يوميات طاطة حدهوم 06

السلام عليكم
يوم من يوميات طاطا حدهوم
طاطا حدهوم عملات الركة فاجنبها و هزت لمغزلة منبعد ما عملاتلا الثقالة و مشات كدور بين الزيتون و كتهضر معا راسا
-هذي والدة هذي ماوالداش هذي تامرا هذي متمراش
و بانتليها وحد مسلالا منفوخة حطت الركة و بدات كتسرم و تلقي فشرgoنا وهي مزالا كتهضر معا راسا
-وكيف غيكون فيك يا حدهوم
الراجل مgط فالحالة معدوم
و الزيتون وجد و خصو تنفاط
و الحرث قرب و الزوج خصا الفلاح
وانا و حدي لا حنين ولا رحيم غير سيدي ربي الجواد
قدور اعمرت داري
غيموت و يخليني كنراري
و كيف غنعمل مع هذ القغة ددراري
اخديجة فالمدينة كتقرا
و عيناها للحجة مشنقا
قدور المرط هلكو وما قدر يعتقا
كنطلب من الله يعاونا و يوفقا
باش تكمل لقرايا و لمانضة تشدا
و خا لنساتني و انسات اخواثاثا
تمتع بعد غير راسا
ولايني انا عارفة بنتي مرضية
ماتعمل غير لمزية.
اشتا بدات كطيح و ردت لحدهوم عقلا
حدهوم شدتا بسبga للدار و عينا بالدمعة مغرغرا
عملت السلوم وطلعت على الطهر دلبيت أدق حمرية برزامة
عيشة بنتا لغثلا وقلثلا ايما
را ختلثي احليمة قلتلك جيب حشواي ديال تنغدا
واجي تبلطلا السقف ددموس غدا
و تلطملا لحيط دلبيت من برا
فنظركم واش طاطا حدهوم غدي تمشي عند احليمة او لا.

توقيع: مليكة الأطرش

تصنيف : المنتديات الثقافية,طرائف تسولية