خلينا حادة ماشية لدار عياد باش دطلب البغلة باش يلاقي عليها حمو خاه عبسلام دي ما جي موجدة، المهم يا خوتي يا حبابي غي وصلث لبرا دالدار وبقاث أدعيط.
حادة: حدهوم آحدهوم، أفاينكم أمالين الدار؟ كا ميثين كا شني!!!
غي شافا الكلب وهو يبقى أينطع من القنبة باش مربوط وأيعرنن ونيابو خارجين، حادة أيعجبا دبقى أدهارش فالكلاب، المهم بقاث أدقرب ليلو ودمد حد المشعاط فيه الورق زعما أدفقسو، الكلب زاد فالتنطاع ومن زهرو تقطعث القنبة، ويقل للكرش دحادة يا الله، حادة ما عرفث باش تبلاث بقاث غي أدغرد فيه بداك المشعاط وهو أيهبط ويكطط فالجحالل ديالا، وعندا الزهر لابسة حد المنصورية واسعة، سمعث حدهوم اللهيث وخرحث أدسبك.
حدهوم: كوز كوز أبلمجحوم لاخر الله يعطي لمولاك لهبال.
المجحوم شاد فالحوايج دحادة وحالف لا طلق،خرج عياد حتى هو وهز معه حد المقراع وعطاه بها لحصاير حتى رواط. الكلب غي جاث فيه الدقة عرف القضية حامطة وهو يطلق محادة وهرب.
حادة: الله يا ودي أعياد، كا هذا الكلب كا الحلوف! كان ماشي ياكني، واقيلا عمرو ما قاس اللحم.
حدهوم: اللحم كليناه حنا بعدا باش نعطيوه للمجحوم.
عياد: إيوا باز أداكل ودنكر بحال القطة، الله يخليها سلعة كي ديما محشمانا مع الناس.
حادة: أعباد الله راكم نسيثوني وخدامين أتعايرو بيناثكم، الكلب هبطني والدماياث خدامة أدسيل من رجلاي ونتوما أتعايرو.
عياد: راني عاد عبيثو للطبيب الشهر دي كاز ولقحتلو ما دخافشاي ألمرا دولد عمي.
حادة: والله وساق لخبر بوشتى يا غيلا هودني يلقيلي سرفاتيكا، ودعاكم عند القايد، راكم عارفيناه مدعوي ومعكس.
حدهوم: وعلاش أودي هذ الشي كامل والله ما فينا دي يتفضح فالقبيلة على مجحوم، عوريطك أحادة لما سترنا وما دقولاشاي لداك عيروط دراجلك.
عياد وحدهوم دخلو حادة للدار وخسلث داك الجرح ودراولا عليه حد الشويش دالتحميرة والرماد دالدفلى.
حادة: الله يجازيكم بخير، راني جيث على حساب البغلة باش يلاقي عليها حمو عبسلام خاه، داك الحنسورة ديالنا صبحث والدة.
عياد ضاحكا: إيوا هي نمشيو نباركو لبوشتى فالجحش.
حادة: بلا ما دجي راه نهار تلتيام ماشي لقيو طغاص وداك الساعة أجي مرحبا بك.
حدهوم: زعما كيفك كي راجلك عندكم القرطاس واجد!
ولايني عبرت عليه.
هاني ماشة نبردع لك داك المدغارة. ولايني قل لحمو ما يخيلشي عليها أنا مزاوكة راني أنعرفو، راه علقة دلبهايم هداك ماشي الدري.
جرث حادة البغلة وهودث للدار، غي شافثا الصافية طربث جوج طرباث وحدة فحناكا وحدة ففخادا.
الصافية: أويلي مالك أيما؟ شكون هبطك؟
حادة: دغرق فيه داك الويل، سكث ماشي دفضحنا ويسمعنا هذ المسخوط دباك.
غي الكلب دعياد طلق ودرز علي والله يا غي ربي ما وصلشاي لكرشي. وهذ الجحالل كانو أيردو علي لعطاط ديالو.
الصافية: الله يعطيه لهبال، والله وشافك با يا غيلا كان داعيه عند القايد، واخا راه عيان هذ الشي ما أيعكزشاي عليه.
حادة: صافي غي سكث وإلى سقساني ماشي نقلو طيحت فخليج دالعين.
حمو أحمو.
حمو: نعم أيما هاني ماجي راني أنطلع سروالي.
حادة: ها البغلة مربوطة فالزيتونة برا، وراه قالتلك حدهوم عنداك دمشي دخيل عليها؟
حمو: زعما عندا العودة حجر الواد باش نخيل عليها!!! داك فنيشة كاملة عاوث أدوصي عليها، مصاب غي دهزني حاراك نخيل عليها.
خرج حمو وركب على البغلة وشد الطريق، وصل للمنجورة صاب عبسلام يا الله وصل وجالس فجدر دواحد الخروبة أيتبرد.
حمو: أهلا خاي عبسلام، شخبارك؟
عبسلام: الحمد لله أخاي سلك وصافي راحنا أنعديو ليام.
حمو: فاينهوما حوايجك؟
عبسلام: أودي غي خليها على الله وصافي، إلى جيث نعاودلك شني طرا خاصني نهار. قرب البغلة لهنا وخلينا نرجعو للدار، ونعاودلك كلشي فالطريق.
وعلى المودة نلتقي.
حادة: حدهوم آحدهوم، أفاينكم أمالين الدار؟ كا ميثين كا شني!!!
غي شافا الكلب وهو يبقى أينطع من القنبة باش مربوط وأيعرنن ونيابو خارجين، حادة أيعجبا دبقى أدهارش فالكلاب، المهم بقاث أدقرب ليلو ودمد حد المشعاط فيه الورق زعما أدفقسو، الكلب زاد فالتنطاع ومن زهرو تقطعث القنبة، ويقل للكرش دحادة يا الله، حادة ما عرفث باش تبلاث بقاث غي أدغرد فيه بداك المشعاط وهو أيهبط ويكطط فالجحالل ديالا، وعندا الزهر لابسة حد المنصورية واسعة، سمعث حدهوم اللهيث وخرحث أدسبك.
حدهوم: كوز كوز أبلمجحوم لاخر الله يعطي لمولاك لهبال.
المجحوم شاد فالحوايج دحادة وحالف لا طلق،خرج عياد حتى هو وهز معه حد المقراع وعطاه بها لحصاير حتى رواط. الكلب غي جاث فيه الدقة عرف القضية حامطة وهو يطلق محادة وهرب.
حادة: الله يا ودي أعياد، كا هذا الكلب كا الحلوف! كان ماشي ياكني، واقيلا عمرو ما قاس اللحم.
حدهوم: اللحم كليناه حنا بعدا باش نعطيوه للمجحوم.
عياد: إيوا باز أداكل ودنكر بحال القطة، الله يخليها سلعة كي ديما محشمانا مع الناس.
حادة: أعباد الله راكم نسيثوني وخدامين أتعايرو بيناثكم، الكلب هبطني والدماياث خدامة أدسيل من رجلاي ونتوما أتعايرو.
عياد: راني عاد عبيثو للطبيب الشهر دي كاز ولقحتلو ما دخافشاي ألمرا دولد عمي.
حادة: والله وساق لخبر بوشتى يا غيلا هودني يلقيلي سرفاتيكا، ودعاكم عند القايد، راكم عارفيناه مدعوي ومعكس.
حدهوم: وعلاش أودي هذ الشي كامل والله ما فينا دي يتفضح فالقبيلة على مجحوم، عوريطك أحادة لما سترنا وما دقولاشاي لداك عيروط دراجلك.
عياد وحدهوم دخلو حادة للدار وخسلث داك الجرح ودراولا عليه حد الشويش دالتحميرة والرماد دالدفلى.
حادة: الله يجازيكم بخير، راني جيث على حساب البغلة باش يلاقي عليها حمو عبسلام خاه، داك الحنسورة ديالنا صبحث والدة.
عياد ضاحكا: إيوا هي نمشيو نباركو لبوشتى فالجحش.
حادة: بلا ما دجي راه نهار تلتيام ماشي لقيو طغاص وداك الساعة أجي مرحبا بك.
حدهوم: زعما كيفك كي راجلك عندكم القرطاس واجد!
ولايني عبرت عليه.
هاني ماشة نبردع لك داك المدغارة. ولايني قل لحمو ما يخيلشي عليها أنا مزاوكة راني أنعرفو، راه علقة دلبهايم هداك ماشي الدري.
جرث حادة البغلة وهودث للدار، غي شافثا الصافية طربث جوج طرباث وحدة فحناكا وحدة ففخادا.
الصافية: أويلي مالك أيما؟ شكون هبطك؟
حادة: دغرق فيه داك الويل، سكث ماشي دفضحنا ويسمعنا هذ المسخوط دباك.
غي الكلب دعياد طلق ودرز علي والله يا غي ربي ما وصلشاي لكرشي. وهذ الجحالل كانو أيردو علي لعطاط ديالو.
الصافية: الله يعطيه لهبال، والله وشافك با يا غيلا كان داعيه عند القايد، واخا راه عيان هذ الشي ما أيعكزشاي عليه.
حادة: صافي غي سكث وإلى سقساني ماشي نقلو طيحت فخليج دالعين.
حمو أحمو.
حمو: نعم أيما هاني ماجي راني أنطلع سروالي.
حادة: ها البغلة مربوطة فالزيتونة برا، وراه قالتلك حدهوم عنداك دمشي دخيل عليها؟
حمو: زعما عندا العودة حجر الواد باش نخيل عليها!!! داك فنيشة كاملة عاوث أدوصي عليها، مصاب غي دهزني حاراك نخيل عليها.
خرج حمو وركب على البغلة وشد الطريق، وصل للمنجورة صاب عبسلام يا الله وصل وجالس فجدر دواحد الخروبة أيتبرد.
حمو: أهلا خاي عبسلام، شخبارك؟
عبسلام: الحمد لله أخاي سلك وصافي راحنا أنعديو ليام.
حمو: فاينهوما حوايجك؟
عبسلام: أودي غي خليها على الله وصافي، إلى جيث نعاودلك شني طرا خاصني نهار. قرب البغلة لهنا وخلينا نرجعو للدار، ونعاودلك كلشي فالطريق.
وعلى المودة نلتقي.
توقيع أحمد لزعر التسولي
0 commentaires:
Enregistrer un commentaire