يوميات طاطة حدهوم 04

السلام عليكم كيف حالكم كينشي انفيط دزيتون كينشي اروا للحرث.طاطا حدهوم كتبلغلكوم سلام وكتعودلوم شني ادلقي فنهارها.
منبعد ما فرقت الشغول دخلت للبيت لفوقاني و جبدت ماسرير زوج اخناشي دالصوف لقات لرقية وحدة على طهرا و ارفدت هي وحدة و مشاو للواد غا وصلو بدات كتقسم الصوف بالخبطات و رقية كتفزg طاطا حدهوم انسات الرزامة و انسات موصاتشاي علي الطعام ايوا بدات كتلاغي آآآ عيشة هاو آااا عيشة هاو
عيشة ااايودي نعاااام
طاطا حدهوم وياودي قل لحناك دفتل الطعام هو اللول و جيبلي الرزامة دبا دبا دبا
النسا دتوازا بداو كيجيو ايوا اراك للخدمة شي ايطفل و شي ايشلل و شي اينشر
انرجعو لدار و انشوفو لي ابقاو فيها شني ايلقيو
الحاجة بدات كتفتل الطعام واخديجة اسادتي اعجنت بالخميرة وانصبت لفروخا دلقنية على الكانون و اعجنت حدgصعة دخرينgo و قلبت عليها المدونة و مشات للنوالة و اجبدت الفراح دوانيط لي كان معلق على زوج وتار و هرست فيه بيضة لقات لصفر ديلا فحد اشقف و بدات ادحك الفراح بالقشرة و لبيض دلبيضة حك ياما تحك
مسحت الفراح بحد اشطيطة ولقاتو على المناصب و دورت بيه لوgiد و لفيتور و اشعلت العافية و خلاتو ايسخن دخلت جبرت العجين اخمر طلعت 10 دكرونات وخرجت gصعة دخرينgo وبدات كتغطص لفتيلة فلصفر دلبيضة و تمسح الطاجين وتخوي بلغراف ايوا ما شيهيتكوم اخرينgo مجعب بحال اشهد دالنحل
تفكرت العجين و مشات شعلت العافية فلفرنة
شوفو اخديجة لي قلتو معgaزة يد ايطبخ اخرينgo ويد ايgaبل الفرنة ويد ايفور الطعام
مجات 11 دالنهار حتى كانو النسا gaهزو لغسالة دالصوف وجاو للدار جبرو اخديجة موجدالم براد دتاي و طبصية داخريتgo شي مدهون بالزيت و شي مدهون بالعسل وشي مدهون بالسمن
طاطا حدهوم خلاتم ايكلو و مشات وردت البقار وربطتم في الظل
النسا تغداو الطعام مسقي بالحليب و الفروخا مخضرين بالبصلة و الزبيب وارتاحو و رجعو للصوف شي اينشف و شي ايمشط و شي ايقرشل
اخيجة اعجنت السفنج و خلاتو يخمر و مشات كتعون ارقية فالغسالة دالحوايج(المواعين)
اشعلت اخديجة المكينة وبدات كتقلي السفنج وهي راد البال على النسا ايخدمو و يهضرو الحديث و المغزل
طامو معرفت لياه حادة مجاتشاي
زهرة كمسوقتشاي لخبر(جميع الحروف ساكنة)يودي قالك زولت الضرسة و ابقلا اجدر و را وجاها منفوخ
احليمة ولا قاليك يودي الطبيب زولا الضرسة الصحيحة و خلالا المريطة و الطفلة دعما خيطولو كرشو بسبايلو
اخديجة :الله يا خلثي احليمة حتي البهايم مكيخيطولمش بسبايلو عنداك يا بنادم
احليمة و حنا غاسمعنا
اخديجة و متبقاوشاي لي تسمعو تيقوه
طاطا حدهوم عمرت الشقف بالكبريت و شعلت فيه العافية ولقاتو تحت الكبراتا و لقات لقيام يتكبريت و غطاتو بالحايك و البطانية
النسا كملو الصوف و قبل مايمشيو طاطا حدهوم فرقت عليهم السفنج شي اعطاتو 2 و شي 3 وشي 10 و منستشاي عمي بوشة صيفتلو افخيدة دالقنية و الراس حيت عارفاه عزيز عليه اتمشاش و صفطيت لحادة حشواي دالطعام
خلات النسابخير و قالتلم الله يرحم والديكم و يعطيكم الصحة و نا فيوخ ماحتجيتوني انا موجودة
و انا كذلك نخليكم علي خير و انقلكم الله يعونكم على قرايت كتابتي.

توقيع: مليكة الأطرش

تصنيف : المنتديات الثقافية,طرائف تسولية