أهازيج نسائية

السلام عليكم مجمع الكرام والصلاة والسلام على خير الانام.

لاحظت فيكم خوتي التول
عندكم كلام موزون وما خليتولي مانقول
مناين هدرت على الغنايا 
جبرتكم لاقيين السطر حدايا
والكلام الموزون عندكم قراية
خوتي الله يحفظكم من العين
ويخليكم ديما حاضرين
وكلامكم زوين ورزين
ونقولكم الله يحفظنا كاملين .

واليكم هذه الاهازيج النساءية واللي عندو شي حاجة يزيدانا مرحبا :

وفلان ويا خويا (لا داعي لذكر الاسماء ) سنين الذهب عملتم وانا عمري ما شوفتم ودابا يدورو ليام وتجبك الضيافة جيهتي .

-وفلان ويا الغزال وسرك شي كار خفيف ونركبوه لبلاد الريف ونزورو قبر باك اللي قالو شريف.

- والسي( احمد) ويا خيي والى جابتك النية سقسي وسال عليا
داري الطرفية حدا البرية
مجاورة الحنوشة قاطعة الخروج غير مكونا

وهادي اهداء:
الله الله اودي وانت يا السي احمد اخيي كيفك كيف النافع وفاين ما زرعتو ينفع الله يخليلك الوالدة دولدت السبع .

دامت لنا الافراح والمسرات.

توقيع: رقية البورقادي

تصنيف : التراث الشفهي,الثقافة التسولية