سلطان القبيلة: الحلقة الأخيرة

ايام مشات وايام جات
ناس توفات واخرى تزادت
نطلبو ربي يرحم لي مات
ويجعل البركة لي فالحياة
الام مسكينة ولدات وربات
عاشت المحاين وقصات
الجنة تحت اقدام الامهات
الاب ينعت باحسن الصفات
اجيال تحت ذراعو كبرات

وقع الشليط والنهيط فالقصر ما بين عيالات السلطان، وكل وحدة فالمكايد كتفنن، لا قلب يشفق ولايحن، يا هاذ النسا نعلو الشيطان يكفيها المسكينة ما داز عليها من عذاب ومحان،
السلطان وصلو اخبر العيالات وكل ما تحت راسم من مكيدات وجمعم كاملي وقالم راني عارفكم علاش طاويات ولكن سمعو كلامي وفوذنيكم ديروه حلقات عليا بليمن وباش ايحلفو الرجال ودعملث شي فعلة فداري ما تبات قيلو عليكم العيب وباركا من التشلهيب الدنيا راها ارزاق ونصيب
هاذ الهضرة نزلت عليهم كيف الصاعقة وكل وحدة بقات فالاخرى مبرقا ولايني خلاها مولاها ديرا فالرجال ونساها وديرا فالنسا لا تنساها
الناس لي مكلفين بالتحضير للعرس والاحتفالات سالاو جميع الترتيبات وكيتسناو الاذن من السلطان باش يوقفو الخزانات ويطلقو البراح يعلم الرجال والعيالات .وصل النهار المعلوم والناس من كل القبايل حضرات .ها هي الحفلة بدات والعروسة برزات النور منها ساطع. الحيا والحشمة على وجاها مرسومة، لالة السلطانة براسها فرحانة .ايييه عقلتو على النهار فاش جات للحفلة وشاف فيها السلطان ومشات هربانة. سبحان مبدل الاحوال لي يصبحها فشان ويبيتها فشان.الحكاية يا الحباب هنا وقفات منين سلا العرس والناس تفرقات ،وخا هيثاك ما اكرهتش نزيد شي حلقات ونشوف ونراقب فعايل الشرايكات، ونتبعو حتى العروسة جديد شنو ولدات. كيقولو البكري خاصو يكون عزري الى بغا يتولى الحكام ويرفد العلام.

وعلى المودة نلتقي.

توقيع: عبد الحق كريط

Haut du formulaire

تصنيف : الثقافة التسولية,المنتديات الثقافية