يوميات طاطة حدهوم 05

السلام عليكم كيف حالكم واش كينشي شتا فالتول نخليكم اطلبو الشتا ونا نمشي عند طاطا حدهوم
خليناها فالنسا اتفرقو وهي طرحت راسا شواي اعلاما جا الوقت وناضت طولت لبقار و رجعت للدار و بدات كتحجر الصوف لمقزشلة ادكناتا فاgدور وادخلاتا لسرير و لقيام لقاتو فوق الطنة على ظهر اليد فهد الوقت الطفلات ملهيين فالشغول دالدار كلهاو وشني ايلقي
اخديجة عمرات براد دتاي وحمات اخرينgo وخرجات كلشي للدكانة ولغات عليهم باش يتعوفو دارو على المدونة وليني عيشة ماجتشاي عا بداو يكلو رقية انطقت
رقية :ايما شتي خلثي احليمة.قالت على اخديجة مgaروطت اللسان

طاطا حدهوم:ياك هي فداري وادكول طعامي و ادهضر فيا و الله لا gaزتا
اخديجة:راني اسماعتا ايما وليني مديتاشاي فيها فاها هداك تكول بيه حتى الشوك الا بغات و دارت عند رقية و قالتلا
اخديجة:مالك كتوصل لهضرة اشني اطلعلك اكاري حنكو
طاطا حدهوم :خليها تهضر و تقولي شني كاين فهد الوقت عيشة جات كسبيg و كتقول و العطار ماجي و العطار ماجي
طاطا حدهوم:اخلعتني الله يعطرو عليك
العطار:اااملين الدار اااملين الدار
عمي قدور:و نعااام
العطار و الله يرحم الوالدين حاشريبة دالما و حكسيرة دالخبز
طاطا حدهوم نوض ا مريم عمرلو الغراف من goلاس راه بارد و انتي ا اخديجة لبقيشي goواز نوض حميهلو
اخديجة با غاحشواي قلت انصيفطو لسهام التازي رها طاباتو
طاطا حدهوم غا خلي الغدة دسهام التازي راها مشات تقتلني وليني راني عولت انلقيلا لعراضا ديالا بوحدا غانوض خرج للراجل حشدق دلخبز
عيشة ايما اشريلي حالربga
طاطا حدهوم اشني غدلقي بها راها عندك
عيشة راني دورت عليها حياط مياط وما اجبرتاشاي
عمي قدور وغا لقيلا خاطرة راها باقية اصغيرة بلا اعقال
طاطا حدهوم وااخة ميكون غخطرك ا قرض العش ديالي
العطار اكلا و اشرب واسترزق الله وامشا وهو ايدعي معهم (طاطا حدهوم معروفة بالكرم فكل عابر سبيل تعطيه الاكل و الشرب و في بعض الاحيان المبيت لان منزلها يقع علي جانب الطريق)
طاطا حدهوم رجعت لشغولها و قالت لاخديجة
طاطا حدهوم اجيبلي الريابة انغرفلك لحليب وامخطو
اخديجة ياك اشكوة مقطعة
طاطا حدهوم ايوا اخسل داك افكير و جيبو انغرف فيه
اخديجة انا مايعجبنيشاي انمخوط فافكير
رقية غا اخسلو و اجيبو انا دبا انمخوط
طاطا حدهوم و نتي ايما افتل حشواي دالطعام غليط للبن و نا مشيت انورد لبقار
اظلام الحال رقية مشات دشعل لمبا ملقتشاي الgaز
رقية وايما البطا دلgaز خاوية
طاطا حدهوم ايوا شعلو القنديل و اقضيو بيه هدلليلة
الطفلات كملو شغلم و اتعشاو و دارو بيماهم كيف طاريين و بداو ايزاوgo فيها باش تعودلم لخرافة وليني هي مابغاتشاي حيث هي مزال مفقوصة علي لهضرة لي قالت احليمة(وعرفتو بعدا علاش احليمة قالت علي اخديجة لمgaروطة مانخليكومشاي تفكرو يودي اخديجة ما ادهضرشاي باللهجة التولية )
عمي قدور :اجيو عندي انا هد الليلة لي غدانعودلكوم وليني ماشي اخرافة انا بغيتكوم اتحفضو هد شي لغنقلكوم و اتحفضوه لوادكومكيف حفضولي جدي سمعو ابناتي فهدالوقت هزت اخديجة القنديل و امشات للبيت اتحتاني فين ادنعاس وليني هي مكتنعاس حتى كتقرا شي رواية او قصة كانت امبلية بروايات المنفلوطي و جبران خليل جبران و ارسيل لوبان...
عمي قدور بدا واحد اسربوحة و ابناتو ايتصنتو
الكرامة قروية و اتغنديفة مجدولية و الهمة ازبايرية
و لغوفة لنتية و الحفا انgoشتية و العرا افراسنية
و الجوعة خندقية و الغضبة قلبية والضحكة عزوزية ماجا فين يكمل حتى كانو نعسو حيت مافهمو والو من هضرة باباهم وانتم افهمتو شي حاجة.

توقيع: مليكة الأطرش

تصنيف : المنتديات الثقافية,طرائف تسولية