سلطان القبيلة 08.

أسعدكم الله بسعادة الايمان
واسكنكم بجوار النبي العدنان
اللهم اجرنا من عبادة الاوثان
واحفظنا في كل زمان ومكان
الشمل مجموع والقلب فرحان
تفضل مرحبا بك عليك الامان
نكمو الحكاية مع سيد السلطان

الحكاية مشات وجات وحتى طريق ما شدات ومن بعد ما سيد السلطان زار الوالي وتبرك بالمكان حان الاوان باش يشد الطريق ويرجع لقصر،الكية فقلبو خلاها وكتم السر ..وقبل ما يرgب على الدوار شاف بنت سارحة شلا غلم وبقار، تعجب لامرا واحتار..شنو زعما ما بقاو رجال فالدوار. علاش البنت تسرح والعزري يلعب ويمرح،الظلم ما يبغيه لا ربي ولا العبد وخا هو سيد لسياد عارف شنو كيقول وعلاش قاد. ومغيتهنى حتى يعرف قصتها ويفهم المعنى.زاد بالشوية وقرب منا السلام عليكم.
جوباتو بالحيا والحشمة. وعليكم السلام،
ومنين بغات تشوف فيه غطات وجاها باللتام. ولكن سيد السلطان مزال عاقل على صورة العيون والحجبان، المهم دارت بيناتم شلا هضرة وكلام. ومنين سولا علاش اهربتي نهار الحفلة شدتا الرجفا ومعرفت باش تجاوب وبقات غي تالفة ومن كلامو خايفة ....

وعلى المودة نلتقي

توقيع عبد الحق كريط.

تصنيف : الثقافة التسولية,المنتديات الثقافية