نبردع البغل ونمشي نراري
فالسوق نهز الصوالح قداري
شحال هادي كنت فالمدينة انgوز مساري
معمر خيرات الله فالشواري
معمر خيرات الله فالشواري
نيع الجمار دحفرت بطفاري
الفلفل والقرع ومطيشة كواري سعا مخلاوناش صحاب القساري
قالك فالمدينة كاين مارشي ماش البغل والشواري
وقالو حوتة وحدة كتخنز الشواري
وقالو حوتة وحدة كتخنز الشواري
انا فيا النفخة قلتلم بلا ما نلعبو لعب الدراري
انت نظف دارك وانا داري
انت نظف دارك وانا داري
ونخليو سمعتنا فالعالالي بحال السواري
بالكلمة الطيبة واحترامك يا جاري
بالكلمة الطيبة واحترامك يا جاري
وخليوني نسقسيكم شكون لعب لعبة البردع والشواري .
لعبة البردع والشواري
كنلعبوها 3 بنا واحد ايلقي البغل والجوج لخرين الشواري
وانبداو نقولو :
ارا ارا ياحماري حتى للدار دخوالي
ارا ارا ياحماري حتى للدار دخوالي
نعطيك الزيت والخميرة باش داوي الدبيرة .
توقيع: محمد البورقادي
0 commentaires:
Enregistrer un commentaire