دادة حادة دخلث للسطيحة جبرث عمي بوشتى ايطحك غي بوحدو
حادة: امالك اهاذ الراجل كا احوالت
بوشتى : اودي شني ماشي نقولك تفكرت حاد اللقيا كنت عملتا وانا صغير وراني انطحك
حادة :شني لقيث المدعوي عاودلي نسمع كما حتى يانا نطحك حا الشواي هاذي شحال ما بانو سناني
بوشتى: حاد العام جاو عندنا شي عائلة من المدينة وجابو معاهم شي حيابر ايطيرو من المقلة ودقول واش ايكلسو او ايرساو خليث حتى طلام الحال وعبيثم ليهن من الدار لداك الكعدة كاث غي الشوك وبعدت منم حا الشواي وبديث انطرب بالحجر ونقول الشفارة الشفارة هربو هربو كاو يدرمو فداك الشوك وهما لابسين شي سنيدلات دغيا طارولم من رجلاهم وبداو ايدرسو بالحفا ما بقاشاي فيهم لغد ليه ما عاينوش الحال يصبح ومشاو بحالم..اودي كانو ايطيحو عليا الفعايل دي ما يطيحوش على الشيطان العقل دالصغر يا لاطيف
حادة: لاواه ابوشتى واخا هيثاك كنت زعيم وادنجم راسك فاي ما مشيث
نعقل ابوشتى كنا فحاد العرس ومنين سلاو الناس الكبارين من التبوريدة نزلو على الخيل وركبو الولاد باش يفردو وباك الله يرحمو كانو عندو غير الطفلاث كبارين ويعيط عليك بوحد العيطة بجهد بوووشتىىىىى اجي اولدي دركب والناس كانو جالسين فالخزانة قالو لباباك نهاك الله راك ماشي دقضيها فالحيبور مزال صغير شني ادعمل شني وهو قالم اودي اجماعة هذا ولدي وعارفو علاش قاد .باك زول الرزة من فوق راسو ولواهالك على راسك والناس انشلخ عليك بالطح
بوشتى: وعلاش كانو ايطحكو
حادة: حيت باك كانث عندو الرزة طويلة بزاف ونتينا كاث عندك حاد الرويسة صغيروة منين لوالك الرزة بقاو ايبانو غي عيناك
بوشتى : زيد زيد كمل
حادة: هي هاذيك اسيدي ركبك فوق العود وعمر لك الفردي بالبارود وما عاتشني قالك فوذك ومشيت لحقت على الدراري لراس الملعب
بوشتى : وشكون نده بينا ( المقدم)
حادة:اويلي لا كل واحد طلع بوحديثو
راني عاقلا ابوشتى هذا عياد كبيبر شويش كان بدا يحسن الموسطاش هو دي كان جا فاللول زاد للوسط دالملعب وطاحلو الفردي منين وصل لعندنا لخزانة قالو باه طك يامالي وطك على العزري علامن معول. انا هو الحيبور دعاطي العود ديالي للحيبور ومن بعد تبعو شي واحد ما بقيتش عاقلا عليه عونيث وصل حتى لعند الناس وليني ما قرصشاي..ودقول واش شي وحيحد طلع مسكد او قرص شي قريصة
منين وصلث نوبتك وهو باباين عياد قال لباك وااالحاج حمو نوض لاقي العود ديالك ولدك محال يوصل لا هو لا الفردي دابا يطيرو الريح من فوق العود وبداو ايطحكو عليه وهو مربع فالباب دالخزانة
كاو نتينا ابوشتى قلت الحاااااااااااافظ الله واااااااااا المكاحل وكلشي سكث وقطع الحس الرجال والدراري والنسا كانو برا كلشي ايتفرج ونتينا ماجي اتهابج يالاه يالاه يالاه حتى للباب دالخزانة ودعملا بووووووووم وبداو بالزغاريت والتصفاق وباك طار من بلاصتو جا واقف ونزلك من فوق العود وحبلك راسك ما بين عيناك وقالك سير اوليدي انا مفرشلك ومغطيك بالرضى .ومن داك النهار ابوشتى فاين ما كنت انشوفك بحال دي ايشوف شي امير
هاو عمي بوشتى تنفخ ورجعو فيه جوج وطرب يدو لجيب واجبد الباكية دالكازا وقالا كايانا ساهل ليلم التبوريدة دجدي وبا نوض نوض قطر داك البريق جيبلي شي دكة دالكهوة
بوشتى : اودي شني ماشي نقولك تفكرت حاد اللقيا كنت عملتا وانا صغير وراني انطحك
حادة :شني لقيث المدعوي عاودلي نسمع كما حتى يانا نطحك حا الشواي هاذي شحال ما بانو سناني
بوشتى: حاد العام جاو عندنا شي عائلة من المدينة وجابو معاهم شي حيابر ايطيرو من المقلة ودقول واش ايكلسو او ايرساو خليث حتى طلام الحال وعبيثم ليهن من الدار لداك الكعدة كاث غي الشوك وبعدت منم حا الشواي وبديث انطرب بالحجر ونقول الشفارة الشفارة هربو هربو كاو يدرمو فداك الشوك وهما لابسين شي سنيدلات دغيا طارولم من رجلاهم وبداو ايدرسو بالحفا ما بقاشاي فيهم لغد ليه ما عاينوش الحال يصبح ومشاو بحالم..اودي كانو ايطيحو عليا الفعايل دي ما يطيحوش على الشيطان العقل دالصغر يا لاطيف
حادة: لاواه ابوشتى واخا هيثاك كنت زعيم وادنجم راسك فاي ما مشيث
نعقل ابوشتى كنا فحاد العرس ومنين سلاو الناس الكبارين من التبوريدة نزلو على الخيل وركبو الولاد باش يفردو وباك الله يرحمو كانو عندو غير الطفلاث كبارين ويعيط عليك بوحد العيطة بجهد بوووشتىىىىى اجي اولدي دركب والناس كانو جالسين فالخزانة قالو لباباك نهاك الله راك ماشي دقضيها فالحيبور مزال صغير شني ادعمل شني وهو قالم اودي اجماعة هذا ولدي وعارفو علاش قاد .باك زول الرزة من فوق راسو ولواهالك على راسك والناس انشلخ عليك بالطح
بوشتى: وعلاش كانو ايطحكو
حادة: حيت باك كانث عندو الرزة طويلة بزاف ونتينا كاث عندك حاد الرويسة صغيروة منين لوالك الرزة بقاو ايبانو غي عيناك
بوشتى : زيد زيد كمل
حادة: هي هاذيك اسيدي ركبك فوق العود وعمر لك الفردي بالبارود وما عاتشني قالك فوذك ومشيت لحقت على الدراري لراس الملعب
بوشتى : وشكون نده بينا ( المقدم)
حادة:اويلي لا كل واحد طلع بوحديثو
راني عاقلا ابوشتى هذا عياد كبيبر شويش كان بدا يحسن الموسطاش هو دي كان جا فاللول زاد للوسط دالملعب وطاحلو الفردي منين وصل لعندنا لخزانة قالو باه طك يامالي وطك على العزري علامن معول. انا هو الحيبور دعاطي العود ديالي للحيبور ومن بعد تبعو شي واحد ما بقيتش عاقلا عليه عونيث وصل حتى لعند الناس وليني ما قرصشاي..ودقول واش شي وحيحد طلع مسكد او قرص شي قريصة
منين وصلث نوبتك وهو باباين عياد قال لباك وااالحاج حمو نوض لاقي العود ديالك ولدك محال يوصل لا هو لا الفردي دابا يطيرو الريح من فوق العود وبداو ايطحكو عليه وهو مربع فالباب دالخزانة
كاو نتينا ابوشتى قلت الحاااااااااااافظ الله واااااااااا المكاحل وكلشي سكث وقطع الحس الرجال والدراري والنسا كانو برا كلشي ايتفرج ونتينا ماجي اتهابج يالاه يالاه يالاه حتى للباب دالخزانة ودعملا بووووووووم وبداو بالزغاريت والتصفاق وباك طار من بلاصتو جا واقف ونزلك من فوق العود وحبلك راسك ما بين عيناك وقالك سير اوليدي انا مفرشلك ومغطيك بالرضى .ومن داك النهار ابوشتى فاين ما كنت انشوفك بحال دي ايشوف شي امير
هاو عمي بوشتى تنفخ ورجعو فيه جوج وطرب يدو لجيب واجبد الباكية دالكازا وقالا كايانا ساهل ليلم التبوريدة دجدي وبا نوض نوض قطر داك البريق جيبلي شي دكة دالكهوة
هذا جزء فقط من طفولة عمي بوشتى وسيتفضل باقي الاخوة بصياغة اجزاء اخرى وطرائف اخرى وسيتكلف بالحلقة الثالثة الصديق زياد أنوار وهو بدوره سيحدد من سيتكلف بالحلقة الرابعة.
توقيع: عبد الحق كريط
0 commentaires:
Enregistrer un commentaire