السلام عليكم يا أهل الكرم والجوذ ومالين
الخير والقلب المحمود وهاذ الخصال الجميلة
ورثناها من عند الجذوذ وبيها ولات التول
رافعة راسها بين القبايل وصيتها فات الحدود
وبقات مستمرة عند الأجيال وما انقرضت من
الوجود فارحمهم برحمتك ونور قبورهم يا
الله المعبود واجعل البركة في الباقي فهاذ
العواشر لا فاقذ ولا مفقوذ .
وهاذي واحد الحجاية جبتها ليكم معايا
حشومة نخليكوم بلاش وبغيتكوم تفكروا
بيها تراثكم العريق والممدود ولي تقريبا
ولا مفقوذ .
حاجيتكوم على لي كرشو عود وظهروا
عود وجنابو جلود ومنقارو فجهنم ممدود .
يالاه على بركة الله ولي عرف الأول الجواب
نعطيه من الحمص والفول مود مبقاش
السفنج دابا ماشي نقليو الحمص والفول .
يالاه القشاقشية فينكوم بانو هنايا .
توقيع: عبد المالك الرياني
توقيع: عبد المالك الرياني
0 commentaires:
Enregistrer un commentaire