لحمي إلا برد بالزربة يديب......
مشات الغولة قاطعة لجبال. وصات بنتها دبحو وطيبو والبنات لخرين يقبلو التخمال .......
قال لبنتها شفت رأسك موسخ وحالتو حالة. اجي نمشطلك داك الشعالة .باش منين يجيو اهلك تباني ليهم غزالة. وكاين وحد من اهلك ليلة يتزوج بيك وبيا ديرو زردة وتكون الفرحة كاملة مكمالة....
تقت فيه الهبيلة .عطاتو رأسها وبدى يفليلا . قالها ناري شحال فيك من قميلة .غفلها ودوز الموس دبحها ودارها طيب ونجح حديدان فالحيلة .....
سلخها ولبس داك الجلد وفوق الروف تجبد. وصلت الغولة ولي معاها حطت البرمة وكل واحد فاللحم بسنانو يقدد....
فيقت بناتها الصغار سولت على ختهم قالوليها حنا كنا فداك الدار. لي مبنية بالحديد كل النهار. طلت فوق الروف بانتليها بنتها مشعككت الشعار. قاتلهم مسكينة عياها حديدان هاد النهار. نوضي ابنتي هاك سويرتات وسيري سبقينا لداك الدار .....
خدا السويرتات ديال دار الحديد .عمرها بالعواد وبد يزند فالعافية ويزيد .حتى سخنت الدار وحمار الحديد .
مشا قدام دار الغولة وقاليها كليتي لحم بنتك. انا باقي عايش وشحال من مرة شمتك. اوا تبعني لداري نتي وهلك. بابي غدي يبقى محلول عمري لا خافت منك .....
خرجو الغوال تابعين حديدان. هو تخبع مور الدار وشد لكوان. وصلو الغوال ودخلو لدار نيشان .نقز على الباب سدو كلشي تشوى حتى واحد ما بان .وتم كملت الخرافة وعاش حديدان. في أمان ..........
خبرتي مشات من واد لواد ونا بقيت مع ولاد لجواد هههههههه
يونس ددوح
0 commentaires:
Enregistrer un commentaire