عمي امحمد والساعة الجديدة

امحمد مناين عرف بوشتى ربح تلفازة شدوه لهوايش .عايشة بلا ما نقلكوم .
عيشة : شوف سيدك كيف قافز فاين ما مشا ايلقطا ربح ترفازة وجابا فناس كاملة مشي يبقا يتفرج فالاخبار بالصوت والصورة ونتي مشي دبقا ديما ملصق ها راديو على ودنك.
امحمد: شني مشي نلقي بهاد الصورة غي هاد راديو ديالي تباارك الله ايجيب لخبار فاين ما كانت من سوريا وماركان وفاين ما كانت. وسمعت شني قالوا على جرادة اهمكوهة عديان ربي مخلاوشي فيها سمعت قلك ايgوزو على بنادم بسكافيط .
عيشة : اسيدي حتا اانا بغبت ترفازة ونشوفو بعينانة 
امحمد ما داهاشاي فيها شعل راديو وحطوو حداه .
عيشة: انا مشي نهود عند الصافية نشوف ها ترفازة كي لاقية ونتفرج شواي نتي حتا يجي بوشتى من فاس وارا ما دهود .
عيشة هودت عند الصافية وامحمد بقا فدار ايتصنت بالوو غي مع طقس وشتا والبرد .وهو يسمع :
السلام عليكم ورحمة الله وبركاتة البداية مع موجة البرد القارسة التي تشهدها بلادنا في الايام الاخيرة ...
(امحمد مال ها لعباد مقلوبين اش جابةالموجة للبرد ) ربما قد احسست بها فقد صرحت مديرية الارصاد الجوية الوطنية ان مجموعة من المناطق ستعرف انخفاضا شديد في درجة الحراة قد تصل الى ناقص 5 درجات تحت الصفر بكل من رباط سلا طنجة سيدي قاسم مكناس صفرو تازة و وجدة وقد...(هيتاك زعما حنا عدنا شهر خمسة من تازة لوجدة فاااين خليث ولاد زباير لقراية تاخر زمان.) شوية وهو يسمع :من جهة اخرى فقد اعلنت وزارة الوظيفة العمومية وتحديث الادارة أنه ستتم اضافة ستين دقيقة الى التوقيت الرسمي للمملكة عند حلول الساعة الثانية صباحا من يوم الاحد 25 مارس 2018 .امحمد غي سمع زادو ساعة فافة على ساعة داك سع باش ما ينساش كانت 11 رجعا طناش .
امحمد :هااا ساعة زدناها زيدو يلا بقالكم ما دزيدو بقاتلكم غا ساعة دزيدو فيها .
امحمد طفا راديو وتكا .الصافية سمعت دقان فلباب.
الصافية: اشكون .شكون ايدق.
عيشة :هادي عيشة الصافية خصكم شي ضياف.
الصافية:مرحبا بخالتي عيشة دخل دخل دgلس انا نوجد ماناكلو.
عيشة :مدلقي حتا حاجة غي اجي دgلس والله يا معندا مناين دهود عاد كلينا جيت غي نتفرج شواي واها وبالصحة ترفازة بعدا 
الصافية :الله يعطيك الصحة يالله نطلعو رها فالغرفة
طلعواللغرفة شعلت الصافية تلفازة قلبت للمغرب وردت دوزيم ودرجع دقلب للمغرب ودرد دوزيم....
عيشة : انشوف لعباد قلالين (زعما غي جوج اداعات)
الصافية : راه عاملين غي الفراشة انشدو غي المغرب والدوزيم عاد انقلوو باش نوصيو عبد السلام يجيبنا شي نميريك من وجدة.
عيشة : كي لاقي هاد نيريك عاوث ايوة مناين دشريواه عطيونا هاد ترفازة نقضيو بيها .
الصافية : هههههه وراها بيه انخدموا تلفازة اخالتي عيشة ايتركب فيها.
عيشة حمارت وتقرصت :اه ايوا خيار .شوف شوف داك ناس مساكن شني ايكلو ددق اربي مساااكن ومعاهم حتا نسا هادو هما داك سوريان دي ايشد عمك امحمد فراديو
الصافية : اهادو موشاي سوريا اخالتي عيشة غي فجرادة .
عيشة: والله ما دقول يا سوريا ولاش ايغردوهم مساكن.
شويش وهما يسمعو فالاخبار اضافة ساعة للتوقيت الاصلي .
الصافية : سمعت اخالتي عيشة خصك دزيد ساعة راهم ردو داك ساعة جديدة .
عيشة هاداك ما سمعت غي طلعت للدار مشات نيشان قبطت الساعة وبقات ادلوي فداك الموريات زادت جوج سواي راكم عارفين الامية .
غي جا مصطفى من الحانوت تاهو ساق لخبر ومدوخ بنعاس وشقوفة ديريكت زاد ساعة ونص هي دابا قول ربعا دسوايع ونص دزادو رجع عندم التوقيت داروبا .مع امحمد معمر ساعة مع ل5 باش يصلي لفجر صدقت مصونيا مع لوحدة ناض باش يصلي ومصطفى مزال فايق جبر باه ايتوضا 
امحمد:كيف جرا راك مبكر ياك لابس ودن لفجر او مزال 
مصطفى :كا ضربك حمار الليل ابوا هاديةراها عادولوحدة دليل.ولادنساشي راني زيدت ساعة عندك دصلي على الساعة جديدة حيت راني زيدتا(وهو زايد ساعة ونص غي ضايخ) .امحمد: وتا يانا زيدتا واااء .عيشة ضرباتا لفيقة وسمعت بحس ساعة .
عيشة : اااااه (اتفوااه) امالكم راكم دمشي دزيدو ساعة راني زيدتا سمعتم قالوها فترفازة دبوشتى
مصطفى : بقا بالمطحكات .سير ابوا دكمل نعاسك سير وغم عليه.
امحمد بقا يشوف يشوف ويفافي على داك الساعة ويلطسا مع الحيط ويقولا يا شخشخ :ايوة ارا ما دزيدو فسوايع ابوويااا لحبيب قلك زادو سااعة طحااو ايفهمو عليا هنايا دقول عندي الشركة والموظفين اتفوووو ...
وتستمر الحياة.

توقيع: أحمد الدعينن.

تصنيف : الثقافة التسولية,طرائف تسولية