من حكايات جدتي رحمها الله اخترت لكم هذه القصة.
كان يا ما كان حتى كان الحبق والسوسان فحجر النبي العدنان.
كانو يا سيادنا جوج دالخوت : واحد عندو سبعة الذكور ولاخور عندو سبعة دالاناث. وكان مول الولاد حاقر مول البنات فاين ما صابو فشي مجمع ايقولو: نوض امول سبعة دالقرحات خلي مول سبعة دالفرحات يgلس. اينوض مول الطفلات ويخوي المجمع وادبقا فيه الحرقة وايحس بالحgرة. نهار على نهار السيد ضاق به الحال رجع لدارو مقلق وغطبان .قربت منو بنتو عيشة وبغات دخفف عليه ودخليه فرحان .سقساتو علاش ابابا راك زعفان .
قالا: مع خاي مول الصبيان حاقرني فوسط الجماعة وخلاني حيران. شكى على بنتو .سمعتلو وفتات عليه حاد الري مزيان.
قالتلو : هاد المرة مناين يقولك هاد الكلام قولو ارا نعملو شرط حدا ناس الجماعة نصافطو ولدك لكبير مع بنتي الصغيرة يجولو فارض الله ويسولو ودقد براسو وفرح ناسو يكون باه هو مول الفرحات.
الاب عجباتو الفكرة دبنتو تلاقى خاه وحدا الجماعة تبثو . مول الدري سرجلو عود صحيح ولبسو المخير فاللباس وسرحو وكملا بحا السلهام مليح. عيشة مسكينة بردعت حميرتا وعمرت الشواري بالمونة وقالت اوعدي الgريبة دالما كنت نسيتا.
مشاو ولاد العم فالطريق السيد مgردع فوق العود ومبلج وهي نادهة الحميرة داتعوج. مشاو شلا طريق قالا : ابنت عمي عتقني بشربة دالما .
قالتلو: واخا ولكن بشرط خلي سلهامك تما.
كملو الطريق والسيد قتلو بهيوف .
قالا: آبنت عمي شوف من حالي وبشي طريف دالخبز عليا روف.
قالتلو: بشرط نبدلو حمارتي بعودك مول الحروف.
تنازلا على العود وعطاتو الحمارة وكملو الطريق حتى وصلو لحا الموطع فيه جوج طرقان . قالتلو نتفارقو هنا ومن بعد عام نتلاقاو فهاد البلاصة .
وصلت عيشة لحاد الدوار وهي لابسا لباس الرجال وقالت لناسو هي فقيه وسميتو علي وبغا يشارط عندم.
بدا السي الفقيه العمل وكان عندو حالمحاضري ايفهما وهي طايرا .مشا عند يماه قالا: ايما العيناين دالفقيه ديانا بحا دالمرا. زعفت عليه ومشى بحالو .مشات ايام وجات ايام وولى المحضري عند يماه قالا: آيما المشية دالفقيه ديانا بحا المشية دالمرا . عاود زعفت عليه. مشى وبقى حاطي الفقيه شافو وهو ايغزل وايطيب وايشطب ويخيط حوايجو و...
مشى عند يماه قالا :آيما والله الى الفقيه ديانا الى مرا . قالتلو : اوا سير عملو شي حيلة وعبيه للواد يعوم .
مشى المحاضري وبقى نهار على نهار ايزين للفقيه العومان فالواد . قررت عيشة دمشي ضرب شي غطسة فالواد بالتخبيعية . المحاضري كان حاطيها خبعلا السلهام وهي شافتو عرفاتو عرفا قالتلو : غخليلي سلهامي ونعاودلك كلشي.
قالا: السي علي ويغزل ؟
قالتلو : والى قلة حيلتو واش يعمل ؟
الدري مطور بزاف سمعلا للقصة ديالا وعاونا حتى كملات مرادا ورجعت لدوارا حاملة ومحملا اش منك يا gمح واشمنك يا شعير .رجعت بالخير الكثير . فرح بها باباها وبقا عما بالفقصة دالعرة دعطاه الله غا يلطم فحناكو ويندب ومراتو عملت gنازة علاش ولدا جابلا الدل. الدري مشى فوق حالحجرة وgلس وهو كان لابس حالبونية خلطو عليه الدراري دالجيران قالولو :مال يماك وباباك ايبكيو .
قالم: عليا.
قالولو : علاش ؟
قالم: خرجتلم بوفيا.
قالولو : اوا حتى حنا نزولولك هاد البونية . ودارو عليه شرشموه.
قالا: مع خاي مول الصبيان حاقرني فوسط الجماعة وخلاني حيران. شكى على بنتو .سمعتلو وفتات عليه حاد الري مزيان.
قالتلو : هاد المرة مناين يقولك هاد الكلام قولو ارا نعملو شرط حدا ناس الجماعة نصافطو ولدك لكبير مع بنتي الصغيرة يجولو فارض الله ويسولو ودقد براسو وفرح ناسو يكون باه هو مول الفرحات.
الاب عجباتو الفكرة دبنتو تلاقى خاه وحدا الجماعة تبثو . مول الدري سرجلو عود صحيح ولبسو المخير فاللباس وسرحو وكملا بحا السلهام مليح. عيشة مسكينة بردعت حميرتا وعمرت الشواري بالمونة وقالت اوعدي الgريبة دالما كنت نسيتا.
مشاو ولاد العم فالطريق السيد مgردع فوق العود ومبلج وهي نادهة الحميرة داتعوج. مشاو شلا طريق قالا : ابنت عمي عتقني بشربة دالما .
قالتلو: واخا ولكن بشرط خلي سلهامك تما.
كملو الطريق والسيد قتلو بهيوف .
قالا: آبنت عمي شوف من حالي وبشي طريف دالخبز عليا روف.
قالتلو: بشرط نبدلو حمارتي بعودك مول الحروف.
تنازلا على العود وعطاتو الحمارة وكملو الطريق حتى وصلو لحا الموطع فيه جوج طرقان . قالتلو نتفارقو هنا ومن بعد عام نتلاقاو فهاد البلاصة .
وصلت عيشة لحاد الدوار وهي لابسا لباس الرجال وقالت لناسو هي فقيه وسميتو علي وبغا يشارط عندم.
بدا السي الفقيه العمل وكان عندو حالمحاضري ايفهما وهي طايرا .مشا عند يماه قالا: ايما العيناين دالفقيه ديانا بحا دالمرا. زعفت عليه ومشى بحالو .مشات ايام وجات ايام وولى المحضري عند يماه قالا: آيما المشية دالفقيه ديانا بحا المشية دالمرا . عاود زعفت عليه. مشى وبقى حاطي الفقيه شافو وهو ايغزل وايطيب وايشطب ويخيط حوايجو و...
مشى عند يماه قالا :آيما والله الى الفقيه ديانا الى مرا . قالتلو : اوا سير عملو شي حيلة وعبيه للواد يعوم .
مشى المحاضري وبقى نهار على نهار ايزين للفقيه العومان فالواد . قررت عيشة دمشي ضرب شي غطسة فالواد بالتخبيعية . المحاضري كان حاطيها خبعلا السلهام وهي شافتو عرفاتو عرفا قالتلو : غخليلي سلهامي ونعاودلك كلشي.
قالا: السي علي ويغزل ؟
قالتلو : والى قلة حيلتو واش يعمل ؟
الدري مطور بزاف سمعلا للقصة ديالا وعاونا حتى كملات مرادا ورجعت لدوارا حاملة ومحملا اش منك يا gمح واشمنك يا شعير .رجعت بالخير الكثير . فرح بها باباها وبقا عما بالفقصة دالعرة دعطاه الله غا يلطم فحناكو ويندب ومراتو عملت gنازة علاش ولدا جابلا الدل. الدري مشى فوق حالحجرة وgلس وهو كان لابس حالبونية خلطو عليه الدراري دالجيران قالولو :مال يماك وباباك ايبكيو .
قالم: عليا.
قالولو : علاش ؟
قالم: خرجتلم بوفيا.
قالولو : اوا حتى حنا نزولولك هاد البونية . ودارو عليه شرشموه.
السؤال هو : شنو هي البونية ؟
لهلا يعطينا فضنايتنا ما يخلعنا.
دمتم سالمين.
دمتم سالمين.
توقيع: رقية البورقادي
0 commentaires:
Enregistrer un commentaire