السلام عليكم
الفول
مدروز (مربوز).
المقادير:
فول طري بقشرتو.
زيت بلدية.
ملح .ثوم. كامون.
الطريقة :
يغسل
الفول جيدا نخليوه يقطر ثم نقطعوه ونديروه فالكسكاس مع الثوم نغطيوه ونخليوه يفور.
من بعد ما يطيب الفول ناخدو منو القياس اللي بغينا ونحطوه فصحن التقديم ندردرو
عليه الكامون والملح ونزيدو الزيت البلدية حسب الاذواق ونخلطوه مزيان باليد حتى
يولي مرفس كلو وهذا علاش كيتسمى المربوز .
بالصحة والراحة .
الفول
زعلوك.
المقادير:
فول طري بقشرتو. زيت بلدية. ثوم. كامون. ملح .تحميرة. سودانية لمن يحبون الحار.
القزبور والمعدنوس مقطع رقيق .
الطريقة:
نغسلو الفول مزيان ونخليوه يقطر شويا. نقطعوه
ونديروه فالكسكاس.نغطيوه ونخليوه يفور. من بعد ما يطيب ناخدو طنجرة او مقلة
نديرو فيها الزيت البلدية. الثوم مهروس. القسبور والمعدنوس. الكامون. التحميرة. السودانية
وشويا دالما ونخليو العناصر تندمج مع بعضياتها فوق نار متوسطة ثم نضيف الفول ونخلطو
مزيان حتى كيرجع الفول زعلوك. كيتخلط الحب مع القشرة .
بالصحة والراحة .
توقيع : رقية البورقادي
0 commentaires:
Enregistrer un commentaire