لغز وإفادة

بسم الله والصلاة على الحبيب بها يحلا الكلام والنقاش وتحية اخلاص وتقدير لكل واحد بسميتو فالكناش ناس زمان قالو لي مشا بلا عراضة يبات بلا فراش وخوكم ملي كان صغير كان مبلي وعقلو طايش كنت غير نسمع بالعرس وفين مكان نمشي نجري ومنبطاش مكان لايقهرني لابرد لاظلام ولاطريق غير تالاع ومكنعياش الصغر والصحة والراس خاوي وديك ليام متنساش ومنخرج حتى نتعشا مزيان باش فالطريق منترخاش واحد النهار كنت غادي العرس بعيد وكان العشا باقي مطابش وقلت نتعاشا فالعرس بلاك يكون مولاه كريم ماشي قمشاش سعا المصيدة لي نصبت خرجت عوجا وفالصو ومصدقاتش الناس المعروضين لقيتهم تعشاو وانا من زهري بقيت بلاش تعسعس الليل وبدات السمرة اطيح والناس مغطية بالفراش وانا كنقفقف بالبرد وكلشي حاط عليا ويلي الفضيحة قداش حتى عيناي بقاو ايدمعو من قوة البرد وكثرة الترماش عييت نصبر وقهرني الصقيع وهو يبانلي واحد الباش تماطيثو ولويثو عليا باش ندفا ساعة صبثو فازك وعامر تنغدا وفيا مخلاش من تمة حلفت منمشي لشي عرس ملي وقعلي هاد الفلاش

اوا سيادنا سليتو المنشور دابا ماشي نزيد ليكم واحد اللغز صغيوتيتو و اللغز كيقول حاجيتكم على
الدوار سميتو الرجال لي فيه كيزغرتو والنسا ديالهم يقيلو يهدرو وما يسكثوا
وعلى المودة نتشاوفو ههه

توقيع: نبيل يسف

تصنيف : الثقافة التسولية,المنتديات الثقافية