تراث التسول

السلام عليكم مجمع الكرام والصلاة والسلام على خير الانام .

هذا حوار بين الصافيا وحمو

حمو : عطيني اخيتي داك الطريفو نهدر مع بابا
الصافيا : ياك اخيي عاد هدرنا معاه ودابا راه عيان من داك الطيحة دالدروج خليه يرتاح.
حمو : الا اخيتي راني الى ما هدرتشاي معاه مناين يجي ماشي يجري عليا من الدار . راها القضية مهمة .
الصافيا : اشمن قضية شوشتني ، ياك لاباس ؟
حمو : ياودي كنت فالحد ومشيت عند داك الدراري دالجمعية (جمعية الآفاق للثقافة والرياضة والبيئة ) وصبتم مشغولين كل واحد وفاش ومناين سقسيت قالولي ماشي يعملو شي ايام ثقافية نهار 11 و12و13فشهر 5 وايسبgو على الوراق والدعم المادي .
الصافيا : اه تفكرتا هادك دهدرو عليها داك النسا فالعين راني عاودتا ليما: صافي جا الوقت باش كلشي ينوض يتحرك . راها هادي القبيلة وخاصنا نضحيو شي شويش .
حمو : وا اييه عطيني الطريفو نعيط لبابا وخا عيان راه ما يبغيشاي دgوزو هاد الوجيبة وحتى هو يساهم علاش قد راه ما ايرضاشاي .
الصافيا : هذا ايسميواه الواجب اخاي وحنا الناس دالقبيلة بنا بزاف ما فيها باس الى ساهمنا وندفعو القبيلة القدام .
حمو : شتي بابا مناين يسمعا ماشي يكري كورسا باش يوصل دغيا هو ايموت على قبيلتو .
الصافيا : هاك اخيي الله يرضي عليك بابا ماشي يقولك الحمد لله ولدي طحا راجل ونقد نعول عليه.
حمو : اخيتي انا كنصيب نرد بلادنا جنة راني غا معنديشاي الجهد داكشي علاش ماشي نعيط على بابا يجي ويهدر مع الناس دايعرف وكل واحيد يساهم باش ما قد .
الصافيا : انا ماشي نعيط على عبد الحق نقولالو .
حمو : يا الحولا راه هو كان مع الناس فاللقاء دتازة وعارف كلشي وهو اللول اللي قالم واخا .
الصافيا : وانا قلت صبت السبة ساعة انت حاطي جنابك هاك هاك هاد المشقوف . اه اه يا ربي دلطف بنا .
حمو : اوا نتمناو التوفيق لهاد الناس انا بعدا الى حتاجوني فالسخرة انا موجود اما الفلوس كلشي عارفيني يلاه بديت فهاد التجارة دالبيض والدجاج ما عنديش مناين وليني القبيلة فيها الناس دلاباس عليهم وكراما وما يبخلوشاي الى كانت شي حاجة للصالح العام .

بالتوفيق لجمعية الافاق للثقافة والرياضة والبيئة وهنيءا لقبيلتنا باول مهرجان تسولي فوق اراضيها . وكما قال الاخ عبد اللطيف البزرازي هلمو هلمو .
باليد فاليد نرتقي ونتقدم .

توقيع: رقية البورقادي.

تصنيف : اخبار التسول