طرائف عمي بوشتى

عمي بوشتى مع ولادو مجمعين فالدكانة مع لعشية ومتهاودين ناشطين مع لفرحة د لعيد .عمي بوشتى : بغيت نسقسيكم سمعت شي هدرة قالك ماشي يردو المشي للعسكر بالسيف
حمو : الا ابا باسميتو التجنيد الإجباري
دادة حادة : اوا انا بعدا مصاب عليا يعبيوك عليا . اللهم يقولو عسكري ولا خاطي شغلو .
حمو : الحبيبة بحرا يعطيوهالي للبزوط وانتينة دعبي الفلوس .
طحك عمي بوشتى .تطحك. 
عمي بوشتى : شني هي دماشي يعطيوك للبزوط ؟
دادة حادة : راني فهمتو . هدر على الخفيف .زعما ماشي يعطيوه بشي خفيفة ويجيبوه كاو .
عمي بوشتى : وشني هي هاد الككلمة دي قلت كاو ؟
دادة حادة ( ادور فراسا): عارفاك اتهكم عليا هاد الكلمة قالتالي نوال بنت اختي مناين كنا فاس وبقيت عاقلا عليها . زعما فضاوها لو . او سلاو معاه .
عمي بوشتى ( ناشط ) : اوا مناين ماشي يساليو معاه زعما ماشي يموث ياك .
دادة حادة : بعيد الشر على ولدي .اسيدي مناقص من هاد العسكر غي خليلي ولدي حدايا
عمي بوشتى : غا خليه كما نتهناو منو ونربحو موراه شي دار فالمدينة .
دادة حادة : شوف ابوشتى اناعندي ولدي احسن من الدار فالمدينة .
عمي بوشتى : يا ودي حمو باقي ما لقاشي حتى لكارط وانتينة ادقولي العسكر .ماشي يعبيو عبدالسلام الحولا.
دادة حادة ( خبطت فراسا ) : اميمتي الحبيبة يانا باغيا نجوجو وهو ايقولك يعبيوه لي للعسكر
.عمي بوشتى( اينكور بالطحك) : يا الحولا حنا ماشي نخطبولو دابا ونلقيولو العرس مناين يرجع ولد لزعر من الحج ومعندم ما ينيطو منو راني انجنن فيك واها
.وعلى المودة نلتقي واقيلا نتلاقاو على شي صينية داتاي وشي قطبان د شوا مع العيد هدا
.......................................................................
احدات واقعية في بداية الثمانينات

توقيع: محمد البورقادي
-

تصنيف : الثقافة التسولية,طرائف عمي بوشتة