طرائف تسولية
(8)
منين خرج
الهاتف ديال اللمسة ''طاكتيل'' شافو عمي محمادين عند واحد السيد فالدوار وهو يقلو
''دابا مناين رجع تيريفو ما أيخدم حتى أدعطيه الصبع، صافي اطفرث''.
العام للي مشى
فيه عمي علي بومعاز (الله يرحمو) للحج، جا عمي محمادين باش يبارك ليه، وقالو: أعلي
خاي مناين كنت أدرجم الشيطان ما عزشاي عليك؟ وهو يجاوبو: هذاك راه غي ولدو أما
الشيطان أنا رجمتو هنا عاد مشيث (يقصد خوه محمادين).
واحد السيد من
دوار القليعة مشى ولدو يخدم فوجدة، المهم غاب شي خمس شهور، ومنين جا فرحت يماه
بزاااف به وفالصباح وجدت الفطور ونزلاتو على واحد الطبيلة على قد الحال وصافي، بقى
الدري أيشوف وقال لباه: دابا دخلت عليكم بالله كاهاذي عيشة عايشينها نتوما؟ الخبز
دالشعير والزيت وأتاي أيزلغ المصارن، الله ينعل جد بوها عيشة، المهم وباه يطلعلو
الدم وهو يقلب داك الطبيلة وقال لولدو: هاحنا قلبنا عيشتنا ورينا أسيدي عيشثك.
على المودة
نلتقي.
توقيع: أحمد لزعر التسولي
0 commentaires:
Enregistrer un commentaire