سلطان القبيلة 06.

مساء الخير يا النسا والرجال
حبكم في القلب ما يتشرى بمال
نوركم صاطع فالمجموعة كيف الهلال
كلامكم رواية وحكاية وشلا امثال
شحال من احباب معانا رادين البال
سامعين الكلام ومتبعين شنو كيتقال
تراث التسول غني بالحكايات والامثال

خيوط الحكاية مشربكة ودجا ما فكا،كنخاطب الاذن الصاغية ماشي المصمكة، خليك معانا متبع وبالقوافي استمتع.حكايتنا حكاية، ماهي خرافية ما واقعية هاذي فكرة طاحت عليا وبغيت نشاركها مع الناس العزاز عليا نقدر نسميها قصة اجتماعية فيها درس وشحال من مرجعية.قصة السلطان مازالت مستمرة والهذف هو ناخذو العبرة.
من بعد ما المسكينة حست بالضيق وللدار شدت الطريق، بقاو خدام سيد السلطان عليها يقلبو وبين الصبيان يسولو ويبحتو ودقول واش لقاو ليها اثار ولا شي حد عطاهم عليها الخبار نتاشر الخبر مابين الصغار والكبار،شكون هاد الغريب لي كيبحتو عليه العزيب،ياك ناس الدوار كلشي حاضر ولي عندو شي بنت بيها مفتاخر وللحظة الاخيرة ينتاضر
الحفل سلا والناس مشات بحالا وبقا سيد السلطان مع خدامو داير هيلالا،وقالم واش انا محزم بالشمايت ولا بالرجالا،امرم باش يدورو الدوار ويفتشوه دار بدار.وهو ادخل لبيتو وسد عليه وما خلا حد يكلمو ولا ينهيه.اما عيالاتو وحدة قالت هادي يمكن ساحرة ليه دوات الاخرى وقالت الراجل راه تلف ولا غي ايهترف اما التالثة غي كاتمة وساكتة ومنين سولوها مالها جاوبت وبكلام الحق نطقت...

توقيع عبد الحق كريط.

تصنيف : الثقافة التسولية,المنتديات الثقافية