طقوس الأفراح عند بني تسول: ليلة الحناء

السلام عليكم يا احباب
حبابي بغيت نشرك معاكم عادة من عادات قبيلتنا وهي ليلة الحناء او طقوس الحناء عند العروسة التسولية.
كتgلس العروسة فالراس دلغرفة وهي مغطيا رأسها بليزار ابيض وكيدورو بها بنات الدوار،وكيجيبو طبق الحنة وراق ومهراز كبير وكيدقوها بلوح اللي كيصفي بيه الفلاح الزرع رمزا للبركة وكتقدم مرا كبيرا حافظة مواويل الحناء ويبداو يدقوا الحنا و يقولو:
باسم الله بدينا و خيار لبدو يانا وخيار لبدو
وسيدنا محمد به نسعدو يانا به ن سعدو
باسم الله بدينا وخيار لكلام يانا وخيار لكلام
وسيدنا محمد عليه السلام يانا عليه السلام
ومن بعد كيغنيو على الحنا هذه بعض الكلمات مما احفظ:
يا. دوق الحنا حنا ورقية ورقية
تصبغا خيتي حمرا عقيقية حمرا عقيقية
يا. دوق الحنا حنا وتاتا حنا وتاتا
تصبغا خيتي بين خوتاتا بين خواتاتا
كيغربلو الحنة ويخلطوها بالحليب وكيحطو فيها البيض تفاؤلا باللون الأبيض رمز للسعادة
كيربطو خيوط من الصوف حول الكعبين اليدين والرجلين.
وكتطلي الحنا وحدة من بنات الدوار، تبقى قليلا ثم تلف في ثوب ابيض.
هذه بعض طقوس الحناء في قبيلتنا

توقيع: أم رحاب.

تصنيف : الثقافة التسولية,العادات والتقاليد