فطومة وحدهوم ويامنة كانو مجموعين فالسطيحة د الدار ديامنة ايطحنو الزرع فالرحى التقليدية ويبريو الفول ومناين فضاو بالطحين ناضو جابو الميدونة وشطاطو والغربال و تعاونو بعضياتهم ومناين قاضاو الشغل سمعو العطار كايز حدا الباب : العطار ضهار ألالا ضهار ناضو بالزربة لقاو عليهم اللحافات ديالم وخرجو عند العطار كل وحدة علاش ادور فطومة خاصا الكحول وشي مقيص دسواك والعكار الفاسي وحدهوم ادور على المشطة دالكرن والحنة وشي ربكة بالعقيق مزوقة
ويامنة مولات الدار عندا شي 10 دديوكة خاصا دبيعم باش دشري الحالاقات والحزامة .
هي هاديك تعاونو هي وصحاباتها وقبطو دوك الديوكا وجابثملو قالتلو بشحال دشري مني ها
الديوكا قالا بالف ريال للواحد . قالثلو والله بقل من عشرميا لا بيعثم
قالا يالله غي جيبم . جابثلو دوك الديوكا قالتلو ايوا خلصني
قبطم منها وعطاها وحيد قالا هاكي هاد الدك فالعربون حتى نولي ونكملك الخلاص . هي هاديك قبطات من عندو الدك ورجعت هي وصحاباتها للدار
فطومة : اويلي ايامنة وشا دلحالة فاش خرجنا عند العطار
يامنة : علاش
فطومة : شوفي كيف لاقيين بالغبابر دطحين
حدهوم : كاتبوهلت كا شني وفاين مشي يشوف هو هاد الغبرا دطحين وهو لاقي داك الطباسي كوحل على عيناه (زعما الندادر
راني فكرتكوم فشلا كليمات : ايبريو الفول - الميدونة - اشطاطو - مقيص دسواك - الربكة
وعلى المودة نلتقي
توقيع عزيز البورقادي
1 commentaires:
كا المناشير دالسي محمد البورقادي بداو يدخلو عندنا
اودي الله يعطيك الصحة الشريف وعجبني داك ابالا د داك العطار عطاها العربون من الديوكا ديالا
Enregistrer un commentaire