صراع القديم وجديد

جديد ليلو جدة والبالي لا تفرط فيه
اخواني اخواتي السلام عليكم ورحمة الله وبراكاته من خلال هذا المثال سوف نتطرق الى المفارقة الحاصلة بين القديم والجديد في سلسلة من الحلقات في قالب كوميدي يطبعه نوع من السخرية
هذا انا القديم: اعرفتوني ولا نعقلكم ويلا ما تيقتونيش سقصيو جدودكم يحكيو ليكم ايييييه كنتفكر حالي كتجيني البكية ما اعرفتش علاش الزمان تغير دغيا وما بقيتوش راضين بيا كلشي كان بالنية والحاجة مقضية .نسيتو النعالة والعفاس والبالة والفاس نستو لامبة والقنديل والمنجل وبوفنشيل والبطانية والحصير وبوصيار والبندير الى جيت نحسب ما نساليشاي ومن الهضرة ما نعياشاي الحاصول وما فيه البركة كانت حاضرة والشكارة عامرة والامور ميسرة
هانا جيت ..انا اجديد: جيت وجبت ولي جابو وقتو ما يتلام هز الراس وزيد للقدام سككتو علينا داك القديم وقولولو باراك من الهتوف راه امرك ولا مكشوف. كنا وكنتو وصرنا وصرتو مرحبا بالحباب ومرحبا بلي جا وجاب وانا جيت وجبت ولي عليكم صعابت عليا خفافت معاكم نقيل ونبات ،سهلت عليكم الحياة .نقصت ليكم من تمارة وبدلت الحمارة بالطيارة والبرية بتلفون واجبن بدانون
الحاصول وما فيه القضية حامطة ما بين القديم واجديد وكلها يلغي بلغاه

توقيع: عبد الحق كريط

تصنيف : الثقافة التسولية,المنتديات الثقافية