دخل حمو للدار أيلهث بالسبg
ولتخ
الباب موراه.
حمو: با أبا راه رمضان دخل رمضان دخل.
عمي
بوشتى: لاين دخل الله يدخل عليك الزلط كتر ما راه فيك.
حمو: حد صاحبي فوزارة الأوقات قالي بلي
غدا رمضان.
الصافية: هذيك راها وزارة الأوقاف ماشي
الأوقات آآآآحgة.
(بضم الحاء).
حمو: بحال بحال ياك هوما دي أيقولو الوقت
دالصيام ودالفطور.
حادة: إيوا عواشركم مبروكة أوليداتي
وعواشرك مبروكة أبوشتى.
عمي بوشتى: الله يبارك فيك أموكة ديالي
ويخليك ديما منورة هذ الدار.
حادة: كاين شي موكة قدك أبو فراقش، ها
رمضان جا، يا الله قطع علي داك المصيبة دالدخان ونوض دصلي ودسغفر ربك راك مغرقا
معه ومع العباد.
عمي بوشتى: الله يغرق لك الروايض، باش
مغرقا؟ مالي كا أنقطع الطريق؟ كا أنغرد عباد الله بالحجر؟
حادة: دي أدلقي راك عارفو، المهم نوض ذبح
لنا حد العتوgة
نتسحرو بها، ونتي ألصافية خرج للعرصة لقط لنا حد الشويش دالخرشف باش نخضروها.
الصافية: والله وما عطيثوني فيها ستميا
دريال الموس فعنقا لا جا.
حمو: لاواه نعطيواك فيها ألفاين ريال ماشي
ستميا، لياه أمو فراكح أدوكل الدجاج ديالك مالشعير دالدار ومالنخالة دالدار ودزيد
دبيعم لنا. زعما مطورة مع راسك.
نخليوهم يتفاهمو على الثمن ونرجعو عندكم
غدا بحول الله.
وعلى المودة نلتقي.
طبتم وطابت أوقاتكم بكل خير.
طبتم وطابت أوقاتكم بكل خير.
ورمضان كريم.
توقيع: أحمد لزعر التسولي.
0 commentaires:
Enregistrer un commentaire