ها
واحد السلام عليكم الخوت والخواتات
جيبتلكم وحد طرفة ديال السواقة التسول وخا قديمة شوية اكثر من عشر سنين.
ادريس دار التجارة وعمر الحوايج دلكتان ودخل معنا للسوق ومكيعرف حد من السواقة ؛معادا سعيد هو صاحبو وهو عمر ليه وحد تفريشة ديال الحوايج المهم اول سوق دصاحبنا دريس هو لربع تسوق وجبر وحد بليصة خاوية فطرف وفرش فيها. المهم قيال مفرش وكيسترزق الله مشيت عند سعيد سقصيتو على ادريس عطاني تفاصيل ديالو من الطاق طاق حتا لسلامو عليكم. المهم شديت وحد 2 وريقات خاويين ودرت فيهم وحد جوج جداول زعما جوج دحجابات وخرمزتلو وحد تغرميزة الله يسمح علي وخلطت عليه فلعشية غدي يجمع . السلام عليكم قالي سلام قلتلو انت ادريس بن فلان قالي ايييه قلتلو ارى يدك قالي هك شديتلو فيدو وبديت انبركم وعطيتو وحد لحجاب من دك تخرميزة دخرمزت قلتلو شد هدا شدو بديت انقولو دك المعلومات لي قالي سعيد عليه. السيد داخ بقا غي حال فاه ويقولي التسليم الفقيه التسليم المهم قلتلو انت عييت تجري وتجاري بش دير لباس لكن بحالك بحال تراب الحدورة ديما هواد قالي كاينة وبديت عليه بالخروطي والسكنبح انت مرة مرة كتقلق كنقولو دك شي لي كيوقعنا كاملين قلتلو درت هد بيعة وشرية بش تدير لباس ياك قالي اه . قلتلو شوف اوليدي عندك فهد الحرفة شهر ونص وغتسالي وغدوز عليك شي ايام اصعب ايام من بعد غتفاجا ويسهل عليك الله. ارى الفتوح ونكملك . عطاني وحد حفنة دلمياوات المهم عطيتو دك لحجابات قلتلو دير واحد فالوسادة وواحد بخر به بين المغرب والعشا. ورديتلو الصرف ديالو .قلتلو مكنشد فلوس . باسلي راسي وبغا يبوسلي يدي مبغيتش وشرطت عليه ميعود هذ السر وعاهدني غيبقا سر بيناتنا ومشيت بحالي .
صاحبنا ادريس بقا فدك الحرفة شهر والنص بالضبط وسالا . من بعد بقا جالس وحد المدة حتا لوحد النهار جا عندو وحد السيد وعطاه وحد القهوة بالنص وخدم فيها ومزال خدام ليومنا هذي شي عشر سنين هذي ٠ وجابلو الله التسير وزاد الله في الرزق ومزال فين ميلاقيني ايبوسلي راسي واقولي لهلي يخطيك الفقيه الحبيب هههههه
لكن بيني وبينكم انا والله مدرتلو شي حاجة لا تنفعو ولا تضرو.
جيبتلكم وحد طرفة ديال السواقة التسول وخا قديمة شوية اكثر من عشر سنين.
ادريس دار التجارة وعمر الحوايج دلكتان ودخل معنا للسوق ومكيعرف حد من السواقة ؛معادا سعيد هو صاحبو وهو عمر ليه وحد تفريشة ديال الحوايج المهم اول سوق دصاحبنا دريس هو لربع تسوق وجبر وحد بليصة خاوية فطرف وفرش فيها. المهم قيال مفرش وكيسترزق الله مشيت عند سعيد سقصيتو على ادريس عطاني تفاصيل ديالو من الطاق طاق حتا لسلامو عليكم. المهم شديت وحد 2 وريقات خاويين ودرت فيهم وحد جوج جداول زعما جوج دحجابات وخرمزتلو وحد تغرميزة الله يسمح علي وخلطت عليه فلعشية غدي يجمع . السلام عليكم قالي سلام قلتلو انت ادريس بن فلان قالي ايييه قلتلو ارى يدك قالي هك شديتلو فيدو وبديت انبركم وعطيتو وحد لحجاب من دك تخرميزة دخرمزت قلتلو شد هدا شدو بديت انقولو دك المعلومات لي قالي سعيد عليه. السيد داخ بقا غي حال فاه ويقولي التسليم الفقيه التسليم المهم قلتلو انت عييت تجري وتجاري بش دير لباس لكن بحالك بحال تراب الحدورة ديما هواد قالي كاينة وبديت عليه بالخروطي والسكنبح انت مرة مرة كتقلق كنقولو دك شي لي كيوقعنا كاملين قلتلو درت هد بيعة وشرية بش تدير لباس ياك قالي اه . قلتلو شوف اوليدي عندك فهد الحرفة شهر ونص وغتسالي وغدوز عليك شي ايام اصعب ايام من بعد غتفاجا ويسهل عليك الله. ارى الفتوح ونكملك . عطاني وحد حفنة دلمياوات المهم عطيتو دك لحجابات قلتلو دير واحد فالوسادة وواحد بخر به بين المغرب والعشا. ورديتلو الصرف ديالو .قلتلو مكنشد فلوس . باسلي راسي وبغا يبوسلي يدي مبغيتش وشرطت عليه ميعود هذ السر وعاهدني غيبقا سر بيناتنا ومشيت بحالي .
صاحبنا ادريس بقا فدك الحرفة شهر والنص بالضبط وسالا . من بعد بقا جالس وحد المدة حتا لوحد النهار جا عندو وحد السيد وعطاه وحد القهوة بالنص وخدم فيها ومزال خدام ليومنا هذي شي عشر سنين هذي ٠ وجابلو الله التسير وزاد الله في الرزق ومزال فين ميلاقيني ايبوسلي راسي واقولي لهلي يخطيك الفقيه الحبيب هههههه
لكن بيني وبينكم انا والله مدرتلو شي حاجة لا تنفعو ولا تضرو.
0 commentaires:
Enregistrer un commentaire