قصيدة بالحروف

بسم الله والصلاة والسلام على خير الخلق رسول الله.
الليف أول حرف فالتأليف
الصلاة على النبي ذكرها خفيف
التسول أصل شريف
النخوة العز والنيف
وكرمهم أحسن مزية،
نعرج عالبا،
التسول كاملة طولبا
الفلاحة عندم صابا
گمح شعير وقطنية
أما التا،التسول ياخيات
بين البرانس وغياتة جات
القبايل بثلاثة خيات
ولحياينة فالجهة الغربية
وفالثا نحلف بالله ثلاثة
التسول ما فيهم شماثة
الرجولة فيهم إراثة
الكلمة عندم موفية،
والجيم ياصاحب كون فهيم
ما ينزل عليك الضيم
يلا درعت بولد التسولية
أما الحا، بين غياثة ولبرارحة
التسول كاملين فلاحة
فبلادم دصيب الراحة
فيها درتاح النفسية
الخا، التسولي عامر نفخة
والمغانة حتى هي
الدال لمن يسول ويسال
كلامي معقول بلا جدال
التسول منبع الرجال
ضيفهم خفيف ما يتقال
حسن الضيافة ليلم معطية
والذال، الحق ياخوتي يتقال
بحال التسولية مكاين محال
الزين الحيا والحشمة والنية
يا خوتي على الرا
التسولية مرا حرة
ما درضالك الذل والقهرة
معاها دطلع الجرية
والزاي يا خاي لعزيز
التسولية حرة ما دحتاج نغيز
ذهب صافي مثل اللويز
مَخلقة ومربية
والسين لا دنسى
التسولية جيدة النسا
صبارة على دار وناسا
والصبر فاي بقاث القضية
والشين فاي عقلك مشا
التسولية دشبعك مسمن وحرشة
وخرينgو لديد من يدا هي
الصاد فالقصة
التسولية مرا مقرصة
حرة نص وقصة
فايقة ونقية
والضاد يا ولاد الرضا
بغير التسولية لا درضى
وصاية ليك وليا
الطا التسول جبال ووطا
عيون وويدان الما ما يخطا
بلاد الخير هادي هي
والظا نحلف بأيمان غليظة
التسول بأولياءها محفوظة
من كل شر وبلية
والعين يا جماعة
شباب التسول بذراعا
بناتم الشغل والزين والطاعة
هذي هي التريكة المرضية
والغين يا الحاير فالغا
بالتسولية أنا نلغا
لهجتنا أحسن لغة
بين القبايل العربية
الفا والناس كاملة عارفة
التسول بلاد العلما والشورفا
ربعين ولي وولية
وفالقاف تفكر خيكم فاين خلق
صاف مكلسة وطنطانة كاملة طلاق
تفكرت البطمة دالجامع وكلهاو فاين مسلق
الشجرة دالجامع والدالية شحال كلينا عليهم حق
عين عروس البحاير والساقية درقرق
تفكرت عراسنا والبارود يطرطق
تفكرت بوبراق دارنا والكنية
الكاف التسول خمس أفخاذ الخاوة متشابكة
يبكي الزبايري يلا اللنتي شكا
ويسمع الفراسني يلا النگوشتي حكا
خوت لا حقد لا عدوانية
واللام يا ولاد لحلال
التسولي واخا يخوي ويرحل
التسول ما دزولو مالبال
فالدم تجري فالقلب ساكنة هي
الميم، مجموعتنا ياسلام
أعضاءها ما يكفي فمدحهم كلام
التراث عندم اهتمام
ينبشوا عالقديمة والمنسية
والنون مجموعتنا عندا قانون
الإحترام والوقار لازم يكون
ممنوع التصاور الفيديوات والجنون
وداك هههههههه شاحثة حتى هي
فالها نحلف بالله
خيي سي أحمد لزعر ماكاين خاه
علم تواضع أخلاق وجاه
البحث فالتراث همو وهواه
سلطان المجموعة أسسا بيداه
عمل بها لاولاد لقبيلة مزية
الواو مجموعتنا حلاوة
بومعگاف دقثو ما دداوا
وعبدالحق حارس من عند طانجاوة
ولالة رقية هي الترية
اليا، مجموعتنا بنساها جردة محضية
الشريفات وسهام ختي المرضية
إسراء وأم زياد مولات الدار حتى هي
ونطلب السماحة مالبقية
ورجالا عزيز وأبو إلياس ونبيل ولد لمكلسية
وخالي مول الزيث البلدية
علال وجمال وخالد دالبومبية
عماد وعبدالرحيم وناس الجالية
حسن والدعينن حداه
وعبدو بن علي من حمرية
يسف ولخريرز معاه
الأصل زين والنقلة مرضية
جليبن وبقشيش ما ننساه
غلات ويخلف متازة الفوقية
الشورفا ولاد البورقادي حد ماننساه
وما ننسى بوشتى وحادة لهواوية
وحمو راخي هيسوسثو حداه
ويامنة بعبدالسلام مبلية
وعبدالحق كلامو قصو وعطاه
مع الصافية يكملو المنية
ودماذكرتو بقا بالي معاه
طوال الشغل وعياو يديا.
وعلى المودة نتقاشعوا

توقيع: أنوار زياد

تصنيف : الثقافة التسولية,المنتديات الثقافية