ذكريات تسولية

السلام عليكم مشي نعاودلكم حالطرفة واقعية طراثلي فالصغر مناين كنا حيابر د8 سنين ضحينا لبقار فالصيف ورديناهم للطل واتفقنا لحيابر دالدوار نهودو للgلتة دالواد دايgرعو منا السواقي باش نعومو . والواد كانو عاملينلو الجماعة عمي لحسن الله يرحمو حطاي ممنوع يدور فيه الواحد. ايوا هودنا للgلتة زولنا حوايجنا ودخلنا للما وبدينا نتخاطرو شكون يبقا غاطس بزاف فالما المهم حنا هيثاك غاطسين جا عمي لحسن ايتختل بين خوخ الما (خوخ الما شجر ينبت في الوديان والمستنقعات) جمعنا لحويجاث وطلع جنب المنجورة وgلس قبالثنا حنا معبينا ماجبنا مزالين فالم، وعمي لحسن خصو يزرب علينا باش يمشي يرgب على جوايه خرين فالواد ميستغلوشي اخرين الغيبة ديالو ويضيعو متاع الناس، حنا خرجنا روسنا مالما انصيبو حد قلابة اللهم صلي عليه رسول الله (فررررطااااح ) وبدينا نشوفو مناين ماجيا ويبانلينا عمي لحسن جامع لحوايج وهاز فيدو قصبة دالفول وايزاور معانا الله يعطيكم( هنم هنم اولاد مام مام غم ) يلا قبطتكوم راني نقيلكم راسكم بين كتافكم ابناين مممممم. وعمي احمد فالجهة لاخرى ايطرطق بالطحك وحنا عالم بنا الله قفارث علينا وطلعنا انرغبوه ونزاوgوه هيثاك بلا حوايج حتى صنادلنا دالميكا عباهم والارض حامية بالحرارة دالصيف انزطمو غي فالعصفر والشوك حنا نقربوا عند عمي لحسن نزاوgو فيه وهو يهد علينا بالقصبة دالفول حسابنا شي معgاف ايوا بقاهيثاك مخرج فينا الدجن ويزاور معانا الله ينعل والديكم ويطحكو هو وعمي احمد وحنا انقولو خلاث علينا عاد رمالنا شراوطنا كل واحد هز gرصونو وحوايجو ومشينا هاربين كيف خلقونا ماواتنا ولبسنا حوايجنا وطلعنا لديورنا في حالة يرثى لها حيث الكارثة هي منين يعلم والدينا باش يبيثو الدجماعة وهو عقاب مثل هاذه الاخطاء، لاغدا تجمعو الاباء ديالنا مع عمي لحسن وعمي احمد دمطالع على الفيلم مللول وشبعو علينا مطحيكاث وقرنابي، المهم كانث عندم سبة علاش يطحكو وفالطناش جا الوالد ايزعف شتو شني ادسالونا مشي نبيثو الدجماعة، انقوولكم مدهودوش للواد ويما وحنا ايزيدو فيه شت هاد لحيابر ايوا الوالد زعف علينا وجرى علينا للبيث لاخور باش يبقالم المجال خاوي يشبعو مطحيكاث فخاطرم على الحالة ديالنا بدون ملابس .المهم حنا كان حالثنا حالة والناس ادفوج ادطير لقنط مور طهرنا.
وعلى المودة نلتقي

توقيع: محمد يسف           

تصنيف : الثقافة التسولية,طرائف تسولية