يوميات طاطة حدهوم 03

السلام عليكم كيف حالكم واش كينشي شتا فالتول المدينة فاش انا الحمد لله روات عندنا.
نرجعو عند طاطا حدهوم خليناها جمعت ابناتا و يماها و الراجل ديالا فالدكانة و بداو يفطرو عيشة بنتا الصغيرة قلتلا
ايما اعطيني جليطة
طاطا حدهوم واخا الحبيبة ودارت عند اخديجة
نوض جيبلا حشواي دسمن منلحلابة راها معلقة فروا
كتدخل اخديجة و كتلقي سحواتا دسمن فارشييشة و هي خارجة امنgرات بنتا( السكون على البا و السكون و الشدة على النون) مع باب الدار وكتفلتلا الرشاشة
تصرخ اخديجة وجي مشبوحة على وقفتا مسكينة شدوها لرياح حيت تفقصات على السمن لي ضاع و الرشاشة لي تهرست
طاطا حدهوم: ابابا ابابا على بنيتي مشطعلك فيها الله يهنيها
اختا رقية كتدخل كتجري باش جيبلا الريحة لي كتفيق بها
رقية وايما والبطا خاويا
طاطا حدهوم جري عند عروست طامو جيبلا حنقيطة
ماجات ترجع رقية من عند طامو جارتم حتى كانت اخديجة اتهايات وكططات راسا و هردشات حوايجا و حلقا تبحباح بلغوات
شربت اخديجة الريحة و gaلسات بحال مكاين والو
رجعو يفطرو و بدات طاطا حدهوم كتفرق الشغول
قالت لخديجة اعجن بالخميرة واغسل داك لفروخا وانصبم ونتي ارقية رفد معايا الصوف للواد نفزgouها علاما يجيو النسا و انت امريم اطلق البقرات لسهب يرعاو و عنديك يمشيو لحصيدة دالناس و انت أصغيورا ديالي سير لعب فالنادر و ضرب دجاج باش ماينبشوش التبن و انت ايما وجد خرينgo و دارت عند عمي قدور
و انت اراجل نوض gaهز داك الشغول دماليه و عبيهلم باش يعطيواك خلاصو ( عمي قدور كانت عندو صنعة كيترزق منها) نخليو طاطا حدهوم هنا وانخلي ليكوم الراحة.

توقيع: مليكة الأطرش.

تصنيف : المنتديات الثقافية,طرائف تسولية