يوميات طاطا حدهوم الحلقة 7

معاناة طاطا حدهوم
عمي قدور قاسى و عانى و امشى لاين نمشيو كاملين
وخلا طاطا حدهوم و ابناتو و واروارثا حايرين
اشحال تعبي المرا و شحال يعبيو الطفلات وشني غيبقا للوراثا ما يعبيو
ورث عمي قدور امطاير معدودا
يتقسم على مراتو و ابناتو و حتى اختو الوحيدة
و لي داخل الدار
من افراش و مواعين و بقار
على طاطا حدهوم محسوبا
هي كسباتم بلحداga و الدرع و الاسرار
حقا و حق ابناتا فيه تهلات
تحرت و تدرس و تgaهز هي اللولى
تصدق و تعشر و خا لعشور فيها اولى
توقف التبن و بصبا ديلا دتهنا
واليني هي مسكينة
في قلبا غدة و اغبينا
كل سوق ادبيع مود دلفول او زويتا
باش اتشري لحيما و اخضيرا و حتى لمسكا و لحليوا
و زيد لمشايا و البوط و اكبوط و ادريرا
و كل ما يخص الطفلة الصغيرة و لكبيرة
تسوق و ترجع لدار بزربا
باش تخرج البقار و تشوف شني داشغول ايعاينا
واخا ابناتا ايعونوها هي مكتعول حتى على وحدا
فالنهار كتقيل فلخلا كتسرح البقار
او عند لعيالات خداما
هذي تحنكلا وهذي تشطبلا و هذي تخملا الدار
شوفو يا ساداتي طاطا حدهوم شني لقا فيها الزمان الغدار
و في اليل تبات عساسا
حيت كانو يخوفوها و يخلعوها عديانا
لي غارو منا و بغاو يطحاو بحالا
وليني الله سبحانه وتعالى
ما خيب ارجاها
بالصبر و الثقة في النفس زاد قواها
هذا هو حال طاطا حدهوم حتى كبرو ابناتا
زوجات منم زوج فالتول وحدا فالمدنا سكناتا
هذا كيخص طاطا حدهوم و بناتا
وليني يانا اتشغلت بها و بحياتا
كنفكر فيها الصبح والعشيا و كيف انكمل احكايتا
راني ارجعت نهضر بالتولية وخا كنت انسيتها
هذشي علاش راني زربانا
باش تعرفو واش طاطا حدهوم حقيقية ولا غير اخرافا.

توقيع: مليكة الأطرش

تصنيف : المنتديات الثقافية,طرائف تسولية