السلام عليكم مجمع الكرام والصلاة والسلام على خير الانام.
سبحان مسبب الاسباب و ميسر الصعاب .شحال من مشكل كان سباب في فتح الابواب .
هاد النهار يا خوثي ماشي نعاودلكم على عبد السلام والسبب اللي خلاه مشى لوجدة.
حالنهار دالشتا خيط من السما دادة حادة gالسة حدا الكانون ادعاين حالخبزة بمانتا دطيب وعبد السلام خالط عليها ايليط
ولاقي شي تقاشر بيويط زعما من هادوك دايوصلو للركبة. قالا: ايما فاين خرجت هاد
الخبزة ديالك ؟
دادة حادة شافتو هايثاك ودفافي على حاسفط مكفس وغرولت عليه به غا ربي ماجاه فوجاه. قالتلو : لاين ماشي ادليط ودعفس؟
خرج من النوالة هارب وايليط فالبريط ورجعولو داك التقاشر بحا العفاس .النص القدامي فيه كيلوميط وفازg ومغيس والنص الثاني فورازو والشتا ادصبصب عليه حتى ولى مصرصط.
هو هايثاك وعمي بوشتى خالط عليه غانس حالشطيطة دميكة باش ما يفزgش. قالو : شني ادلقي يا هاد العرة ؟ دخل.دخل من هاد الشتاوات والبريط.
عبد السلام : ابابا يما جرات عليا وطربتني باسفط.
عمي بوشتى : هي طرباتك باسفط ويانا ماشي نكمل عليك بهاد بوصالح.
زيد قدامي نشوفا .
دخلو وهي دادة حادة دنطلق على عبد السلام بالمخطا : يا العرة دالرجال ،هايثاك ايعملو لداك التقاشر الصافيا مسكينا يداها تشقو بالتصبان دحوايجك وانت ادليط ودنزل . اوا وما قصرتشاي ومخلاتلو مناين يgوط جغمة دالما . عبد السلام فيه حالشوية دالنفس جمع حوايجو وخرج قالا ارض الله واسعة والله معاك لابقيت.
مشا للحد اولاد زباير عند حاد اولاد عمو بايت معاهم واحد منم كان خدام فوجدة .عاودلو عبدالسلام على دادة حادة وما لقات فيه قالو يلاه معايا لوجدة ودبر على خدمة وتهنا من هاد الصداع راك طحيت راجل .
هذا هو سبب المشي دعبد السلام لوجدة.
دامت لنا الابتسامة ودمتم سالمين .
دادة حادة شافتو هايثاك ودفافي على حاسفط مكفس وغرولت عليه به غا ربي ماجاه فوجاه. قالتلو : لاين ماشي ادليط ودعفس؟
خرج من النوالة هارب وايليط فالبريط ورجعولو داك التقاشر بحا العفاس .النص القدامي فيه كيلوميط وفازg ومغيس والنص الثاني فورازو والشتا ادصبصب عليه حتى ولى مصرصط.
هو هايثاك وعمي بوشتى خالط عليه غانس حالشطيطة دميكة باش ما يفزgش. قالو : شني ادلقي يا هاد العرة ؟ دخل.دخل من هاد الشتاوات والبريط.
عبد السلام : ابابا يما جرات عليا وطربتني باسفط.
عمي بوشتى : هي طرباتك باسفط ويانا ماشي نكمل عليك بهاد بوصالح.
زيد قدامي نشوفا .
دخلو وهي دادة حادة دنطلق على عبد السلام بالمخطا : يا العرة دالرجال ،هايثاك ايعملو لداك التقاشر الصافيا مسكينا يداها تشقو بالتصبان دحوايجك وانت ادليط ودنزل . اوا وما قصرتشاي ومخلاتلو مناين يgوط جغمة دالما . عبد السلام فيه حالشوية دالنفس جمع حوايجو وخرج قالا ارض الله واسعة والله معاك لابقيت.
مشا للحد اولاد زباير عند حاد اولاد عمو بايت معاهم واحد منم كان خدام فوجدة .عاودلو عبدالسلام على دادة حادة وما لقات فيه قالو يلاه معايا لوجدة ودبر على خدمة وتهنا من هاد الصداع راك طحيت راجل .
هذا هو سبب المشي دعبد السلام لوجدة.
دامت لنا الابتسامة ودمتم سالمين .
0 commentaires:
Enregistrer un commentaire