السلام عليكم إخواني التول، بسم الله وعليه التوكل، الصادق ماشي غير فالقول، والكريم ماشي غير بالطعام،والشحيح بحال الديك مايعشيكشي ليلا وخا دعولو عام، اللي دارشي يطلب التوبة، الزمان غدار وأيامنا محسوبة، واللي قلبو بيض حليب فاي ما رمى يدو يجيب واللي فيه الحسد ونار الحقد أدعميه نطلبو ربي يعفو عليه.
داك البخوش مسيكين غير كذبو عليه سرقو وسماوها فيه، دريوش ولد الفاميلة، الله يسلطوا على دقرا ومعمل لاجيم لا كومونطير ودربا بغبرا، قالك هذي واحد القببلة كان عندم مخزن دالزيث القبيلة كاملة أدخزن فيه، وبقاو أيدورو شكون يتكلف بيه، تشاورو وريم تجمع على مراث الفقيه، أمنوها على رزقم وما نواو فيها تسرقم، كانث أدنقص من كل gروج طاسة ودردلم الملاسة، وخا دخلوهم التناوي قالو مراث الفقيه ما فيها تلاوي، حد النهار سرقث حشواي طاحولا شي نقيطاث ما شافثمشاي ، تبعو المريرة وصابو مراث الفقيه هي مولاث هاد الحريرة، حشمو ملفقيه حيث راجل معقول ودالناس ما يعبيه، حست المرا ووصلاثا الهدرة، وهي دبر على بخوش ملمجرة، وحشاثو فحد الخابية معمرة، وطلقاثو ملخزين برا، وعطاثا للزgا والغواث، والجماعة كاملة جاث، وقاثلم ها الشفار ربي فضحو أيسرق الزيث فجنحوا، إوا منتما وهو هاز التهمة. بحال ملي أيسرق شي مسؤول كبير وأيمشي فيها شي (شاوش) صغير.
توقيع محمد الوديني
0 commentaires:
Enregistrer un commentaire